Biznesmenin oğlu, "Mercedes GL", yüksək sürət və polkovnikin ölümü... — Bakıda cəzasız qalan cinayət (FOTO)

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Biznesmenin oğlu, "Mercedes GL", yüksək sürət və polkovnikin ölümü... — Bakıda cəzasız qalan cinayət (FOTO)

Sosial

Oxunub: 513

14 okt 2017 | 00:36

Biznesmenin oğlu, "Mercedes GL", yüksək sürət və polkovnikin ölümü... — Bakıda cəzasız qalan cinayət (FOTO)

Azərbaycan Müdafiə Nazirliyinin polkovnik-leytenantı, biznesmen, “Xaliq Faiqoğlu” MMC şirkətinin faktiki sahibi Faiq Seyidovun oğlu Xaliq Seydiov tərəfindən avtomobillə vurulan Eldar Məmmədovun faciəli ölümü ilə bağlı yeni sənədlər üzə çıxıb.

Ölkə.Az Virtualaz.org-a istinadən xəbər verir ki, Silahlı Qüvvələrin Baş Kliniki Hospitalının həkimləri tərəfindən hazırlanan epikrizdə polkovnikin avtomobillə vurulma nəticəsində aldığı çoxsaylı ağır xəsarətlərdən keçindiyi birmənalı şəkildə göstərilir. Virtualaz.org Mərkəzi Klinik Hospitaldan epikrizin surətini əldə edib və sənəddən məlum olur ki, polkovnikin faciəli ölümünün hansısa yollarla ört-basdır edilməsində, nəticədə biznesmen oğlunun məsuliyyətdən kənarda qalmasında həkimlərin heç bir rolu olmayıb.

Xatırladaq ki, ötən buraxılışımızda 2014-cü ilin may ayında Bakının 3-cü mikrorayon ərazisində baş vermiş bu qəza ilə bağlı araşdırma dərc etmişdik. Orada göstərilirdi ki, zabit “Mercedes GL” markalı avtomobillə vurularkən çoxsaylı ağır fiziki xəsarətlər alıb və Mərkəzi Klinik Hospitala yerləşdirilib. 4 gün sonra yaralı hospitalda keçinib.

Hospitalın rəisinin vəkil sorğusuna verdiyi yazılı cavabda polkovnikin çoxsaylı ağır xəsarətlər aldığı göstərilirdi, amma sonda bildirilirdi ki, onun ölümü ürək çatışmazlığı səbəbindən baş verib. Bu baxımdan ölüm hadisəsinin sanki fiziki xəsarətlər üzündən deyil, “təbii səbəblərdən” baş verdiyinə dair qənaət yarana bilərdi. Və bəzi suallar meydana çıxırdı. Lakin məqalə dərc olunandan sonra məsələyə Müdafiə Nazirliyi reaksiya verdi. Və Baş Klinik Hospitaldakı mənbələrdən saytımıza polkovnikin epikrizində onun aldığı xəsarətlərdən öldüyünün açıq-aşkar göstərildiyini bildirdilər. Və həmin sənədi təqdim etdilər.

Beləliklə, epikrizdə bildirilir ki, 1969-cu ildə anadan olmuş Məmmədov Eldar Vəli oğlu 18.05.2014-cü il tarixdə Silahlı Qüvvələrin Baş Kliniki Hospitalının ortopediya bölməsinə ağır vəziyyətdə daxil olub. Və sənəddə yaralının aldığı çoxsaylı xəsarətlər sadalanır. Bu xəsarətlərin arasında ağ ciyərlərin əzilməsi də var.

“Anamnezindən məlum olub ki, xəstə 17.05.2014-cü il tarixdə, axşam saat 22.30 radələrində 3-cü mikrorayon dairəsi ərazisində avtoqəza nəticəsində travma alıb. Hadisə yerində ona ilk tibbi yardım göstərilib və 1 saylı Kliniki Tibbi Mərkəzə təxiliyyə olunub. Ertəsi gün isə ixtisaslı müayinə və müalicə üçün SQ BKH-ə yerləşdirilib”-epikriz raporunda göstərilir.

Sənəddən məlum olur ki, hospitalın həkimləri 4 gün ərzində reanimasiya şöbəsində polkovnikin həyatını xilas etmək üçün əllərindən gələni ediblər. Lakin bütün görülmüş tədbirlərə baxmayaraq yaralı aldığı xəsarətlərdən yaranan kəskin ürək çatışmazlığı (ağciyərlərin deformasiyası və digər xəsarətlər) nəticəsində keçinib.

Beləliklə, hospitalın epikriz raporu zabitin faciəli ölümünün məhz avtomobillə vurulma nəticəsində baş verdiyinə şübhə yeri qoymur. Deməli ölümlə nəticələnən avtoqəzaya görə biznesmenin oğlunun barəsində qaldırılmış cinayət işi onun hadisədəki günahının dərəcəsinə uyğun olaraq cəza alması üçün məhkəməyə qədər gedib çıxmalıydı. Bu isə baş verməyib.

Xatırladaq ki, 2014-cü ilin mayında baş vermiş bu hadisə ictimaiyyətin diqqətindən kənarda qalmışdı. O vaxta qədər ki, Faiq Seyidovla onun keçmiş ortağı Azadxan Xanməmmədov arasında kommersiya təyinatlı daşınmaz əmlak məsləsinə görə qarşıdurma yarandı və həmin qarşıdurma Xanməmmədovun həbsinə gətirib çıxardı. F.Seyidovun oğlunun ölümlə nəticələnən avtoqəza törədib məsuliyyətdən kənarda qalması faktı məhz bu qarşıdurmadan sonra mətbuata sızdırıldı və şübhəsiz ki, bu təsadüfi deyildi.

Lakin məsələnin ictimai əhəmiyyət kəsb edən hissəsi budur ki, biznesmen oğlu törətdiyi əmələ görə heç bir məsuliyyətə cəlb edilməyib. Bu isə yüksək rütbəli məmurların övladlarının son vaxtlar bir-birinin ardınca törətdikləri avtoqəza və digər hadisələrə görə məsuliyyətdən yayına bilmədikləri, hətta atalarının vəzifələrini itirdiyi bir vaxtda biznesmenin oğlunun daha mötəbər toxunulmazlıq statusuna malik olduğu haqda yanlış rəy formalaşdıra bilər.

Azərbaycanda onsuz da ölümlə nəticələnən avtoqəzalara, piyadaların vurulmasına görə cəzalar yumşaqdır. Belə hadisələri törədənlər əsasən məntəqə tipli cəzaçəkmə müəssisəsində cəzaçəkmə ilə cəzalandırılırlar. Əlbətdə, piyada vurulması hadisələrinə görə cəzanı, yoxsa yol hərəkəti qaydalarına əməl olunması ilə bağlı tələbləri sərtləşdirməyin daha vacib olduğu ayrı mövzudur. Ancaq indiki halda kimlərinsə biznesmenin övladının törətdiyi hadisəni ört-basdır etməyə çalışdığı və buna nail olduğu ortadadır.

Hansı ki, Faiq Seyidov bu faktın mətbuata sızdırılmasından sonra açıqlama verərək oğlunun avtomobillə MN-nin zabitini vurduğunu təsdiqləmişdi, amma bildirmişdi ki, piyada yüngül xəsarətlər almışdı və onun ölümü sonradan “təbii səbəblərdən” baş vermişdi. Bu, atanın oğlunun törətdiyi hadisəni ört-basdır etməkdə iştirakına dəlalət etmirmi?

Belə görünür ki, ortaya çıxan sənədlərdən sonra hüquq-mühafizə orqanları tərəfindən bu hadisənin yenidən araşdırılması qaçılmazdır. Və virtualaz.org-a daxil olan məlumata görə artıq hüquq-mühafizə orqanları zabitin ölümü ilə bağlı təhqiqatın yenidən başladılmasını qərara alıblar.

Biznesmenin oğlu, "Mercedes GL", yüksək sürət və polkovnikin ölümü... — Bakıda cəzasız qalan cinayət (FOTO)