Böhran və yeyinti “Qaçqınkom”u o günə qoydu ki...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Əliyev İrəvanın “ümid yerinə” yön verir - İki ardıcıl zəng

Böhran və yeyinti “Qaçqınkom”u o günə qoydu ki... - Təfərrüat

Sosial

Oxunub: 996

24 okt 2016 | 20:51

Böhran və yeyinti “Qaçqınkom”u o günə qoydu ki... - Təfərrüat

Məcburi köçkünlərə dövlət tərəfindən ayrılan güzəştlərlə bağlə problemlər yaranıb. Köçkünlər artıq bir neçə aydır güzəştlərdəm məhrum ediliblər

Politika.Az-ın verdiyi xəbərə görə, Bakının Qanlıgöl massivində yaşayanların həm elektrik, həm də ev telefonlarının aylıq limiti “Qaçqınkom” tərəfindən ödənilməyi. Bu ərazidə təxminən 20 qaçqın ailəsi var, hər birində bu problem yaranıb. Qaçqınların və Məcburi Köçkünlərin İşləri Üzrə Dövlət Komitəsi isə heç bir açıqlama vermir.

Görünür, böhran “Qaçqınkom”a da təsir edib. Halbuki komitə sədrinin oğlu lüks həyat yaşayır. Amma köçkünlərin kommunal borclarını ödəməyə imkan tapılmır.

Qeyd edək ki, Qaçqınların və məcburi köçkünlərin sosial müdafiəsi ilə əlaqədar qəbul edilmiş normativ-hüquqi sənədlərə (oktyabr 2003-oktyabr 2008-ci illər) əsasən qaçqın və məcburi köçkünlər kommunal və digər xidmət haqları - elektrik enerjisi, təbii qaz, içməli su, telefon abunə haqqı ödəməkdən azaddırlar.

Bütün bunlar qanunlar və Prezident fərmanları ilə tənzimlənir. Amma Qaçqınların və Məcburi Köçkünlərin İşləri üzrə Dövlət Komitəsindən artıq 3-cü aydır ki, abunə haqları ödənmir. Komitənin sayəsində hər abunəçi üçün 5 manat borc məbləği yığılıb.

Bununla bağlı komitədən quruma məktub da ünvanlayıblar. Komitənin maliyyə şöbəsinin rəisi T.Şamilzadənin adından daxil olan məktubda yazılır:

“Maliyyə çətinliyi ilə əlaqədar olaraq 1 avqust 2016-cı il tarixindən köçkünlər üçün abunə haqqının ödənişi dayandırılıb. Abunə haqlarının abuçəçilərin özləri tərəfindən ödənilməsini təklif edirik”.

Politika.Az-ın xəbərinə görə, bu ilin dövlət büdcəsində Qaçqınların və Məcburi Köçkünlərin İşləri üzrə Dövlət Komitəsinə köçkünlərin xərci üçün birbaşa 224 390 879 manat ayrılıb.

Təkcə bu pul deyil. Büdcədən əlavə olaraq komitənin saxlanması üçün inzibati xərclər, köçkünlər üçün salınan qəsəbələrdə abadlıq işlərinə vəsait nəzərdə tutulub.

Bununla yanaşı Dövlət Neft Fondundan da köçkünlərin məişət şəraitini yaxşılaşdırmaq məqsədilə yeni qəsəbələrin salınması üçün 90 milyon manat ayrılıb.

Keçən il də birbaşa ayırma 224 490 879 manat təşkil edib. Odur ki, ayrılan vəsaitlərin az olduğunu, maliyyə çətinliyinin yarandığını iddia etmək üçün heç bir əsas yoxdur.

Köçkünlər üçün komitənin bu il ekstra xərci çıxmayıb, xərclər və məbləğ eynidir. Amma baxır kimin nə qədər “yemək” istəyinə. Bunun üçün də köçkünlərin “cibinə” girmək daha asandır.