“Ünvanlı sosial yardım ləğv oluna bilər”

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

“Ünvanlı sosial yardım ləğv oluna bilər” – Deputat

Sosial

Oxunub: 566

14 iy 2017 | 12:39

Ötən gün prezident İlham Əliyev çıxışı zamanı bildirib ki, bu yaxınlarda özünəməşğulluq proqramına start veriləcək. Belə ki, ölkə prezidentinin sözlərinə görə, bu məqsədlə ilkin vəsait Prezidentin Ehtiyat Fondundan ayrılacaq. İlkin mərhələdə 5-10 min ailənin bu proqramdan yararlanması üçün tədbirlər görülüb. Dövlət başçısı bu hədəfə nail olunmaqla işsizliyin aradan qaldırılacağını, bununla da ünvanlı sosial yardıma ehtiyacın qalmayacağını bildirib.
Avropa.info-nun məlumatına görə, “Qaynarinfo” məsələylə bağlı millət vəkili Vahid Əhmədovdan açıqlama alıb.
– Proqram nə zaman start götürəcək? Hansı qaydalar əsasında həyata keçiriləcək?
– Ümumiyyətlə bu proses artıq uzun müddət əvvəl başladılıb. Cənab prezident 2016-cı ildə Ehtiyat Fonddan 6 milyon manat vəsait ayırıb və pilot layihələr həyata keçirilməyə başlanılıb. Bununla sosial yardım alan insanlarla danışıqlar aparılıb və ailənin hansı işlə məşğul ola biləcəyi müəyyənləşdirilib. Bunun ardından həmin ailə sosial müavinətdən çıxarılır. Çünki artıq həmin şəxs öz ailəsinin ehtiyacını ödəmək iqtidarında olur.
– Bəs bu layihə gözlənilən nəticəni verir?
– Mən hesab edirəm ki, verir. Məsələ belədir ki, ayrılan vəsait nəticəsində ailələrin özlərinin özlərini maddi baxımından təmin etmək potensialı yaranır. Bu da həm dövlətin büdcəsinə xeyir gətirir, həm də yoxsulluq səviyyəsinin aşağı salınmasına gətirib çıxarır.
-Sosial təminatların bir dəfəlik ləğv edilməsi prosesi hansı zaman kəsiyində baş verə bilər?
– Bilirsiniz, bu qəfildən olan bir şey deyil. Yəni, uzun illər ərzində bu proses davam edəcək və nə zaman ki, insanların sosial yardıma ehtiyacı qalmayacaq, o zaman ünvanlı sosial yardım ləğv oluna bilər.