Ekspert bank sədrinə qarşı: «Elman kimov? O deyibsə...»

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Ekspert bank sədrinə qarşı: «Elman kimov? O deyibsə...»

Sosial

Oxunub: 464

20 sen 2017 | 09:43

Xəbər verdiyimiz kimi, Azərbaycan Mərkəzi Bankının (AMB) sədri Elman Rüstəmov APA-ya açıqlamasında ərzaq məhsullarının kəskin bahalaşmasının gözlənilmədiyini bildirib.

Onun sözlərinə görə inflyasiya sıçrayışı olmayacaq: "İnflyasiyanın səviyyəsi ilə bağlı proqnoz vermək çətindir. Mənim fikrimcə, mövsümi amillərdən yəni, yay fəsli ilə əlaqədar ərzaq məhsullarında ucuzlaşmadan sonra qarşıdakı aylarda inflyasiya "sıçrayışı" olmayacaq".

Bank sədrindən fərqli olaraq, kənd təsərrüfatı üzrə ekspert Vahid Məhərrəmov kəskin bahalaşmanın olacağını bildirib. Ekspert "Qaynarinfo"ya açıqlamasında deyib ki, artıq pomidorun qiyməti 50 fazidən artıq bahalaşıb:

"Elman kimov? Bu sualı elə-belə vermədim. Belə də yazın. Yazın ki, Vahid Məhərrəmli sual verdi ki, nədə qiymət artımı olmayacaq? Elman kimov? Elman Rüstəmov əgər belə deyibsə, mütləq qiymət artımı olacaq. O, həmişə öz sahəsi üzrə proqnozlar verəndə, əksi baş verir. Elman Rüstəmov deyəndə ki, manat ucuzlaşmayacaq, ucuzlaşır. Onun kənd təsərrüfatından xəbəri yoxdur. Azərbaycanda məhsul istehsalı ciddi şəkildə azalıb, taxıl istehsalı 400 min ton aşağı düşüb. Bu, çox böyük bir rəqəmdir və o deməkdir ki, ət, süd istehsalı azalacaq və azala-azala da gedir. Otun qiyməti 3 dəfə artıb. Bu, o deməkdir ki, ətin, südün qiyməti qalxacaq.

Taxılın azalması həm də quşçuluq məhsullarının qiymətini artıracaq, yumurtanın qiyməti qalxacaq. Ümumiyyətlə heyvandarlıq və quşçuluq məhsullarının qiymətində ciddi artım müşahidə olacaq. Bu, istehsalın azalması və istehsal vasitələrinin ciddi bahalaşması ilə əlaqədardır ki, bazara da öz təsirini ciddi şəkildə göstərəcək və qiymət artımı baş verəcək. Elman Rüstəmov deyəsən bazara çıxmır. Artıq, bu gündən pomidorun qiyməti 50 faizdən çox qalxıb. Əvvəl 90 qəpiyə alınan pomidor hazırda 1 manat 50 qəpik və ondan da baha qiymətə satılır. Azərbaycan kifayət qədər məhsul istehsal edərək, ehtiyat yığa bilməyib, anbarlar boşdur. Yəni, söhbət təkcə pomidordan getmir. Bu, özünü digər meyvə-tərəvəzin də qiymətində göstərir və artım davam edəcək. Elman Rüstəmovun proqnozu ondan xəbər verir ki, yaxın zamanda ciddi qiymət artımı gözlənilir".

Çingiz Səfərli