3 uşağı olanlara da müavinətlər verilməlidir

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

3 uşağı olanlara da müavinətlər verilməlidir

Sosial

Oxunub: 681

2 may 2017 | 10:06

3 uşağı olanlara da müavinətlər verilməlidir

“Çünki son vaxtlar 1 və 2 uşaqlı ailələrin sayı üstünlük təşkil etməyə başlayıb”

Ailə, Qadın və Uşaq Problemləri üzrə Dövlət Komitəsi Azərbaycan hökuməti tərəfindən çoxuşaqlı, aztəminatlı, eləcə də qaçqın və məcburi köçkün ailələrinin rifah halının yaxşılaşdırılması üçün əhəmiyyətli işlər görüldüyünə dair məlumat yayıb.

Bildirilib ki, "Ünvanlı dövlət sosial yardımı haqqında” Qanuna əsasən, ünvanlı sosial yardım almaq hüququ olduqda 1 yaşınadək uşağı olan aztəminatlı ailələr müavinət ala bilər. 5-dən çox uşaq dünyaya gətirib tərbiyə edən qadınlara uşaqların sağ olması şərtilə və axırıncı uşaq 1 yaşına çatdıqda hər uşağa 30 manat müavinət ala bilər.

Rəsmi məlumata görə, 2016-cı ilin əvvəlinə 8984 nəfər qadın 5-dən çox uşağı olduğuna görə müavinət alır.

Komitənin bu məlumatı cəmiyyətdə əsas müzakirə predmetlərindən birinə çevrilib. Fikirlər isə müxtəlifdir. Kimisi hökumət tərəfindən atılan bu addımları Azərbaycanda çoxuşaqlı ailələrin sayının artması üçün bir stimul olaraq görür və təqdir edir. Əksəriyyət isə verilən müavinətin miqdarından narazılıq edir ki, bu qədər vəsaitə görə heç bir valideyn çoxuşaqlı ailə olmaq istəməz.

"Altay” Strateji Araşdırmalar Mərkəzinin (ASAM), iqtisadçı-ekspert Elçin Bayramlı isə "Şərq”ə açıqlamasında 5-dən çox uşaq dünyaya gətirib tərbiyə edən qadınlara hər uşağa görə 30 manat müavinət verilməsinin müsbət və çox vacib addım olduğunu deyib. Bu addımın ailələrin artımını stimullaşdırmaq üçün atıldığını qeyd edən iqtisadçının sözlərinə görə, inkişaf etmiş ölkələrin demək olar ki, hamısında belə tədbirlər həyata keçirilir. Müavinətin miqdarı və şərtləri barədə tənqidlərə gəldikdə isə ASAM sədri bunun ilkin mərhələ olduğunu deyib:

"Gələcəkdə həm məbləğin artırılacağı, həm də uşaq sayının 5-dən 3-nə endirilməsi mümkündür.

Təbii ki, bu prosesdə əsas məsələ maliyyə mənbəsidir və dövlət büdcəsinin imkanları nəzərə alınır. Azərbaycan sosial dövlət olduğundan bizdə büdcədən ümumi sosial ödənişlərin payı yüksəkdir. Hesab edirəm ki, büdcəmiz artdıqda bu sahəyə vəsaitlər də artırılacaq. Məncə, ilk imkanda müavinəti 3-cü uşaqdan başlayaraq və yaşayış minimumu həddində verilməsi daha yaxşı olar. Çünki son vaxtlar 1 və 2 uşaqlı ailələrin sayı üstünlük təşkil etməyə başlayıb.

Bunun qarşısı isə vaxtında alınmasa, genefondumuz və demoqrafik vəziyyətimiz pisləşə bilər. Ailədə 1 uşaq böyüməsi isə psixoloji cəhətdən də problemdir. Ümidvaram bu istiqamətdə dövlət proqramı adekvat və artan xətlə davam edəcək”.