Məcburi köçkünlər “kupça”dan imtina etməyə başlayıb

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Məcburi köçkünlər “kupça”dan imtina etməyə başlayıb

Sosial

Oxunub: 916

4 fev 2017 | 08:19

“Nazirlər Kabinetinin məlum qərarından sonra xeyli sayda məcburi köçkün öz adına olan “kupçalı” yaşayış sahəsinin başqasının adına keçirməyə başlayıb. Bu proses yanvar ayının 24-dən davam edir. Rayon İcra Hakimiyyətlərindən bizə verilən məlumata görə, məcburi köçkünlərin öz adlarına olan «kupçalı» yaşayış sahəsinin başqasının adına keçirilməsi prosesi son günlər daha da sürətlənib”.

Bunu movqe.az-a açıqlamasında Qaçqınların və Məcburi Köçkünlərin İşləri üzrə Dövlət Komitəsinin hüquq şöbəsinin müdiri Vüqar Qarayev deyib. O, bildirib ki, komitəyə də müavinətlərin kimlərə şamil olunması ilə bağlı çoxsaylı müraciətlər daxil olur: “Amma müavinətlərin kimlərə şamil olunması ilə bağlı siyahı bizim Komitədə hazırlanmır. Bu siyahını rayon icra hakimiyyətləri hazırlayaraq bizə göndərir. Yəni, aylıq müavinətin hansı məcburi köçkünə şamil olunub, hansına şamil olunmamasını Komitə müəyyən etmir. Dövlətqaçqınkom daxil olan siyahı əsasında işləyir”.

V. Qarayev bildirir ki, maddi imkanı öz ailələrini dolandırmağa imkan verdiyini əsas gətirərək aylıq müavinətdən imtina edən məcburi köçkünlərlə yanaşı, adına olan «kupçalı» yaşayış sahəsini başqasının adına keçirənlər də az deyil: “Bəzi məcburi köçkünlər, əvvəllər yemək xərci müavinəti almaq üçün süni boşanma həyata keçirərək adlarını siyahıya saldırırdılar. Mən çox təəssüf edirəm ki, indi də anoloji vəziyyət adlarına «kupça» olan məcburi köçkünlərin həmin mülkləri başqasının adına keçirilməsi ilə davam edir. Yəni, bu gün də təxminən buna bənzər hadisələrin şahidi oluruq. Bu məsələ diqqətdə saxlanılır. Rayon İcra Hakimiyyətlərinin icra nümayəndəliklərinin rəhbərləri hansı məcburi köçkünlərin adına olan «kupçalı» mülklərin onların özlərinə, yaxud qohumlarına aid olduğunu yaxşı bilirlər. Bu məsələdə aidiyyatı qurumları aldatdıqlarını düşünənlər yalnış hərəkət edirlər. Onların bu fırıldağı üzə çıxacaq”.

V. Qarayev deyib ki, məcburi köçkün düşdükdən sonra mənzil qanunvericiliyinə və ya mülki-hüquqi əqdlərə əsasən, ayrıca yaşayış sahəsi əldə edən məcburi köçkünlərə və onların ailə üzvlərinə müavinət şamil oluna bilməz: “Amma əgər məcburi köçkünün adına olan yaşayış sahəsinin onun qohumuna aid olduğu icra nümayəndəsi tərəfindən təsdiqlənərsə, qanunvericilkdə nəzərdə tutulmuş qaydada bu məsələyə baxıla bilər. Bu işlər də Dövlətqaçqınkomda yox, rayon icra hakimiyyətlərində aparılır”.

Amma şöbə müdiri öz «kupçalı» mənzilini sataraq, yaxud da başqasının adına keçirərək müavinətdən yararlanmağa cəhd edənlərin vahid aylıq müavinətin bərpa edilməsinin bir qədər çətin olacağını söylədi: “Sabah hansısa məcburi köçkün ehtiyac üzündən mənzilini satdığını əsas gətirərək bizdən müavinətinin bərpa edilməsini istəsə, buna qanunvericilikdə nəzərədə tutulan qaydada Rayon İcra hakimiyyətlərində baxacaq. Vahid aylıq müavinətin verilməsi üçün adların siyahıya salınması və çıxarılması məsələsinə Dövlətqaçqınkom baxmır. Siyahılar Rayon İcra hakimiyyətlərində hazırlanır”.