Generalın oğlu “Royal Bank”ın 3 mərtəbəli binasını necə alıb?
Sosial
Oxunub: 541
7 in 2017 | 12:02
Generalın oğlu “Royal Bank”ın 3 mərtəbəli binasını necə alıb?

















Sabunçu Rayon Məhkəməsinin binasında Bakı Şəhər Hərbi Məhkəməsinin icraatında olan MTN-in sabiq baş idarə və idarə rəisləri Sübahir Qurbanov, Teymur Quliyev, Natəvan Mürvətova, həmin qurumun vəzifəli şəxsləri Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun barəsində olan cinayət işi üzrə məhkəmə prosesi davam edir

İyunun 6-da proses təqsirləndirilən Sübahir Qurbanovun vəkili Adil İsmayılovun söz alaraq, ötən iclasda baş verənlərlə bağlı çıxışı ilə başladı.

Müstəntiq eyni gündə və eyni saatda eyni adamı neçə dəfə dindirib?

Vəkil bildirib ki, ötən dəfəki iclasda ifadə vermiş zərərçəkmiş Cəmşid Novruzovun yalan danışması heç kimdə şübhə doğurmur.

“Bu adam heç bir sənəd təqdim etmədən və belə bir sənəd mövcud olmadan binanın əsl mülkiyyətçisi olduğunu deyir. Mən hesab edirdim ki, dövlət ittihamçıları burada dövlətin maraqlarını müdafiə edəcəklər, lakin təəssüf ki, bunu görmürəm. Belə ki, dələduz, vergidən yayınan, dövlət əmlakını mənimsəmiş şəxsi burada bizə zərərçəkmiş kimi təqdim edirlər.

Bu epizod üzrə cinayət işinin materialları ilə tanış olarkən bir neçə məqam diqqəti cəlb edir. İşi aparan müstəntiqlər bilərəkdən bəzi sənədləri saxtalaşdırıblar. Cinayət işinin 27-ci cildinə baxsaq, görərik ki, oraya əlavə edilmiş dindirilmə protokolu ilə 29-cu cilddə olan dindirilmə protokolu olduqca şübhəli görünürlər. Məlum olur ki, müstəntiq eyni adamı, yəni zərərçəkmiş Cəmşid Novruzovu eyni gündə iki dəfə dindirib. Ən maraqlı nüans isə ondan ibarətdir ki, protokolların birində göstərildiyinə görə, dindirilmə 16:20-də başlayıb 19:35-də bitir, digər protokola görə isə, dindirilmə 16:40-da başlayıb 19:20-də bitib. Protokolların nömrələri də müxtəlifdir. Belə çıxır ki, müstəntiq eyni adamı eyni gündə eyni saatda iki dəfə dindirib, özü də protokolların mətnləri də müxtəlifdir. Bu məsələ müstəntiqin işdə maraqlı olmasından xəbər verir.

Bu gün zərərçəkmiş Cəmşid Novruzov iclasa gəlməyib və yəqin ki, bundan sonra daha gəlməyəcək. Mən deyə bilərəm ki, bu epizodda onu kimsə bilə-bilə “zibilə” salıb. Onun hətta ilkin ərizəsi də vəkil tərəfindən yazılıb və ərizəni vəkil imzalayıb. Əgər adamın şikayəti varsa, heç olmasa ilk ərizəni özü yazmalıdır”, – Adil İsmayılov qeyd edib.

“Royal Bank”ın binası ətrafında qalmaqal

Bu gün baxılan epizodun təfərrüatlarına varsaq, zərərçəkmiş qismində çıxış edən Cəmşid Novruzov ötən məhkəmə iclasında heç bir sənəd təqdim etmədən bildirib ki, Bakı şəhərinin mərkəzində, “Zabitlər bağı”nda yerləşən və “Royal Bank”ın mərkəzi ofisinin köçürülməsi məqsədilə tikilmiş 3 mərtəbəli bina ona məxsusdur, lakin müxtəlif yollarla əlindən alınıb və təqsirləndirilən Sübahir Qurbanovun oğlu Erkin Qurbanzadə tərəfindən mənimsənilib.

C.Novruzov onu da qeyd edib ki, 2012-ci ildə ona məxsus olan “Lexus” avtomobili əlindən alınıb. Zərərçəkmişə vəkillər tərəfindən verilmiş suallar və bu sualların cavabları bəlli edib ki, zərərçəkmişin Bakı şəhəri, Mərdanov qardaşları, 94A ünvanında yerləşən binaya, ümumiyyətlə, heç bir aidiyyatı yoxdur. Belə ki, bir vaxtlar C.Novruzovun atası Şövqi Novruzova icarə əsasında verilmiş həmin torpaq sahəsinin sənədlərinin də hazırda hansı vəziyyətdə olduğu məlum deyil. Bu sahədə tikilmiş binanın isə mülkiyyətçisi olaraq “Royal Bank”ın digər işçisi göstərilir və həmin bina ona etibarnamə ilə bankın sahibi Əli Cam tərəfindən verilib. Sonradan bina 305 min manata hərrac yolu ilə Erkin Qurbanzadəyə satılıb.

Yer kimindir və orada əvvəllər nə yerləşib?

Şahid qismində ifadə vermiş Elşən Məmmədzadə deyib ki, “Royal Bank”ın Mərdanov qardaşları, 94A ünvanında yerləşən binasının mebellə təchizatını həyata keçirib. Mebel sexinin sahibi olan şahidin sözlərinə görə, təxminən 100 min manatlıq iş görülsə də, 80 min manata yaxın pul alıb və bank ona borclu qalıb.
Digər şahid Yaşar Əliyev isə bankın binasında alüminium qapı-pəncərə yığdığını və bankın ona 1500 manat borclu qaldığını bildirib. Şahidin sözlərinə görə, bank əməkdaşlarından yalnız Şahnaz xanımı tanıyıb və işinin müqabilində pulu hər dəfə ondan alıb.

Şahid Oruc Ələkbərov qeyd etdi ki, zərərçəkmiş Cəmşid Novruzov onun dayısı oğludur. Onun sözlərinə görə, 1996-cı ildən “Zabitlər bağı”nda yerləşən və Şövqi Novruzova məxsus olan birmərtəbəli binanın keşikçisi olub. Sonradan – 1997-ci ildən 2011-ci ilə qədər qardaşı qızı ailəsi ilə birlikdə həmin binada yaşayıb və “Royal Bank” burada özü üçün bina tikərkən tikintiyə nəzarət edib. O.Ələkbərovun sözlərinə görə, bankın 3 mərtəbəli binasının tikintisi üçün pulu zərərçəkmiş Cəmşid Novruzov verib.

“Royal Bank”ın kənd təsərrüfatı krediti fırıldağı

Şahid Oruc Ələkbərov vəkil Adil İsmayılovun suallarını cavablandırarkən bildirib ki, dayısı oğlu Cəmşid Novruzovun bankla bağlı problemlərindən xəbərdar olub. “Bilirəm ki, onun evini, bağını, maşınını əlindən aldılar”, - şahid deyib.

Vəkillərin bildirdiyinə görə, Cəmşid Novruzov “Royal Bank”da Tovuz-Qazax istiqaməti üzrə kurator vəzifəsini yerinə yetirib. Bank dövlətdən kənd təsərrüfatına yönəldilmək üçün 7%-lə kredit paylamaq məqsədilə vəsait alıb. Vəkillər iddia edirlər ki, bu vəsait bankın Tovuz-Qazax istiqamətində yerləşən filiallarında bankın yüksək vəzifəli əməkdaşları tərəfindən mənimsənilib. Pullar şəxsiyyət vəsiqələri bankda olan müxtəlif adamların adına 7%-lə rəsmiləşdirilərək götürülüb və 18%-lə banka depozit şəklində yatırılıb. Lakin bir müddət sonra kreditlər qaytarılmadıqda bank rəsmən kreditor kimi görünən və əslində kreditlərdən xəbərsiz olan şəxsləri pulları ödəməyə çağırıb. Bundan sonra həmin şəxslər müxtəlif hüquq-mühafizə orqanlarına dəfələrlə müraciət ediblər. Aparılmış yoxlama nəticəsində 3 milyon manat vəsaitin mənimsənildiyi aşkarlanıb.

Bundan sonra bankın sahibi Əli Cam əməkdaşı və o vaxta qədər çox yaxın olduğu Cəmşid Novruzovu cəzalandırıb və mənimsənilmiş pulların qaytarılması məqsədilə zərərçəkmişin evi, bağı, maşını, müxtəlif qohumlarının adına bankda olan depozitləri əlindən alınıb.

“Bina bankın vəsaiti hesabına tikilib”

Şahid Azər Şahmərdanov bildirib ki, “Royal Bank”ın İdarə Heyətinin sədri vəzifəsində işləyib. Onun sözlərinə görə, bankın Müşahidə Şurasının üzvü olmuş zərərçəkmiş Cəmşid Novruzov 2011-ci ildə maliyyə qurumundakı vəzifəsindən uzaqlaşdırılıb.

A.Şahmərdanov qeyd edib ki, “Zabitlər bağı”nın ərazisindəki bina bankın vəsaitləri hesabına tikilib. “Həmin yer Cəmşidin atasının adına idi, ona görə də, qərara alındı ki, bina orada tikilsin”, – şahid deyib.

Şahid, bankın Müşahidə Şurasının üzvü olmuş Hikmət Rəcəbov deyib ki, Mərdanov qardaşları, 94A ünvanında tikilmiş binasının yerləşdiyi torpaq adını xatırlamadığı firmaya məxsus olub və sənədləri zərərçəkmiş Cəmşid Novruzovda idi. “Cəmşidin bu işdə xeyri o idi ki, torpağın pulunu alacaqdı və həmin binada bankın sahibi Əli Canın şəriki olacaqdı”, - şahid deyib.

Zərərçəkmişin “Lexus”unu MTN əməkdaşının qardaşına kim satıb?

Şahid Hüseyn Əlifov bildirib ki, “Royal Bank”da hüquqşünas vəzifəsində çalışıb. Bank ətrafında məhkəmə proseslərinin başlamasından sonra H.Əlifov xəbər tutub ki, Cəmşid Novruzova məxsus olmuş və sonradan əlindən alınmış “Lexus” avtomobili etibarnamə ilə ona məxsus olub. “Mənim heç xəbərim yox idi ki, bu maşının mənim adıma etibarnaməsi var”, – şahid bildirib.

Şahid Nurəddin Qədirov bildirib ki, MTN-də maliyyəçi vəzifəsində çalışıb. 2012-ci ildə qardaşının “Lexus” avtomobili almaq istədiyini deyən şahid qeyd edib ki, tanıdığı və hər dəfə maşın aldığı Eynur Mustafayevə müraciət edib və satıcının təklif etdiyi maşını bəyənərək, qardaşının aldığını deyib. “Sonradan mənə məlum oldu ki, bu avtomobil Cəmşid Novruzova aid olub. Bu sırf təsadüf idi. İndi həmin maşın qardaşımda deyil, satılıb”, – şahid bildirib.

Qeyd edək ki. az sonra məhkəmədə şahid qismində ifadə vermiş Eynur Mustafayev “Lexus” avtomobilini Nurəddin Qədirovun qardaşına onun satmadığını deyib: “Məndən 1-2 dəfə maşın almışdılar, amma həmin “Lexus”u onlara mən satmamışam. Yalnız sonradan mənə müraciət etdilər ki, bu maşını satmaq istəyirik, mən də alıcı tapdım və onları görüşdürdüm. Yəni mən “Lexus”un Nurəddin Qədirovun qardaşı tərəfindən başqa şəxsə satılmasında iştirak etmişəm, əvvəllər bu avtomobildən xəbərim olmayıb”.

Məhkəməyə sədrlik edən hakim Həbib Həsənov növbəti iclasın iynun 8-də keçiriləcəyini elan etdi. (Virtualaz.org)
Dünən, 16:00
Azərbaycandan çox şey götürdük, verməyəcəyimizi dedik... - NƏ OLDU?
Dünən, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Dünən, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Dünən, 13:16
Yaşayış binalarında da parklanma yerləri BAHALAŞDI - Yeni qiymət
Dünən, 13:00
Şahmar Hüseynov vəzifəsindən azad edildi - YENİ TƏYİNAT
Dünən, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Dünən, 10:53
"Xəzər Lənkəran"la bağlı şad xəbər - Seçimlərə başlandı
Dünən, 10:12
“Yaxın günlərdə daha 73 nəfərin adları ictimaiyyətə açıqlanacaq”
Dünən, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Dünən, 10:02
Dünya "Qarabağ"ın ulduzundan danışır: Nələr dedilər? - VİDEO
Dünən, 10:00
Bahalaşmanın növbəti dalğası gəlir: Evlərin qiyməti yenə artacaq
Dünən, 09:56
Lənkəranda faciə: Ata və oğul öldü (FOTOLAR)
Dünən, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Dünən, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Dünən, 09:41
Finlandiya rus oliqarxların Helsinkidəki idman-konsert kompleksini əllərindən alır
Dünən, 09:39
Xristianlıqla İslamı üz-üzə qoymaq istəyirlər - Kirill
Dünən, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Dünən, 09:31
Putin: “Rusiya üçün dost olmayan elitalar...”
Dünən, 09:18
Fransa ordusu Ukraynaya girir - 5 ssenari
Dünən, 09:00
Solovyov Bakıya şər atmağına “peşman” oldu
27-03-2024, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
27-03-2024, 16:00
Ermənistan Türkiyənin vilayətinə çevriləcək - Petrosyan
27-03-2024, 15:30
Ermənistan sərhəddəki kəndi Gürcüstana verir? - “Joğovurd”
27-03-2024, 14:27
Xocalı şəhərində Şəhidlər xiyabanı salınır
27-03-2024, 14:22
Zaxarova və Peskov Ermənistana hansı mesajı göndəriblər -ŞƏRH
27-03-2024, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
27-03-2024, 13:18
Xocalıya ilk köçün tarixi açıqlanıb