Məleykə Abbaszadə: "Vaxtilə belə diplomlar Moskvada metroda da satılırdı"

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Məleykə Abbaszadə: "Vaxtilə belə diplomlar Moskvada metroda da satılırdı"

Sosial

Oxunub: 470

24 avq 2017 | 11:10

Məleykə Abbaszadə: "Vaxtilə belə diplomlar Moskvada metroda da satılırdı"

"Dövlət ali təhsil müəssisələrinə qəbul olan abituriyentlərin hamısı qeydiyyatdan keçib. Hazırda universitetlərə qəbul olan 36 568 nəfərdən 31 764 nəfəri qeydiyyatdan keçib".

“Report” xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə "ASAN Radio"ya müsahibəsində deyib.

DİM sədri bəzi abituriyentlərin xaricdə təhsil alması ilə bağlı məsələyə də toxunub: "Belə formada asan ali təhsil əldə etmək üsulundan valideynlər daha çox yararlanırlar. Bu da hardasa "əldəqayırma diplom" əldə etmək sevdasından irəli gəlir. Halbuki belə diplomlar vaxtilə Moskvada metroda da satılırdı. Övladını təhsil üçün xaricə göndərən valideyn ilk növbədə keyfiyyətə üstünlük verməlidir. Valideyn bilirsə ki, onun övladı orta məktəbi güc bəla ilə bitirib bizim təşkil etdiyimiz imtahanlarda nəticə göstərə bilmir və oxumağa meyilli deyil, ancaq onun dünya görüşünün artması üçün xaricə göndərirsə, bu, onun öz seçimidir".

O qeyd edib ki, bu il 200 baldan yuxarı nəticə göstərib heç bir yerə qəbul olmayan 1739 nəfər var: "Onlardan 624-ü, ümumiyyətlə, müsabiqədə iştirak etmək üçün ərizə verməyib. Xaricə gedib o qədər maliyyə vəsaiti verənə qədər ölkədə fəaliyyət göstərən özəl ali təhsil müəssisələrində təhsil almaq olar. Bu il 6000-ə yaxın yer belə təhsil ocaqlarında boş qalıb".

M.Abbaszadə vurğulayıb ki, dövlət qulluğuna qəbulla bağlı keçiriləcək müsabiqənin sertifikasiya ilə əlaqədar olan ilk imtahanların oktyabr ayının sonlarında keçirilməsi nəzərdə tutulur: “İmtahanların tarixini elan etməzdən əvvəl dövlət qurumları vakant yerlər barədə məlumatı təqdim etməlidirlər. Bu ayın sonuna kimi müxtəlif dövlət qurumlarından bu məlumatlar DİM-ə daxil olarsa, sentyabrda dəqiq tarixi elan edə biləcəyik. Dövlət qulluğuna qəbulla bağlı təşkil ediləcək müsabiqədən əvvəl onlayn sınaq imtahanları keçiriləcək. Həmin imtahanların sentyabrın sonlarında təşkili nəzərdə tutulur”.