Rüşvət qalmaqalı ilə tanınan direktorun daha bir səs yazısı yayıldı

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

Rüşvət qalmaqalı ilə tanınan direktorun daha bir səs yazısı yayıldı

Sosial

Oxunub: 631

9 mar 2018 | 00:56

Rüşvət qalmaqalı ilə tanınan direktorun daha bir səs yazısı yayıldı

Şamaxı rayonunda rüşvət almaqda ittiham olunan, şəhid A.Alxanov adına Sabir qəsəbə tam orta məktəbinin direktoru Gülnurə Babaşovanın rəhbərlik etdiyi təhsil ocağında müəllimlərdən pul tələb etdiyini əks etdirən yeni səs yazısı yayılıb.
Azerinfo.az AzNews.az-a istinadən xəbər verir ki, yeni səs yazısında bu günlərdə məktəbdə keçirilən iclasların birində direktor müəllimlərdən pul tələb edir. Gülnurə Babaşova orada müəllimlərə bayramları bəhanə gətirməməyi məsləhət bilib:

"Mən bilirəm burda nəzərə alnmalı olanlar kimlərdi, onlar nəzərə alınacaq. Ancaq nəzərə alınmayanlar da var. Nə olsun, sizin kimi camaat da bayram eləmək istəyir. Bu dəfə də əyər ləngiməmiz-filanımız olsa… o müəllimlər ki var, aylığı gecikdirir, ya da ki, yarımcıq verir, onlar sonrakı aylarda məktəbin digər işlərində mənə yaxın gəlməsinlər, mənim də hər şeyə görə müəyyən işlərim var. Sonra bir-birimizdən küsməyək”.

Məsələ ilə bağlı məktəb müəllimləri ilə əlaqə saxladıq. Müəllimlər qeyd etdilər ki, Gülnurə Babaşova hər ay müəllim kollektivindən aylıq alır:

“Mətbuatda gedən yazıdan sonra iclas oldu. Biz həmin iclasda iştirak etmədik. Bildik ki, iclas bizi onunla barışdırmağa yönəlib. Rayon Təhsil şöbəsinin müdiri Eyvaz Eminalıyev direktoru müdafiə edib. Müəllimlərin bəzilərinə təzyiq edildi ki, ərizələrini geri götürsünlər. Amma narazılar bunu etmədilər. Biz geri çəkilməyəcəyik. Bu səs yazısı ilə bağlı iclas fevral ayının sonlarında keçirilib. Müəllimlərdən aylıq pul yığımı davam edir. Soruşanda deyir ki, “pulu məndən rayon təhsil şöbəsindən istəyirlər. Mən də sizdən alıb ona verirəm”.

Şamaxı rayon şəhid A.Alxanov adına Sabir qəsəbə tam orta məktəbinin direktoru Gülnurə Babaşova isə saytımıza açıqlamasında qayınatasının rəhmətə getdiyini və danışa bilmədiyini dedi: “Yasdan sonra sizinlə əlaqə saxlayacam”.

Qeyd edək ki, iki ay əvvəl Şamaxı rayon şəhid A.Alxanov adına Sabir qəsəbə tam orta məktəbinin direktoru Gülnurə Babaşovanın müəllimlərdən ayliq haqq yığması ilə bağlı səs yazısı yayılmışdı. Təhsil Nazirliyi isə məsələnin araşdırıldığını bildirmişdi.