Respublika Kliniki Xəstəxanasında "qəssabxana qanunları" - ŞİKAYƏT VAR
Sosial
Oxunub: 705
6 mar 2017 | 19:49
Respublika Kliniki Xəstəxanasında "qəssabxana qanunları" - ŞİKAYƏT VAR

















Respublika Kliniki Xəstəxanasının doğum şöbəsində baş verən həkim səhlənkarlığı nəticəsində uşaqlığından və beləliklə də ana olmaq imkanından ömürlük məhrum olan Nihan Hüseynova növbəti problemlə üzləşib.

N.Hüseynovanın anası Reyhan Dadaşovanın Axar.az-a verdiyi məlumata görə, qızı 7 dekabr 2016-cı il tarixdə Respublika Kliniki Xəstəxanasının doğum şöbəsində qüsurlu formada keysəriyə əməliyyatına məruz qalıb, əməliyyat zamanı həm daxili infeksiya, həm də Hepatit C virusuna yoluxub. R.Dadaşovanın sözlərinə görə, səhv əməliyyat və müalicənin nəticəsi olaraq ikinci dəfə əməliyyata qaldırılan qızının uşaqlığı da götürülüb və o, ana olmaq haqqından ömürlük məhrum edilib.

Zərərçəkən ailə baş verən hadisə ilə bağlı həkim Pərvanə Hüseynovanı ittiham edir və hüquqlarının müdafiə olunması üçün məhkəməyə müraciət etmək niyyətindədir. Bunun üçün vəkillə müqavilə də bağlanıb, sənədlər hazırlanıb, lakin xəstəxana N.Hüseynovanın “xəstəlik tarixçəsini” verməkdən imtina edir. Bir neçə dəfə müraciət edilməsinə baxmayaraq, Kliniki Xəstəxanadan aidiyyəti şəxs heç bir hüquqi əsas olmadan, sənədi təqdim etmir.

Məsələ ilə bağlı Səhiyyə Nazirliyinin mətbuat katibi Liya Bayramova Axar.az-a açıqlamasında deyib ki, R.Dadaşovanın iddiası barədə nazirlik məlumatlıdır:

“Bu məsələ nazirliyin nəzarəti altındadır. Bununla bağlı komissiya təşkil edilib. Məsələnin üzərində iş gedir”.

Zərərçəkənin vəkili, hüquq elmləri üzrə professor Fərhad Mehdiyev isə bildirib ki, ailənin özü və ya hüquqi nümayəndəsi Səhiyyə Nazirliyində təşkil olunmuş komissiyada təmsil olunmur:

“Müvəkkillərim ötən gün də xəstəxananın baş həkiminin müavini Mahir Babayevin yanında olublar. Təəssüf ki, M.Babayev xəstəlik tarixçəsini verməkdən imtina edib, hətta qarşı tərəfi “hara şikayət edirsiniz edin, onsuz da verməyəcəyik” deyə təhdid edib. Müvəkkilimlə Mahir Babayevin danışığını əks etdirən səs yazısı da var və biz istənilən vaxt onu ictimailəşdirməyə, həmçinin məhkəməyə də təqdim etməyə hazırıq”.

F.Mehdiyev heç bir səbəb göstərilmədən xəstəlik tarixçəsinin verilməməsindən narahatlığını da bildirib:

“Ehtimal edirik ki, iddiaçıların ittiham etdiyi həkim Pərvanə Hüseynovanı qorumaq üçün onun apardığı əməliyyat və müalicəni əks etdirən xəstəlik tarixçəsini saxtalaşdırmağa cəhd göstərənlər var. Başqa halda niyə xəstəlik tarixçəsi xəstənin özünə verilməməlidir?”

F.Mehdiyevin sözlərinə görə, xəstəxanadakı bu işlə bağlı aidiyyəti şəxslərin Səhiyyə Nazirliyinə yalan məlumat ötürməsi də istisna deyil:

“Səhiyyə Nazirliyinin aidiyyəti komissiyasında zərərçəkənin iddiaçı olmadığı, məhkəməyə müraciət etmək istəmədiyi və komissiyanın nəticəsini gözlədiyi barədə yanlış fikir yaradıblar. Əksinə, zərərçəkən həm komissiyanın işində iştirak etmək, həm də məhkəməyə müraciət etməkdə israrlıdır. Təəssüf ki, ötən gün bu barədə Səhiyyə Nazirliyinə məlumat verilsə də, hələlik heç bir cavab almamışıq”.

Xatırladaq ki, N.Hüseynova Respublika Kliniki Xəstəxanasında qeysəriyyə əməliyyatına məruz qalıb. Evə buraxılandan sonra isə üstü qızarmağa başlayan yara partlayıb.

Təkrar xəstəxanaya qaytarılan 24 yaşlı ana yenidən əməliyyat olunub və uşaqlığı tamamilə götürülüb. Başqa sözlə, qadın bir daha ana ola bilməyəcək.

İkinci əməliyyatdan sonra hərtərəfli müayinə olunan və səhhətində heç bir problem olmadığı deyilən gənc ananın evə gələndən sonra öd kisəsi fəaliyyətini dayandırıb və kəskin ağrılarla yenidən xəstəxanaya aparılıb.

Bu xəstəxanaya etibarı qalmayan ailə qızlarını başqa birində müayinə etdirib və onda Hepatit C virusu da aşkarlanıb. Baxmayaraq ki, indiyədək heç bir simptomu müşahidə olunmayıb.
Bir sözlə, gənc qadın körpəsinin sevincini yaşamadan şam kimi əriyir.

Məsələ ilə bağlı “Xəzər Xəbər”ə açıqlamasında həkim Pərvanə Hüseynova normal doğuş göstərişinə baxmayaraq, qeysəriyyə əməliyyatı etməsini əsaslandırmağa çalışıb. Ginekoloq Pərvanə Hüseynova evə buraxılandan sonra yaranın partlamasını da gənc qadının “nadir xəstəliyi” ilə əlaqələndirib.


Bu gün, 16:00
Sabah 32 dərəcə isti olacaq
Bu gün, 15:30
Taksi avtomobillərinin kütləvi satışı bazarda ucuzlaşmaya səbəb oldu
Bu gün, 14:47
İlham Əliyev və Olaf Şolts mətbuat konfransı keçirirlər
Bu gün, 14:43
Azərbaycan və Almaniya liderlərinin təkbətək görüşü başa çatıb - YENİLƏNİB
Bu gün, 14:22
Əvvəl Qarabağ, sonra Qazaxın kəndləri... - Növbəti hədəf haradır?
Bu gün, 14:00
İrəvan kulisləri çalxalanır: Qərbi Azərbaycana qayıdış başlayır - Ermənistan KİV
Bu gün, 13:23
Növbəti köç karvanı Füzuliyə çatdı
Bu gün, 12:55
Rus qoşunları hücumu gücləndirdi, yeni ərazilər götürülür
Bu gün, 12:51
Ukrayna tanklarını cəbhədən geri çəkir: Nə baş verir...
Bu gün, 12:28
Azərbaycan XİN Avropa Parlamentinə cavab verib
Bu gün, 12:25
İlham Əliyev Almaniyada mühüm tədbirdə iştirak edib - YENİLƏNİB
Bu gün, 11:55
İlon Maskdan şok: Vətəndaş müharibəsi olacaq
Bu gün, 11:22
COP29-un əhəmiyyəti
Bu gün, 11:15
Qarşılıqlı fəaliyyətimizin gündəliyi kifayət qədər genişdir
Bu gün, 11:04
İlham Əliyev Almaniyada mühüm tədbirdə iştirak edəcək
Bu gün, 10:57
Yeni Klinikada yoxlama: Saxlanılan var - FOTO
Bu gün, 10:24
Xocavənddə ƏMƏLİYYAT: polisə demədi, saxlanıldı - FOTO
Bu gün, 10:07
Putin döyüş meydanında uğurun sirrini açıqladı
Bu gün, 10:02
Conson Ağ Evin planını DE-ŞİFRƏ ETDİ: ABŞ bu ölkəyə də hücum edəcəkdi, amma...
Bu gün, 09:59
Anar Ələkbərov o videonu Prezidentlərə göstərdi - VİDEO
Bu gün, 09:41
Paşinyan sərhəddəki delimitasiya barədə hesabat verib
Bu gün, 09:38
Nəsib Quliyevin övladları və xanımı yasda İŞTİRAK ETMƏDİLƏR
Bu gün, 09:33
Prezident niyə Berlinə Füzulidən uçdu? - 3 MESAJ
Bu gün, 09:00
Rasizmin beşiyinə çevrilən ABŞ-ın Azərbaycana qarşı uydurma hesabatı - FAKTLAR
Dünən, 17:48
İlham Əliyev Qırğızıstan prezidentinə Qarabağ atı hədiyyə etdi - FOTO
Dünən, 16:00
Tokayev dəhliz üçün dövrədə: Əliyev son tarixi açıqladı - Paşinyan Bakıya gəlir?
Dünən, 15:39
Xocalıda insan qalıqları aşkar edilib - FOTO