6-02-2015, 10:52 Oxunub: 777

Bakıda mənzil satışında kələkbazlıq

Bakıda mənzil satışında kələkbazlıq


Paytaxtda bina tikintisi ilə məşğul olan daha bir şirkətin dələduzluğu ortaya çıxıb.

Azerinfo.az Axar.az-a istinadən xəbər verir ki, Xırdalan şəhərində fəaliyyət göstərən Abşeron LTD-2013 tikinti şirkəti bir mənzili iki ailəyə satıb.

Zərərçəkən Malik Hüseynov redaksiyamıza məktub ünvanlayaraq qanunsuzluğun qurbanı olduğunu, illərdir ki, kirayədə qaldığını bildirib:

“Mən Xırdalan şəhəri, Quşçuluq yaşayış massivi, 3-cü küçə, döngə 1, ev 9-da qeydiyyatdayam. 2006-cı ildə Xırdalan şəhəri M.Hüseynzadə küçəsində Fuad LTD firması tərəfindən inşa olunan yaşayış binasında valideynlərim üçün 121 saylı mənzilin dəyərini tam, özüm üçün isə 122 saylı mənzilin dəyərinin yarısını ödəməklə müqavilə yolu ilə mənzil almışam”.

M.Hüseynovun sözlərinə görə, Fuad LTD firmasında qanunsuzluqlar baş verdiyi üçün bir müddətdən sonra tikinti işləri dayandırılıb:

“Binada tikinti işləri 2009-cu ilə kimi davam etdi. Lakin həmin ildən etibarən Fuad LTD firması tikintini davam etdirə bilmədi və sakinlərin şikayətinə əsasən Baş prokuror yanında Korrupsiyaya qarşı Mübarizə Baş İdarəsində istintaq başlandı. İstintaqdan sonra bizə məlum olmayan səbəbdən tikintini Abşeron LTD 2013 (VÖEN 10000 58691) adlı şirkət davam etdirib”.

Zərərçəkən iddia edir ki, hüquqi varis elan olunduqdan sonra şirkətin satılan evləri yenidən satışa çıxarılıb:

“9 il öncə aldığım mənzili Abşeron LTD 2013 şirkətinin rəhbəri Azər Tağıyev və Araz adlı şəxs 7 dekabr 2014-cü ildə başqa bir şəxsə satıb. Hazirda mənə məxsus olan mənzildə təmir işləri aparılır. Mən isə kirayədə yaşayıram”.

Paytaxt ərazisində belə halların tez-tez təkrarlandığını deyən zərərçəkən əlaqədar qurumlardan haqlarının bərpa olunmasını xahiş edir:

“Belə insanların qanunazidd əməllərindən təkcə mən yox, çox sayda insan zərər görüb. Əlaqədar qurumlardan bu cür neqativ halların araşdırılması, sözügedən ünvanda baş verən özbaşınalığın qarşısının alınması və mənim pozulmuş hüquqlarımın bərpa olunmasına yardım etməyi xahiş edirəm”.
Tikinti şirkətlərinin dələduzluqları bitib tükənmir Tikinti şirkətlərinin dələduzluqları bitib tükənmir Gundem Ağalarovlar ailəsindən 19 milyardlıq müqavilə Ağalarovlar ailəsindən 19 milyardlıq müqavilə Iqtisadiyyat Bu mağazalardan mal almayın – XƏBƏRDARLIQ! Bu mağazalardan mal almayın – XƏBƏRDARLIQ! Sosial Bu mağazalardan ərzaq almayın – SİYAHI Bu mağazalardan ərzaq almayın – SİYAHI Iqtisadiyyat Mikayıl Cabbarov qanunsuz tikintini sökdürdü – FOTO Mikayıl Cabbarov qanunsuz tikintini sökdürdü – FOTO Sosial