Nazirlikdən Raquf Orucovun xanımına cavab

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Nazirlikdən Raquf Orucovun xanımına cavab – SƏNƏDLƏR

Sosial

Oxunub: 888

6 avq 2016 | 13:15

Müdafiə Nazirliyi aprel döyüşlərində şəhid olan polkovnik-leytenant Raquf Orucovun həyat yoldaşı Sevinc Əlizadənin uşaqları üçün verilməli olan aylıq müavinəti hələ də ala bilməməsi ilə bağlı mətbuatda yayılan şikayətinə cavab verib.

“Qafqazinfo”nun sorğusuna cavab olaraq bildirilib ki, şəhidin ailəsi Müdafiə nazirinin müavini və nazirliyin müvafiq idarə rəisləri tərəfindən dəfələrlə qəbul edilib, ailənin problemlərinin həlli ilə bağlı konkret işlər görülüb.

Həyat yoldaşı qəbul zamanı şəhid R.Orucova ölümündən sonra “Azərbaycanın Milli Qəhrəmanı” fəxri adının verilməsi arzusunda olduqlarını bildirib. Bu fəxri adın Silahlı Qüvvələrdə uzun müddət xidmətə görə deyil, hər hansı bir döyüş əməliyyatında göstərilən qəhrəmanlığa, şəxsi şücaət və rəşadətə görə verildiyi barədə şəhidin ailəsi məlumatlandırılıb. General, zabit və digər hərbi qulluqçular öz ailə üzvləri ilə birlikdə şəhidin yas mərasimlərində dəfələrlə iştirak edib, ailəsinə baş çəkib, Silahlı Qüvvələr Günündə də onları ziyarət edərək tək buraxmayıblar.

Şəhid ailəsinin pensiya təminatı ilə bağlı tələb olunan sənədlərin işlənib-hazırlanması böyük həcmli bir proses olmasına baxmayaraq, Müdafiə Nazirliyinin müvafiq qurumları bu məsələnin sürətləndirilməsi məqsədilə üzərinə düşən vəzifələri vaxtında yerinə yetirib, sənədlər hazırlanıb və adiyyəti üzrə göndərilib.

Belə ki, 9 aprel 2016-cı il tarixdə “Ölüm Haqqında Tibbi Şəhadətnamə” verilib və "Şəhid adının əbədiləşdirilməsi və şəhid ailələrinə edilən güzəştlər haqqında" Azərbaycan Respublikası Qanununun 1-ci maddəsinə əsasən polkovnik-leytenant Orucov Raquf İbrahim oğlu "Şəhid", onun ailəsi isə "Şəhid ailəsi" hesab edilməsi barədə Müdafiə Nazirliyinin 18.05.2016-cı il tarixli arayışı xidmət etdiyi hərbi hissənin nümayəndəsi tərəfindən şəxsən həyat yoldaşı Sevinc xanıma təqdim edilib.

Eyni zamanda, şəhid R.Orucovun ailəsinə Müdafiə Nazirliyinin xətti ilə ailə başçısının itirilməsinə görə pensiya təyin olunması məqsədilə 14 iyun 2016-cı il tarixdə həyat yoldaşına və 4 avqust 2016-cı il tarixdə atasına “Məlumat vərəq”ləri hazırlanaraq Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Hərbi qulluqçular və xüsusi rütbəli şəxslərlə iş departamentinə göndərilib.

Aprel döyüşlərində polkovnik-leytenant R.Orucovun fəaliyyəti araşdırılıb, hərbi hissə komandanlığının təqdimatı əsasında komissiyanın qərarı ilə müvafiq qaydada vəsatət qaldırılıb. 19 aprel 2016-cı il tarixində Azərbaycan Respublikası Prezidenti cənab İlham Əliyevin Sərəncamına əsasən o, ölümündən sonra yüksək döyüş medalı - “İgidliyə görə” medalı ilə təltif olunub.

Eyni zamanda bildiririk ki, şəhid polkovnik-leytenant R.Orucov Azərbaycan Respublikası Silahlı Qüvvələrinin hərbi qulluqçularının sosial müdafiəsinin gücləndirilməsi tədbirləri barədə Azərbaycan Respublikası Prezidentinin 28 dekabr 2011-ci il tarixli Fərmanına əsasən, Bakı şəhərində 3 otaqlı daimi mənzillə təmin edilib.

Onu da qeyd edək ki, ölüm haqqında tibbi şəhadətnamə Səhiyyə Nazirliyinin 2 oktyabr 2001-ci il tarixli 100 saylı əmri ilə təsdiq edilmiş formada Azərbaycan Respublikası Səhiyyə Nazirliyi, ölüm haqqında şəhadətnamə isə mərhumun qeydiyyatda olduğu şəhər və ya rayonun VVAQ şöbəsi tərəfindən həlak olanın yaxınlarına verilir.