"Əgər əlində faktı və ya hansısa bir sənəd varsa..."

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

"Əgər əlində faktı və ya hansısa bir sənəd varsa..." - VİDEOGİLEY

Sosial

Oxunub: 547

5 okt 2017 | 14:42

"Əgər əlində faktı və ya hansısa bir sənəd varsa..." - VİDEOGİLEY

188 Yükdaşıma xidmətinin işçiləri vətəndaşı 3000 min manatdan çox ziyana salıb.

Bu barədə "Qaynarinfo"ya zərərçəkmiş Orxan Qəhrəmanov məlumat verib. O, avqustun 29-da yükdaşıma ilə bağlı şirkətə müraciət etdiyini, lakin qeyri-peşəkar işçilərin səhlənkarlığı nəticəsində 3000 manatdan artıq dəyəri olan qab-qacaq dəstinin qırıldığını bildirib:

"Hadisədən sonra şirkətlə əlaqə saxladım. Mənə özünüz alın, biz pulunu ödəyərik dedilər, yubatdılar. Dünən isə zəng edəndə nömrəmin qara siyahıya salındığını gördüm. Belə çıxır ki, hara istəyirsiniz şikayət edin. Yükümü daşıyanda mənimlə heç bir müqavilə bağlamadılar, mən də başım qarışdığı üçün bunu onlardan tələb etmədim. Şirin dillə, "bağ belə, bostan belə" deyib məni aldatdılar. 2 bahalı dəst sındırıblar, amma mən heç olmasa birinin pulunun ödənilməyini istədim. Bu məbləğin hamısını, əvvəlcə işçilərin maaşından kəsəcəklərini bildirdilər, sonra belə təklif etdim ki, 30 faizini mən, 30 faizini şirkət, 30 faizini isə işçilər ödəsin, xəbər çıxmadı. Daha sonra heç olmasa 1500-1600 manatlığını alın evimdə olsun, sınan bahalı dəsti də sizə qaytarım dedim, yenə bir səs çıxmadı. Ay yarımdır ki, mənim şikayətimlə bağlı heç nə etmirlər. Mənə dəyən zərər artıq dəyib. İstəmirəm ki, başqaları da bu şəkildə zərər görsünlər. Hadisədən sonra da şirkətin bir nümayəndəsi belə gəlib maraqlanmadı, buna görə üzr istəmədilər".

Məsələ ilə bağlı 188 yükdaşıma xidməti ilə əlaqə saxladıq. Zəngimizə cavab verən operator yükdaşıma ilə əlaqədar vətəndaşa dəymiş zərərlə bağlı audit şöbəsinin məşğul olduğunu söylədi. Daha sonra şirkətin nümayəndəsi olan və özünü sadəcə Abbas kimi təqdim edən şəxs bildirdi ki, vətəndaşın əlində sübutu yoxdursa, şikayəti əsassızdır, şirkət bütün yükdaşımalar zamanı daşınan əşyalarla bağlı təhvil-təslim aktı tərtib edir və qarşı tərəf də ona qol çəkir:

"Vətəndaşın hansı əsasla şikayət etdiyindən xəbərsizəm. Əgər əlində faktı və ya hansısa bir sənəd varsa, o zaman həmin məsələyə baxa bilərik. Biz aktsız iş görmürük. Bütün yükdaşımalarda təhvil-təslim aktı olur, orada nə daşındığı qeyd olunur. Müştəri də yükünü təhvil alan zaman ona qol çəkir. Əlində sübutu yoxdursa, belə bir şikayət əsassızdır".