“Absheronxeber.az” informasiya portalının 5 yaşı tamam oldu

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

“Absheronxeber.az” informasiya portalının 5 yaşı tamam oldu

Sosial

Oxunub: 678

1 fev 2018 | 22:00

Abşeron rayonunun mədəni və ictimai həyatında baş verən yenilikləri daim ictimaiyyətə çatdıran, Azərbaycan mediasında öz dəst xətti və maraqlı xəbərləri, reportajları, layihələri ilə seçilən “Absheronxeber.az” xəbər portalının 5 yaşı tamam olur. Bununla əlaqədar olaraq Xırdalan şəhərində yerləşən Heydər Əliyev Mərkəzində tədbir keçirilib.

Tədbiri giriş sözü ilə açan Abşeron Rayon İcra Hakimiyyəti başçısı İradə Gülməmmədova qeyd edib ki,Ulu öndər Heydər Əliyevin müstəqil Azərbaycana rəhbərliyi illərində həyata keçirdiyi çoxşaxəli islahatların və onların Prezident İlham Əliyev tərəfindən uğurla davam etdirilməsinin nəticəsi olaraq bu gün ölkəmizdə söz və mətbuat azadlığı sahəsindəki mövcud vəziyyət qabaqcıl demokratik ölkələrlə müqayisə edilə bilər. İ.Gülməmmədova vurğulayıb ki, bu gün mətbuata xüsusi dövlət qayğısı və diqqətinin mövcud olması, eyni zamanda, söz, fikir və özünüifadə azadlıqlarının ən yüksək səviyyədə təsbit edilməsi, mətbuatın maddi-texniki və maliyyə bazasının gücləndirilməsi, media institutunda təmsil olunan şəxslərin səmərəli fəaliyyəti üçün əlverişli şəraitin yaradılması və digər bu kimi amillər dövlətin bu sahəyə qayğısı kimi dəyərləndirilməlidir.

Bildirilib ki, 2013-cu ildən fəaliyyət göstərən saytda Abşeronda baş verən hadisələr,quruculuq-abadlıq,yeniliklər barədə oxuculara operativ məlumatlar verilir. Reportaj, araşdırma, müsahibə və digər janrlarda materiallar təqdim edilir.

Bu 5 il ərində saytda təkcə Abşeron rayonu ilə bağlı bütün yeniliklər deyil, eyni zamanda ölkə əhəmiyyətli məlumatlar, xəbərlər öz əksini tapmışdır. Bu gün artıq daimi oxucusu 35 min nəfər olan bir portala çevrilmişdir. Bu da Abşeron Rayon İcra Hakimiyyəti başçısı İ.Gülməmmədovanın müasir Azərbaycanın bir qoluna çevirdiyi Abşeronun uğurudur.

Saytın baş redaktoru Şamo Əliyev “absheronxeber.az” haqda məlumat verərək bildirib ki, portal yarandığı vaxtdan bu günədək oxucuların etibarını qazanmaq və dolğun məlumatlar çatdırmaq üçün fəaliyyət göstərib. Sayt 12 bölmədən ibarətdir və burada Abşeron rayonunun yaranma tarixindən müasir dövrə kimi olan mühüm məlumatlar almaq olar. Xəbər portalı öz oxucularına bir neçə yeni layihələr təqdim etməyi planlaşdırır. Bundan əlavə müasir standartlara cavab verən yeni dizaynlı portalda həmçinin yerli və dünya xəbərləri ilə yanaşı, tanınmış müəlliflərin yazıları, jurnalist araşdırmaları, müsahibələr, ekspert rəyləri də dərc olunur. Gələcəkdə portalda müsabiqələr, layihələr, rubrikalar digər yeniliklər təqdim olunacaq.

Sonda bir qrup KİV nümayəndələrinə səmərəli əməkdaşlığına görə rayon icra hakimiyyətinin qiymətli hədiyyələri təqdim olunub.