Ziya Məmmədovun oğluna şok zərbə: - Qolf Federasiyası eks-nazir oğlundan alınır

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Ziya Məmmədovun oğluna şok zərbə: - Qolf Federasiyası eks-nazir oğlundan alınır

Sosial

Oxunub: 858

17 fev 2017 | 09:35

Ziya Məmmədovun oğluna şok zərbə: - Qolf Federasiyası eks-nazir oğlundan alınır

Azərbaycan Qolf Federasiyası iş adamı Anar Məmmədovdan alına bilər

Bu barədə verilən məlumatda qeyd olunur.

Ləğv olunmuş Nəqliyyat Nazirliyinin sabiq rəhbəri Ziya Məmmədovun gedişi ilə oğlunun da biznesinin çökdürülməsi, holdinqinin və qol meydançasının əlindən alınması gözlənilir.

Nazir vəzifəsindən gedən Z.Məmmədovla paralel bu ailənin zəifləmiş mövqeləri daha da sarsılıb. Voleybol klubları əldən çıxan və fəaliyyətini dayandırdıqdan sonra Qolf federasiyasının da əl dəyişəcəyi bildirilir.

Anar Məmmədov zənginlərin sevimli idmanı kimi tanınan qolfun azarkeşidir. O, bu idman növü ilə məşğul olur və belə demək mümkündürsə, Azərbaycanda da qolfun idman növü kimi təbliğatında xüsusi fəallıq göstərənlərdən biridir.

2011-ci ildə Anar Məmmədovun yaratdığı Azərbaycan Qolf Federasiyası rəsmi qeydiyyatdan keçib və nazir oğlu bu federasiyanın prezidenti seçilib. Çox keçmədən Məmmədovlar klanının Qubadakı “Rixos Quba” otelinin ərazisində Azərbaycanda ilk qolf klubu yaradılıb.

2014-cü ildə isə Qubada, həmin klubda Azərbaycanın Qolf Federasiyası və “European Challenge Tour”un təşkilatçılığı ilə ölkə tarixində qolf üzrə ilk “Azerbaijan Open Challenge” turniri keçirilib. Turnirin açılış mərasimində çıxış edən Anar Məmmədov deyib ki, o, qolfun Azərbaycanda “ən uğurlu idman növlərindən biri olacağına” inanır.

Məlumatda qeyd olunur ki, nazir oğlu o zaman qol meydançasının açılışında da iştirak etməmişdi.

Lakin belə görünür ki, Azərbaycan qolfunun gələcək inkişafında Anar Məmmədovun yeri görünmür. Çünki Ziya Məmmədovun və klanının sıradan çıxarılması prosesi gedir.

Məmmədovların ailə biznes imperiyasına daxil olan aktivlərin mülkiyyətçilərinin dəyişməsi prosesi gedir.

Anar Məmmədovun Vaşinqtondakı Azərbaycan Amerika Alyansı lobbi təşkilatının da fəaliyyətini dayandırdığı haqda məlumatlar var.

Yaxın günlərdə bu federasiyanın rəhbərliyi dəyişəcək. Məlumat üçün deyək ki, Ziya Məmmədov hədəfə gələndən sonra Anar Məmmədov ölkəni tərk edib. Bəzi iddialara görə, o, Londona köçüb. Anar Məmmədovun “Qarant Holdinq”in rəhbərliyindən də istefa verdiyi bildirilir.

Yeri gəlmişkən, bəzi məlumatlara görə, “Azərbaycan Qolf Federasiyası”nın rəhbərliyinə “Azərsun Holdinq”in prezidenti Abdulbari Goozal gətiriləcək.

O, özü də bu məsələyə münasibət bildirib. “Azərbaycan Qolf Federasiyasına rəhbərlik edib-etməməyim dövlətin qərar verəcəyi məsələdir”, – deyə Abdulbari Goozal açıqlamasında bildirib.
\\regionxeberleri.com\\