Bakıda iki mindən çox ev söküləcək

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Bakıda iki mindən çox ev söküləcək

Sosial

Oxunub: 682

24 okt 2017 | 13:06

Bakı şəhərinin Baş Planının icrası ilə əlaqədar Yasamal rayon İcra Hakimiyyəti “Sovetski” adlanan ərazidə köçürmə və daşınmaz əmlakın sökülməsi işləri davam etdirilir.
Yasamal rayon İcra Hakimiyyətindən APA-ya verilən məlumata görə, “Sovetski”də 9814 ünvanda ölçü işləri aparılıb, 26 hektardan çox sahəni əhatə edən ərazidə 4300 istifadə müddəti xeyli müddət əvvəl başa çatmış, müasir tələblərə cavab verməyən və demək olar ki, bütünlüklə yararsız yaşayış və qeyri-yaşayış sahələrinin sahibləri ilə razılaşma əldə edilərək, sənədlər alqı-satqı əməliyyatına təqdim olunub və əmlak sahiblərinə vəsait ödənilməsi təmin olunub.

Eyni zamanda, 4300 daşınmaz əmlak sökülərək ərazi təmizlənib. Prezident İlham Əliyev tərəfindən “Sovetski” adlanan ərazidəki istifadəyə yararsız evlərin satınalınması işlərinin davam etdirilməsi məqsədi ilə 2018-ci ildə “Təzə Pir” məscidinin yuxarı hissəsində Nəriman Nərimanov prospekti ilə İsmayıl bəy Qutqaşınlı küçəsi arasındakı evlərin satınalınması və həmin ərazinin təmizlənməsi barədə müvafiq tapşırıqlar verilib. Yasamal rayon İcra Hakimiyyəti tərəfindən ölkə başçısının verdiyi tapşırıqların icrası məqsədilə ilkin araşdırma aparılıb.
Nəticədə Nabat xanım Aşurbəyova - keçmiş Mustafa Sübhi, Süleyman Tağızadə, Abdulla Şaiq və Çingiz Mustafayev küçələri arasında 1130, Nəriman Nərimanov prospekti ilə İsmayıl bəy Qutqaşınlı, Çingiz Mustafayev və Mirzağa Əliyev küçələrinin əhatəsində olan ərazidə 880, cəmi 2010 yaşayış və qeyri-yaşayış obyektlərinin mövcud olduğu müəyyən edilib.

Yasamal rayon İcra Hakimiyyətindən bildirilib ki, 2017-ci ilin 9 ayında qanunsuz tikililərə qarşı mübarizə sahəsində işlər davam etdirilərək “Qanlı göl”ün qərb hissəsində sahəsi 42, 52 və 64 kv.m olan 3 müxtəlif təyinatlı özbaşına tikili sökülüb. Lakin bir sıra vətəndaşlar tərəfindən rayonun digər ərazilərində də qanunsuz tikinti işlərinin aparılmasına cəhdlər olub. Əlibaba Abdullayev küçəsi, 25 nömrəli evin 2-ci mərtəbəsində 70 kv.m, Zaur Kərimov küçəsi, 38 nömrəli evin 2-ci mərtəbəsində 40 kv.m, Nazim Hikmət küçəsi, 24 nömrəli evin 2-ci mərtəbəsində 70 kv.m fərdi yaşayış evlərinin tikintisinə cəhdlər edilib, lakin onların qarşısı vaxtında alınıb.