13-02-2018, 00:52 Oxunub: 271

Umac halvası belə bişirilir - RESEPT

Umac halvası belə bişirilir - RESEPT













Azərbaycan mətbəxinin ən qədim və ləzzətli şirniyyat növlərindən biri halvadır. Əsasən orucluqda və yas mərasimlərində çalınan halva əvvəllər bayram süfrələrinin də bəzəyi olub. Halvanın demək olar ki, hər bölgəmizə uyğun müxtəlif növləri var. Tər halva, çərəzli halva, səməni halvası və sair. Milli.Az ailem.az-a istinadən bu dəfə sizə umac halvasının hazırlanma qaydasını təqdim edir.

Lazım olanlar:

1 kq un

Yarım kilo kərə yağı

Şərbət üçün:

1 kq şəkər tozu

3 stəkan su
1 çay qaşığı sarıkök
Darçın (istəyə görə)


Hazırlanması:

Şərbəti bişirmək üçün suya şəkər tozu və sarıkök töküb qaynadın. Mət olduqda ocaqdan götürün.

Unun üzərinə su səpib əlinizlə ovxalayın və umac hazırlayın. Sonra bunu xırda gözlü sürtgəcdən keçirin. Ələyib ununu çıxarın, təmizlənmiş umacı quru dəsmalın üzərinə sərib qurudun.

Kərə yağını əridin, umacı qaynar yağın içərisinə töküb taxta qaşıqla tez-tez qarışdırın. Umac sarı-qızılı rəngə çalanda və yağını buraxanda üzərinə qaynar şərbət tökün. Yaxşı qarışdırıb altını söndürün.

Servis edərkən düz boşqaba yığıb, qaşıqla üzərini naxışlaya bilərsiniz.

Nuş olsun!
Bir həftəyə üç kilo arıqladan çay - RESEPT Bir həftəyə üç kilo arıqladan çay - RESEPT Maraqli Ev şəraitində sabun hazırlamaq — Qaydası Ev şəraitində sabun hazırlamaq — Qaydası Maraqli Şahdağa 20 sm qar yağıb Şahdağa 20 sm qar yağıb Bolge Kartof qabığı ilə ağ saçlara son Kartof qabığı ilə ağ saçlara son Maraqli Gəncə mətbəxinin unudulmaqda olan yeməkləri... Gəncə mətbəxinin unudulmaqda olan yeməkləri... Bolge