Bankomatda qurulan ilginc pul tələsi - ŞOK VİDEO

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Bankomatda qurulan ilginc pul tələsi - ŞOK VİDEO

Sosial / Video

Oxunub: 1 164

10 fev 2017 | 06:51

Bankomatda qurulan ilginc pul tələsi - ŞOK VİDEO

Ölkə.Az xəbər verir ki, bu barədə bankın müştəriləri şikayətlənib. Kapital Bankın Orxan Əliyev adlı müştərisi Facebook səhifəsində yazıb ki, sahib olduğu kartdan hər dəfə 2 manat çıxaranda 1 manat da silinir.

“Bir neçə dəfə 3 və 5 manat çıxartdım, o zaman da 1 manat sildilər. İndi də 2 manat çıxarmışıq, 1 manat bank tərəfindən xidmət haqqı tutulub. Bayaq hesabımdakı 132,89 manatdan 2 manat çıxardıqdan sonra 129,89 manat qalıb. Bu da 50 faiz deməkdir”, - deyə Orxan Əliyev şikayətlənib.

Qeyd edək ki, vətəndaş Kapital Bankın “Visa Kart”-na sahibdir.

Məsələ ilə bağlı iqtisadçı Samir Əliyevlə əlaqə saxladıq.

S.Əliyev Ölkə.Az-a açıqlamasında bildirdi ki, Azərbaycanda birmənalı olaraq qaydalara görə, kartda təyinatına görə xidməthaqqı müəyyənləşdirilir. Onun sözlərinə görə, kartlar da təyinatına görə 2 yerə bölünür.

“Debit kartları və kredit kartları. Debit kartlarına maaş, pensiya, sosial müavinət və s. Bu kartlarda bir qayda olaraq bankamatlardan pul çəkəndə, xidmət haqqı tutulmur. Ona görə ki, həmin pulu şirkət, dövlt və s. ödəyir. Debit kartı ilə pul çıxaranda komission haqqı tutulmur. Kredit kartındakı isə bankın puludur. Oradakı pulu nağdlaşdırmaq üçün pul tutulur. Eyni kartda bu da 1 faiz məbləğindədir. Lakin ayrı bankamatdan çıxarılırsa, bu rəqəm 1,5 faiz hesablanır. Ondan çox olmamalıdır.

Buradakı vəziyyət isə başqadır. Burada pul üçün faiz yox, sabit bir məbləğ müəyyən edilib. Bu əvvəla düzgün olmayan bir yanaşmadır. Ona görə ki, tutaq ki, 1 manata da 1 manatdır. Burada da anormallıq var. Nəzərə almaq lazımdır ki, kartdan 2 manat çıxartmaq üçün 1 manat tutulması, artıq 50 faiz məbləğ edir. Düşünürəm ki, bu düzgün deyil”, - deyə S.Əliyev bildirib.

İqtisadçı deyir ki, ola bilsin həmin bankomatda minimal komissiya haqqı çıxarılır:

“Tutaq ki, 100 manata 1 manat tutulursa, 2 manata da 1 manat çıxarılır. Burada VÖÖN hesabı da nəzərdə tutulur. Bu zaman da pul tutulur. VÖÖN hesabından pul çıxarılanda da 1 faiz vergi tutulur. Bu ilin yanvarından bu qayda tətbiq olunur. Sahibkarlara aid edilən bu qaydalarda kartlardan çıxarılan puldan 1 faiz razılaşdırmaya əsasən bank özü tutur, bir də əlavə olaraq 1 faiz çıxarılan pula görə tutulur. Bu zaman da, 2 manata görə 1 manat tutulması 50 faiz edir. Görünür ki, bu da bank tərəfindən müəyəyn bir komissiya haqqıdır. Əgər bank hansısa hesabda komissiya haqqı barədə dəyişiklik edirsə, bu zaman ya müqavilə yenilənməlidir. Bu dəyişiklik müqavilədə əksini tapmalıdır, yaxud da, bu barədə müştəriyə məlumat verilməlidir”.

Məsələ ilə əlaqədar Kapital Bankla əlaqə saxladır. Kapital Bankın məlumat bürosundan Ölkə.Az-a bildirdilər ki, şəxsi kartdan çıxarılanda 1 faiz tutulur.

“Minimum 1 manat tutulur. Kartdan nə qədər pul çıxartsanız, həmin məbləğin 1 faizi tutulur. Minimum tutulma isə bir manatdır. 2 manat da çıxarılanda 1 manat çıxarılır, 1000 manat çıxarılanda isə 1 faiz, yəni 10 manat çıxarılır, - deyə bankdan məlumat verildi.