“Uğur və xoşbəxtliklər arzuladıq”

Millət vəkili Qənirə Paşayeva Türkiyədəki “O Ses Türkiye” mahnı müsabiqəsində iştirak edən sənətçi Elnur Hüseynovla görüşüb.

Azerinfo.az-ın xəbərinə görə, deputat öz Facebook hesabında bildirib ki, o, Elnurla maraqlı söhbət edib:

“Türkiyədə yaşayan gənc sənətçimiz Elnur və moda dünyasında tanınmış Günay xanımla Bakıda maraqlı söhbət etdik. Elnura “O Ses Türkiye” yarışında iştirakının ilk günündə uğurlar diləmişdim və geniş söhbət etdik. Ümid edirəm ki, səsi və istedadı ilə Türkiyəni özünə heyran edən Elnur öz üzərində daha da çox çalışaraq qardaş Türkiyə ilə bərabər bütün dünyada tanınan bir sənətçi olacaq. Moda sektorunda tanınmış insanlar olan əziz Gülnarə və Günay xanıma və Elnura qarşıdan gələn 2015-ci ildə daha da böyük uğur və xoşbəxtliklər arzuladıq”.