Azərbaycan gömrüyünün SINIQ QAPISI... - Aydın Əliyevin nəzərinə

Azərbaycan gömrüyünün SINIQ QAPISI... - Aydın Əliyevin nəzərinə











“Yağ, kolbasa, konfet, oğluma bir az siqaret... Yəni gündəlik istifadə etdiyimiz ərzaqlar idi. Elə vəziyyətdə gətirib çıxartdım ki, evə çatanda atdım zibilqabına...”. Qazaxda, əsasən, kəndlərdə yaşayanlar bayramqabağı müxtəlif ərzaq məhsulları almaqdan ötrü Gürcüstana üz tuturlar. Tavat Səlimova da onlardan biridir. O, danışır ki, dekabrın 10-da qonşu ölkədən qayıdan baş “Sınıq Körpü” gömrük keçid məntəqəsindən keçirmək istədiyi iki çanta ərzağı o tərəf-bu tərəfə tullaya-tullaya istifadəyə yararsız vəziyyətə salıblar:

“Deyir, olmaz... Deyirəm, a bala, nağayrım, acınnan ölüm? Un bahalaşıb, yağ, şəkər, hamısı bahalaşıb. Çox kasıb yaşayırıq. Bir oğlum şəhid olub, bir oğlum da 1-ci qrup əlildir. Güclü qidalanmasa, ölər. Deyirəm, onun üçün aparıram, ay oğul, öz ölkəmdə bahadır, çantamda nə var ki, 5 kilo yağ, 3 kilo pendir, 3 kilo şəkər, 3 kilo şəkər tozu, nə bilim, belə şeylər... Axı özləri də görürlər ki, alıb gətirdiklərim mağazaya qoyub satmaq üçün deyil”.

Tavat Səlimova ərzaq dolu boğçalarını dil-ağız edə-edə birtəhər keçirə bilib. Ancaq sevinci çox sürməyib: “Gəldim evə çatdım, baxdım ki, şəkər tozunun torbasını necə atıblarsa, deşilib, hamısı dağılıb, torbada heç nə qalmayıb. Torbaların ora-bura atılmasından ərzaqların hamısı əzilib, yapışıb. Un da dağılmışdı. Bircə siqaret salamat gəlib çıxdı”.

Tavat Səlimovanı incidən odur ki, gömrük əməkdaşları qanunda nəzərdə tutulmuş çəkidə gətirilən ərzağı da ayaq altına atmaqla, sanki insanların hissləri ilə oynayırlar. O, həmin ərzaqlara son ayın pensiyasını xərclədiyindən, sakitləşə bilmir.

Hər il Qazax, Tovuz, Gədəbəy, Gəncə kimi ətraf rayonlardan Gürcüstana ərzaq üçün keçənlər, özəlliklə bayramqabağı alış-verişdən geri qayıdanda Azərbaycan gömrükçüləri tərəfindən incidildiklərini iddia edirlər. Bununla bağlı sosial şəbəkələrdə də xeyli videogörüntü yayılıb.

Qeyd edək ki, gGömrük haqqında qanundakı son dəyişikliklərə görə, vətəndaşlar şəxsi istifadə məqsədi üçün ölkəyə gömrük rüsumu ödəmədən hər ay 30 kiloqramadək ərzaq, 600 ədədədək siqaret gətirə bilərlər. Vətəndaşlar qanunla nəzərdə tutulmuş çəkidən kənara çıxmasalar da, tez-tez gömrük işçiləri tərəfindən incidildiklərinə diqqət çəkirlər.

Yəqin ki hörmətli Aydın Əliyev cənabları qanunlardan xəbərdardır. Amma işçiləri yox. Ən azından görüntü ortadadır. Özü də hər gün...
XƏBƏR LENTİ
Bütün xəbərlər
Maraqlı
Dünyanın ən qorxunc həbsxanasından gizli kadrlar yayıldı
“Mövlud həmin gün o binanın başına iki dəfə çıxıb...” - Sevinc Fədai intiharın sirlərini açdı
Cənnətdə mömin kişilərdən ötrü hurilər olacaq - Bəs qadınlar üçün?
Dünyanı yönəldən Masonlar: Rokfeller və... – Video
Yeqin bunların böyüyü yoxdu
Həftənin çox oxunanları
Video
Dünyanın ən qorxunc həbsxanasından gizli kadrlar yayıldı
Dünyanı yönəldən Masonlar: Rokfeller və... – Video
Sarkisyanın qızının seksual görüntüləri erməni tərəfində yenidən yayıldı - VİDEO
Şəhid Mahir Quliyevin Oxuduğu Son Mahnı
YPX Və Bayker Yol Polisin Savadsızlığı Ortada Biabırçılıq