Məşhur klinikaların arxasından nazirlə generalın qudası çıxdı

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Məşhur klinikaların arxasından nazirlə generalın qudası çıxdı – İddialar

Sosial

Oxunub: 636

7 fev 2018 | 00:49

Məşhur klinikaların arxasından nazirlə generalın qudası çıxdı – İddialar

İki xəstənin əməliyyat zamanı öldüyü və adı MTN çetesinə qarışmış iki klinika barəsində yeni məlumatlar əldə etmişik.

İsmaric.az – a verilən məlumatda “Grand hospital” və “Avrasiya” klinikalarının arxasındakı əsas gücün kimliyi açıqlanıb.

Bu tibb ocaqlarının MTN-in Kadrlar Baş İdarəsinin rəis müavini, polkovnik Tehran Babatov olduğu söylənirdi.

[img=left]https://i0.wp.com/azeuronews.com/wp-content/uploads/2017/12/grand-hospital.jpg?w=1024[/img]

MTN şefi Eldar Mahmudovun “kassiri” kimi adı çıxan T.Babatovun yaxını olan baş həkim Asiman Həsənov sözügedən klinikalara nəzarət edir.

Tədris Cərrahiyyə Klinikasının baş həkimi vəzifəsindən azad edilərək bu klinikalara rəhbər olan Asiman Həsənovun adı mediada MTN çetesi ilə hallanırdı.

Yayılan xəbərlərdə deyilirdi ki, sertifikatlaşdırmadan keçə bilməyən savadsız həkimləri müxtəlif klinikalara yerləşdirməklə, savadlı və dürüst həkimləri sıxışdıran Asiman Həsənov əcnəbi həkimləri də Tehran Babatovun vasitəsi ilə Miqrasiya Xidmətinin caynağına keçirərək, tələyə salmağı və onları qul kimi işlədərək babat pul qazanmağın mexanizmini elə qurubmuş ki, çərçivədən çıxan istənilən şəxs MTN-in polkovniki tərəfindən cəzalanırılırmış.

Avrasiya klinikası

Hazırda bir çox klinikalar, o cümlədən Grand Hospital, Medical Plaza, Azərtürk Med Hospital və Laçın Klinikası bir başa Asiman Həsənovun nəzarətindədir.

Lakin bu klinikaların arxasından yeni bir ad çıxıb. İsmaric.az –a verilən məlumatda “Grand hospital” və “Avrasiya” klinikalarının əsas sahibinin Qulu Quliyev olduğu iddia edilir.

Məlumatlı şəxsin iddialarına görə, Q.Quliyev vaxtilə Xaçmaz “MERO” rəisi işləyib. Q.Quliyev indi klinikalara nəzarət edir.

Qulu QuliyevQulu Quliyev
Belə iddialar var ki, “Grand hospital” və “Avrasiya” klinikalarının sahibi Q.Quliyev “MERO” rəisi postuna yüksəlməsi heç də səbəbsiz olmayıb.

Çünki Q.Quliyev Baş Dövlət Yol Polisi İdarəsinin rəisi Ramiz Zeynalovun qudasıdır. Məlumatda bildirilir ki, Q.Quliyev ədliyyə naziri Fikrət Məmmədovla da qohumdur.

Belə bir imkanlara və əlaqələrə malik olan Q.Quliyevin klinikaları yüksək səviyyədə qorunur.

Ancaq efirdə tez-tez reklam olunan “Grand Hospital” həkimlərinin əlində ölən xəstələrin xəbəri pasientlərin klinikaya inamını sarsıdıb.

dekabrın 19-da ürəyindən əməliyyat olunan 1962-ci il təvəllüdlü Nurağa Qasımovun ölümü barədə istintaq gedir.

Onu əməliyyat edən həkimin fəaliyyəti istintaq müddətində qadağan olunub. Onun əməliyyatdan sonra öldüyü bildirilib.

Faktla bağlı Nərimanov rayon Prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb, zəruri istintaq hərəkətləri davam etdirilir.

Cəmi 14 gün əvvəl də “Grand Hospital” klinikasında ölüm hadisəsi baş vermişdi.

Gözündən əməliyyat olunan 20 yaşlı Ayşən Mirzəyeva “Grand Hospital” klinikasının həkiminin səhlənkarlığı və qeyri-peşəkarlığı ucbatından əməliyyat zamanı komaya düşmüşdü.

Beş gün komada qaldıqdan sonra isə dünyasını dəyişmişdi. “Avrasiya” klinikasında isə qiymətlərin fantastik olması xəstələri az qala komaya salır.

Azərbaycanda isə klinikaların sahiblərinin məmurlara məxsus olması yenilik deyil. Çünki şadlıq evlərindən tutmuş xəstəxanalara, “moyka”lardan adi qəzet köşklərinə qədər arxasından bir məmur barmağı çıxır.