20 nömrəli məktəbin direktor müavini jurnalisti hədələdi

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Azərbaycan Prezidenti: “İndi bizim sülh sazişinin necə olması ilə bağlı ümumi anlayışımız var”

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

20 nömrəli məktəbin direktor müavini jurnalisti hədələdi — SƏS YAZISI

Sosial / Video

Oxunub: 698

28 mar 2018 | 10:00

Valideyn-Müəllim Assosiasiyası üçün hər bir şagirddən aylıq 5 manat pul yığılması ilə bağlı 20 nömrəli məktəbdən açıqlama verilib.
"Ölkə.Az" bildirir ki, Qaynarinfo-ya daxil olan məlumata görə, məktəbin direktoru Səadət Veysova valideynlərlə iclas keçirərək Valideyn-Müəllim Assosiasiyası yaradıb və assosiasiyaya da valideynlər arasından sədr və xəzinədar seçilib. Məktəbdə təhsil alan hər şagirddən həmin təşkilat üçün ayda 5 manat pul yığılır və bu pulların guya kağız, marker və digər dəftərxana ləvazimatları üçün xərcləndiyi bildirilir.

Qeyd edək ki, məktəbdə 3000-ə yaxın şagird təhsil alır. Bu isə ayda 15000 manata yaxın vəsait yığılması deməkdir. Sinif rəhbərləri pul verməyən şagirdləri hər gün sıxışdırır, bu da valideynlərin haqlı narazılığına səbəb olur.

Məsələ ilə əlaqədar 20 nömrəli məktəb-liseyin direktoru Səadət Veysova ilə əlaqə saxladıq. Direktor saytımıza açıqlamasında bununla bağlı heç bir məlumatı olmadığını və məsələni öyrəndikdən sonra məlumat verəcəyini bildirdi. Görünür ki, direktor da idarə etdiyi təhsil ocağında baş verənlərdən xəbərsizdir?!

Daha sonra özünü direktorun köməkçisi kimi təqdim edən şəxs açıqlamasında VMA-ların bütün məktəblərdə olduğunu, bəzilərində şagirdlərdən 3-5 manat, bəzilərində də aylıq 10 manat yığıldığını bildirib.

- Valideyn-Müəllim Assosiasiyaları Təhsil Nazirliyinin qərarı ilə 2005-ci ildə təsdiq olunub. Nizamnaməsi və əsasnaməsi var. Elə məktəblər var ki, 10 manatdır, bizdə isə 5 manatdır. Ola bilər ki, hansısa müəllim valideyndən artıq pul istəyib. VMA pedaqoji şura ilə təsdiq olunan bir qurumdur. İndi hər məktəbin öz VMA-sı var. Elə məktəb var yığılan vəsaiti öz hesabına keçirir. Bizim məktəb də yeni yaradılıb. Hesab açılacaq. Məktəbin mühafizəsini, xadiməsini, qapısını, bacasını saxlamaq da orada gedir. Biz indi sizə onunla bağlı hesabat vermirik. Sadəcə bilin ki, VMA-nın özünün nizamnaməsi və əmri var.

- Məktəbin qapısını, bacasını deyirsiniz, bu dövlət məktəbidir və dövlət də bunun üçün büdcədən vəsait ayırır.
- Bəli dövlətin məktəbidir. Qapıdan, bacadan getmədi söhbət...

Daha sonra direktor müavini bizi hədələyərək bir daha zəng vurmamağımızı bildirdi.

Məsələ ilə bağlı Bakı Şəhəri üzrə Təhsil İdarəsinə də müraciət etdik. Qurumdan bildirildi ki, fakt araşdırıldıqdan sonra ətraflı məlumat veriləcək.