«Şirvan REŞ» MMC-nin rəhbəri əməkdaşımızı ölümlə hədələdi

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

«Şirvan REŞ» MMC-nin rəhbəri əməkdaşımızı ölümlə hədələdi

Sosial

Oxunub: 1 003

10 apr 2016 | 12:53

«Şirvan REŞ» MMC-nin rəhbəri əməkdaşımızı ölümlə hədələdi

Baba Rzayevin qohumu Əli müəllimin adından istifadə edən Saqif Ələkbərovun barəsində təcili olaraq tədbir görülməlidir «Azərenerji» Açıq Səhmdar Cəmiyyətinin (ASC) «Şirvan Regional Elektrik Şəbəkəsi» MMC-dəki 240 minlik oğurluq hadisəsi barədə xəbər vermişdik. Bildirmişdik ki, oğurluq hadisəsi 2015-ci ilin 23-24 dekabrında baş verib. Belə ki, «Şirvan REŞ» MMC-nin rəhbərliyi 101-635 minlik transformatorları oğurlayaraq satıblar: «Bu transformatorlar həmin tarixdə 2 maşınla aparılıb. Daha sonra 2016-cı ilin 8, 9 və 10 yanvar tarixlərində 3 maşın mis oğurlanaraq «Kamaz» markalı yük maşını ilə müəssisədən çıxarılıb. Müşahidə və radar kameralarında yoxlanılsa, həmin maşınların hərəkət istiqaməti məlum olar. Oğurlanmış mallar Qaradağ rayonu Lökbatan qəsəbəsinin dairəsində Tural adlı şəxsə təhvil verilib. Tural adlı şəxs malı təhlükəsiz şəkildə, yəni heç bir maneəyə rast gəlmədən gətirdiyi üçün malı gətirən şəxsə 10 min manat pul verib. Buna el arasında qaçaq malın təhlükəsiz şəkildə ünvanına çatdırılması da deyirlər. Oğurlanmış malların müəssisədən çıxarılmasını Afət Nəcəfov da təsdiqləyə bilər. Bu malların oğurlanaraq satılması nəticəsində 240 min manat gəlir əldə edilib. «Şirvan REŞ» MMC-nin direktoru Saqif Ələkbərovdur. Onun müavini isə Atabala Şərifovdur. Atabala Şərifovun qardaşı Əjdər Şərifov mallar müəssisədən çıxarılan gün növbədə olub. Saqif Ələkbərovun sürücüsü isə Atabala Şərifovun digər qardaşı Cəbrayıl Şərifovdur. Başqa sözlə desək, bu şəxslər qabaqcadan plan quraraq dövlətin əmlakını məqsədli şəkildə talan ediblər». Biz gözləyirdik ki, faktın araşdırılması istiqamətində Etibar Pirverdiyev və Baba Rzayev dərhal hərəkətə keçib tədbir görəcəklər. Əfsuslar olsun ki, hələlik oğurluğu törətmiş şəxslərin heç birinin barəsində müvafiq ölçü götürülməyib. Məhz cəzasızlığın nəticəsidir ki, «Şirvan REŞ» MMC-nin rəhbəri Saqif Ələkbərov bu gün saat 10:21 radələrində redaksiyamıza zəng vuraraq məqaləni hazırlayan müxbiri asacağını bildirib. O yazıda göstərilən faktların həqiqəti əks etdirmədiyini söyləyərək əməkdaşımızı ölümlə hədələyib. Əvvəla biz sual edirik ki, dövlət məmuru, belə məsul vəzifə daşıyan şəxs adam asıb-kəsməyi hardan öyrənib? Bəlkə ona mətbuat nümayəndələri ilə belə formada danışmağı Etibar Pirverdiyev, yaxud Baba Rzayev öyrədib? Saqif müəllim, biz sizin fəaliyyətinizdəki nöqsanları ictimailəşdirmişik. Burda söhbət dövlət əmlakının talanmasından gedir. Məsələyə münasibət bildirmək istəyirsinizsə, buyurun normal şəkildə fikirlərinizi açıqlayın. Zəng vurub jurnalistə hədə-qorxu gəlmək, onu ölümlə hədələmək dövlət mumuruna yaraşarmı? Çox güman ki, bu məsələ ilə bağlı aidiyyəti hüquq-mühafizə orqanlarının nümayəndələri öz işlərini görəcəklər. Sonda bir məsələni də xüsusi qeyd etmək istəyirik. Deyilənə görə, Saqif Ələkbərov harda oturursa, Baba Rzayevin, eləcə də ASC sədrinin yaxın qohumu olan Əli müəllimin adından istifadə edir. Bildirir ki, Əli müəllim onun arxasında dayanıb və heç kim ona artıq kəlmə belə deyə bilməz. Biz «Azərişıq» ASC-nin sədri Baba Rzayev cənablarından xahiş edirik ki, onun adını harda gəldi hallandıran Saqif Ələkbərovun fəaliyyətini araşdırsın. Mövzunu diqqətdə saxlayacağıq.