16 saylı uşaq poliklinikasında arayış maxinasiyaları

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

16 saylı uşaq poliklinikasında arayış maxinasiyaları

Sosial

Oxunub: 1 009

24 okt 2016 | 15:04

16 saylı uşaq poliklinikasında arayış maxinasiyaları

Baş həkim Sevda Vəzirova boşanmış xanımın keçmiş həyat yoldaşı ilə anlaşmaya gələrək, onların övladına arayış verməkdən imtina edib

Qəzetimizin ötən saylarında biz dəfələrlə respublikamızın səhiyyə sistemində yer almış neqativ halların və bu halları şərtləndirən bir çox səbəblərin müzakirəsinə həsr olunmuş tənqidi məqalələr dərc etmişik. Məlum olduğu kimi bu gün ölkənin səhiyyə sistemində həyata keçirilən əsaslı islahatlar Azərbaycanın bu sahədə beynəlxalq standartlar səviyyəsinə yaxınlaşması məqsədini güdür. Lakin etraf etməliyik ki, bütün bu mütərəqqi tədbirlərə baxmayaraq, ümumilikdə ölkənin səhiyyə sistemində vəziyyət hələ də ürək açan deyildir. Redaksiyamıza yeni daxil olan məlumatlarda isə, Bakının Suraxanı rayonu, Hövsan qəsəbəsində yerləşən 16 saylı uşaq poliklinikasında yer almış bəzi neqativ hallardan bəhs olunur. Məlumatları təqdim edən mənbə baş həkim Sevda Vəzirovanın rəhbərlik etdiyi bu poliklinikada vəziyyətin həddindən artıq acınacaqlı olduğunu bildirir. Açıqlamada iddia olunur ki, dövlət tibb müəssisələrində əhaliyə göstərilən xidmətlərin pulsuz olması qanunla nəzərdə tutulduğu halda, 16 saylı poliklinikaya öz uşaqlarını gətirən valideynlər burada baş həkimindən tutmuş, tibb bacılarına qədər hamıya pul ödəməli olurlar. Belə ki, pul almadan poliklinikanın həkimləri uşaqları nə əməlli müayinədən keçirmir, də onlara doğru-dürüst müalicə təyin etmirlər.

Həmçinin 16 saylı uşaq poliklinikasında yaranmış vəziyyətdən şikayətlənən digər şəhər sakini isə, bu tibb müəssisəsinin rəhbərliyini həm də uşaqlara sağlamlıq haqda arayışların verilməsilə bağlı maxinasiyalar törətməkdə ittiham edir. Redaksiyamıza müraciət etmiş Kazımova Zəhra İsa qızı bu barədə öz müraciətində yazır: “16 saylı uşaq poliklinikasında arayışların verilməsi əsil kommersiya fəaliyyətinə çevrilib. Bu yaxınlarda poliklinikaya övladıma sağlamlıq haqqında arayış almaq üçün müraciət etmişəm. Baş həkim Sevda Vəzirova isə, bu arayışı verməkdən imtina edir. Bəhanə kimi də bunu göstərir ki, mən bir müddət bundan əvvəl ərimdən boşanmışam və hazırda bu rayonda qeydiyyatda deyiləm. Amma məsələ bundadır ki, oğlum anadan olandan biz bu poliklinikanın ərazisində yaşamışıq. Digər əraziyə isə, az müddət əvvəl köçmüşük. Həmçinin yeni yaşayış yerində də hələlik qeydiyyata düşməmişik. Amma sonradan mənə məlum oldu ki, Sevda Vəzirova sadəcə olaraq keçmiş həyat yoldaşımın sifarişinə əməl edərək məni incidir. Belə ki, keçmiş həyat yoldaşım Kazımov Zaur Vaqif oğlu əslində mənim razılığım və hətta məhkəmədə iştirakım olmadan, məni aldadaraq boşanmağımıza nail olub. İndi isə, hər hansı bir sənəddən, ondan aliment və ya hər hansı digər təzminat almaq üçün istifadə edə biləcəyimdən qorxur. Buna görə də o, baş həkim Sevda Vəzirova ilə anlaşaraq, mənim oğluma arayış almağımı əngəlləyib...”

Əldə etdiyimiz digər bir məlumatda isə, Sevda Vəzirovanın həyata keçirdiyi dərman maxinasiyalarından bəhs olunur. Bu barədə açıqlamada deyilir: “Hövsan qəsəbəsində yerləşən 16 saylı uşaq poliklinikasının baş həkimi övladlarımızın səhhətini özünün biznes subyektinə çevirib. Belə ki, Sevda Vəzirova müxtəlif dərman firmaları ilə anlaşaraq, onlara öz məhsullarını satmaqda yardımçı olur. Bu məqsədlə, poliklinikaya müraciət edən xəstə uşaqlara məhz konkret seçilmiş şirkətlərin ölkəyə idxal etdikləri dərman preparatları təyin olunur. Bunun müqabilində isə, baş həkim həmin şirkətlərdən aylıq pul alır.

Sevda Vəzirova hər bir dərman firmasından təklif olunan dərmanların hər çeşidinə görə ayda 10 manat pul tələb edir. Belə ki, bir firma 10 adda dərmanın reklamını və yayılmasını istəyirsə, bunun müqabilində 100 manat pul ödəməlidir. Baş həkimin anlaşdığı şirkətlərin adları və dərmanların siyahısı da poliklinikanın bütün həkimlərinə paylanılıb. Həmin siyahıda qeyd olunmamış dərmanın poliklinikada istifadəsi və xəstəyə təyinatı qəti qadağandır...”

Qarşı tərəfi də dinləməyə hazırıq.