Bakı Lift idarəsi rəisinin zəngin həyatı - 400 min dollarlıq toy... (Fotolar+Video)

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Bakı Lift idarəsi rəisinin zəngin həyatı - 400 min dollarlıq toy... (Fotolar+Video)

Sosial

Oxunub: 1 325

14 apr 2017 | 10:51

Bakı Lift idarəsi rəisinin zəngin həyatı - 400 min dollarlıq toy... (Fotolar+Video)

Qüdrət Şükürovun keçmiş kürəkənini döydürdüyü deyilir

Ölkə əhalisinin böyük əksəriyyəti çörək, işıqpulu, kredit və s. bu kimi qayğılarla yaşayarkən məmurlar cah-cəlal içində üzür. 400 min dollara başa gələn toy məclisi, Maldiv adalarında istirahət, bahalı maşınlar, özəl yaxtalar və s. Özü də bütün bunlar Azərbaycanda oliqarx kimi tanınan nazirlərə yox, ilk baxışdan sıradan bir çinovnik kimi görünən adamlara da aiddir. Əgər kimsə iddia etsə ki, Bakı Lift İdarəsinin baş direktoru Qüdrət Şükürov və onun ailəsinin hər bir üzvü milyonlara sahibdir, buna az adam inanar. Amma…

“Basta” saytına Qüdrət Şükürovun öz keçmiş kürəkənini xüsusi qəddarlıqla döydürdüyü haqda məlumat daxil olub. Bildirilir ki, Qüdrət Şükürovun qızı Aysel Şükürova bir neçə il bundan öncə birinci həyat yoldaşı Elşən Əsgərlidən boşanaraq 2-ci dəfə ailə qurub. İddiaya görə, birinci nigahdan dünyaya gətirdiyi uşağı atasından icazəsiz – saxta sənədlə xaricə aparmaq istəyib. Amma uşağın atası Elşən Əsgərli bundan xəbər tutaraq, övladının xaricə aparılmasına əngəl yaratdığı üçün tərəflər arasında yeni konflikt yaranıb

Verilən məlumata görə, bundan sonra Qüdrət Şükürov keçmiş kürəkəni Elşən Əsgərli ilə haqq-hesab çəkmək qərarına gəlib.

“Qüdrət Şükürov yeni kürəkəni Oqtaya 6 nəfər qoçu qoşaraq, onları keçmiş kürəkəni Elşən Əsgərlinin üzərinə göndərib, ona ağır bədən xəsarətləri yetirilib. Bununla bağlı Nərimanov polisinə şikayət edilsə də, hadisəni törədənlər məlum olsalar da, polis heç bir tədbir görmür”, – mənbə bildirir.

Mənbənin sözlərinə görə, bu gün, aprelin 12-də Elşən Həsənli hadisənin baş verdiyi Nəsimi Rayon Polis İdarəsinə çağırılıb: “Polis onu xəsarətlərinin rəsmiləşdirilməsi üçün tibbi ekspertizaya göndərib. Onun üzundə, belində, ayağında ağır xəsarətlər var, ekspertiza bunu təsdiqləyib. Amma onu döyənlər saxlanılmayıb”

İlk baxışda ailə-məişət məsələsi kimi görünən bu məlumatda iki məqam diqqət çəkir: məmurun adı ilə bağlı olan cinayətin hüquq-mühafizə orqanları tərəfindən ört-basdır edilməsi və Bakı Lift İdarəsinin var-dövləti haqda iddialar.
Qeyd edək ki, Qüdrət Şükürovun adı mediada bir sıra korrupsiya işlərində hallanıb. Bakı Lift İdarəsi Bakı Şəhər İcra Hakimiyyətinin nəzdində fəaliyyət göstərir.

Mənbə bildirir ki, Şükürovların Dubayda evləri, bahalı maşınları və özəl yaxtası var.

Yeni kürəkən özəl yaxtada

Bu avtomobilin Azərbaycana gətirilmədiyi, Dubaydakı villada saxlandığı və orada istifadə olunduğu deyilir

İddiaya görə, Qüdrət Şükürov təkcə qızının toyundan klip çəkilməsinə və qızı ilə yeni kürəkəninə mahnı yazdırılmasına 38 min dollar pul xərcləyib.

“Toya ümumilikdə 400 min dollar pul xərcləyib. Yeni kürəkəninə isə toyun səhəri 250 min manat dəyərində “Porşe” hədiyyə alıb”, – mənbə deyir.
Aysel Şükürovanın əvvəllər DİN-nin Xarici Pasport İdarəsinə çalışdığı, amma polis sıralarından xaric edildiyi də iddilar sırasındadır.

Yazılanlara əlavə olaraq “AzPolitika.info” onu da qeyd edir ki, Aysel Şükürova öz instaqram səhifəsindən paylaşdığı dəbdəbəli həyatının fotoları ilə məşhurlaşıb. Bakıda özəl gözəllik salonu işlədən bu xanımın instaqram səhifəsindən paylaşdığı bahalı avtomobillərin, evinin, xarici ölkələrə turist səfərlərinin şəkilləri sosial şəbəkələrdə müzakirə mövzusuna çevrilib. Hamı onun belə zənginliyi necə əldə etməsi ilə maraqlanıb.

Onun Bakı Lift İdarəsinin baş direktoru Qüdrət Şükürovun qızı olduğu məlum olduqdan sonra bu sual cavabını tapıb. Maraqlıdır ki, sosial şəbəkələrdə bu xəbər yayıldıqdan sonra Aysel Şükürova öz instaqram səhifəsini qapadb.

Sual isə öz aktuallığını qoruyur: Bakı Lift İdarəsinin baş direktoru bu qədər varidatı necə əldə edib? Nəzərə alsaq ki, dövlət Bakıda liftlərin yenilənməsinə milyonlarla dollar ayırdığı halda, binaların əksəriyyətində hələ də köhnə və qəzalı liftlər qalır, onda bu sualın cavabı aydın olar. (azpolitika.info)