Daha çox tələbat olan dərmanların qiymətləri 5-10 dəfə aşağı salınıb - Nazir

Daha çox tələbat olan dərmanların qiymətləri 5-10 dəfə aşağı salınıb - Nazir













Ölkədə dərman vasitələrinin qiymətlərinin tənzimləməsi nəticəsində əhalinin və dövlət büdcəsinin dərmanla bağlı xərclərinə il ərzində 400 milyon ABŞ dollarından çox qənaət edilir.

Trend-in məlumatına görə, bunu AZƏRTAC-a müsahibəsindən Azərbaycanın iqtisadiyyat naziri Şahin Mustafayev deyib.

Nazir qeyd edib ki, manatın məzənnəsində baş verən dəyişikliklərə baxmayaraq, qiymət tənzimlənməsi nəticəsində dərman vasitələrinin çox hissəsinin qiymətləri tənzimləmədən əvvəlki qiymətlərdən yenə də dəfələrlə aşağıdır. Pərakəndə satış qiymətlərinin təhlili göstərir ki, daha çox tələbat olan, məsələn, xolesterin tənzimləyici, qan durulaşdırıcı, ağrıkəsici, təzyiq, diabet, allergiya və astma əleyhinə, mədə-bağırsaq və sinir sistemi xəstəliklərində istifadə olunan və s. dərmanların qiymətləri dəfələrlə, bir sıra hallarda 5-10 dəfə aşağı salınıb:

"Nəticədə həm əhalinin xərclərinə, həm də dərman idxalı ilə bağlı ölkədən valyuta çıxışına qənaət olunur. Konkret rəqəmlərə istinad etsək, 2014-cü ildə bir qutu dərman vasitəsinin orta idxal qiyməti 3 ABŞ dolları təşkil etdiyi halda, həmin göstərici tənzimləmədən sonra 1,4 ABŞ dolları səviyyəsinə enib. Təhlillər göstərir ki, tənzimləmə nəticəsində əhalinin və dövlət büdcəsinin dərmanla bağlı xərclərinə il ərzində 400 milyon ABŞ dollarından çox, idxal olunan dərmanlara görə xaricə ödənilən valyuta vəsaitinə isə 250 milyon ABŞ dollarından artıq qənaət edilir".

Ş.Mustafayev bildirib ki, ötən il ərzində 2015-ci illə müqayisədə qutu sayı ilə ifadədə ölkəyə dərman vasitələrinin idxalı 20 faiz artıb.
Loading...
XƏBƏR LENTİ
Bütün xəbərlər
Maraqlı
Hacıbala Abutalıbov uşaqlarla pul söhbəti etdi: "Mənim 4 manatımı verin" (VİDEO)
Mətanət: “ANS mənə qazdığı quyuya özü düşdü” — MÜSAHİBƏ
Evlilik verilişində məşhurlaşan Nazın döyüldüyü ŞOK VİDEO
Nadir Qafarzadə metroda: “Heç xoşuma gəlmədi”
Türkiyədə azərbaycanlı qızı biabır etdilər - VİDEO
Həftənin çox oxunanları
Video
ATV-dən Sergey Lavrova ağır sözlər- “Erməni kimi cavab verdi...”
Hacıbala Abutalıbov uşaqlarla pul söhbəti etdi: "Mənim 4 manatımı verin" (VİDEO)
Evlilik verilişində məşhurlaşan Nazın döyüldüyü ŞOK VİDEO
"Boşanandan sonra müğənni oldum, 5 aya maşın aldım" - Şəbnəm Tovuzlu - VİDEO
Türkiyədə azərbaycanlı qızı biabır etdilər - VİDEO