Neft hökuməti aldatdı: İşsizlər ordusu böyüyür, deputatdan üsyan

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Neft hökuməti aldatdı: İşsizlər ordusu böyüyür, deputatdan üsyan - Fakt

Sosial

Oxunub: 854

9 dek 2016 | 07:42

Neft hökuməti aldatdı: İşsizlər ordusu böyüyür, deputatdan üsyan - Fakt

Azərbaycanda işsizlər ordusunun sıraları genişlənir. Devalvasiya iş yerlərində ixtisarlara və müəssisələrin qapadılmasına səbəb olur.

2017-ci ilə qədər bu prosesin daha ağır xarakter alacağı proqnoz verilir. Hökumət şahiddir ki, xarici şirkətlər də ölkəni tərk edir. İqtisadi böhrana qarşı kompeks tədbirlərin ləngliyi və tormozlanması xalqın həyatına ciddi şəkildə təsir edir.

Bu barədə Politika.Az-ın İqtisadiyyat Şöbəsi xəbər yayıb. Məlumatda bildirilir ki, Nazirlər Kabinetinin tormozlayıcı fəaliyyəti nəticəsində əhalinin içərisində işsiz insanlar və aztəminatlı ailələrin sayı çoxalır.

2008-ci ildən iqtisadi dirçəliş ölkədə orta təbəqənin yaranmasına gətirib çıxarmışdı. 2014-cü ilə qədər insanlar işləyirdi, dolanırdı, mülk alırdı, kreditlə müəyyən arzularını həyata keçirirdi, təhsil haqlarını ödəməkdə, toy etməkdə çətinlik çəkmirdi.

Neft pulları əhalinin sosial həyatını yüksəldirdi. Amma dəfələrlə deyilirdi ki, böhran hər an bizi yaxalaya bilər və daxili istehsalatı gücləndirmək, ixracı artırmaq, monopoliyanı ləğv etmək, qeyri-neft sektorunu inkişaf etdirmək mühümdür. Hökumət isə nə iqtisadçıları, nə mütəxəssisləri eşirdi. Və bu arxayınlıq ölkədə ağır iqtisadi vəziyyət yaradıb.

Politika.Az-ın İqtisadiyyat Şöbəsi xəbər verir ki, deputatlar da Tarif Şurasının qərarlarını, bank siyasətini, hökumətin iqtisadi prosesləri idarəçiliyini sərt tənqid edir.

“Bəzən hökumət qurumları belə bir fikir səsələndirir ki, “iş yerləri var, amma işləmək istəyən yoxdur”. Təklif olunan həmin iş yerlərində maaşlar hətta minimum yaşayış həddindən də aşağıdır”.

Bunu deputat Bəxtiyar Əliyev Milli Məclisdə büdcə müzakirəsi zamanı deyib. Onun sözlərinə görə, ona görə də aidiyyatı dövlət qurumlarının iş yerlərinin olması və işləmək istəmirlər barədə deyilən fikirlərir həqiqətə uyğun deyil:

“Demək ki, “iş yeri var, amma işləmək istəmirlər” ifadəsi düz deyil. Axı bu maaşa dolanmaq olmaz. Ona görə də hökumət bu məsələyə diqqətlə yanaşmalıdır. İş yeri və oradakı əməkhaqqı məsələsinə baxsınlar.

İş yerləri bağlananda nədənsə ilk növbədə ixtisara düşənlər əlillər və məcburi köçkünlər olurlar. Bizə bu barədə şikayət ərizləri daxil olur. Biz isə müvafiq qurumlara bununla bağlı müraciət edəndə deyirlər ki, gələcəkdə bunu nəzərə alacağıq”.