SOSİAL MÜDAFİƏ KORRUPSİYASİ

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

SOSİAL MÜDAFİƏ KORRUPSİYASİ

Sosial

Oxunub: 451

29 may 2018 | 16:18

FORMA DƏYİŞİR, MAHİYYƏT OLDUĞU KİMİ QALIR.

Səlim Müslümovun Əmək və Əhalinin Sosial Müdafiəsi Naziri vəzifəsindən kənarlaşdırılması və cənab Sahil Babayevin nazir təyin olunması bu hökumət strukturunda indiyədək süründürməçiliklə, bürokratiya və rüşvət tələbi ilə üzləşərək sosial xidmətlərdən yararlana bilməyən vətəndaşları xeyli ümidləndirib. İnsanlar düşünürlər ki, indiyədək rastlaşmış olduqları süni maneələr barədə məlumatları məhz bu ərəfədə ictimailəşdirsələr, faydasını görərlər. O səbəbdən, KİV-ə üz tuturlar. «Dəryaz» qəzeti də bu mənada istisna deyildir. Sumqayıt şəhəri, 3-cü mkr., bina 4/2, mənzil 3 ünvanda qeydiyyatda olan Cəfərov Rəhman Məmməd oğlu redaksiyamıza müraciət edərək bildirmişdir ki, hazırda Qax rayonunda yaşayır. Gözündən xəsarət alması səbəbindən görmə qabiliyyətindən məhrum olub. 2014-cü ildə Zərifə Əliyeva ad. Göz Xəstəlikləri İnstitutunda qeydiyyata alınıb və ona epikriz veriblər. Həmin epikrizi aparıb Qax rayonundakı Tibbi Sosial Ekspertiza Komissiyasının (TSEK) sədri Camal həkimə təqdim edib. Rəhman kişinin sözlərinə görə, Camal həkim onun pensiyaya çıxmasına əsas olacaq əlillik dərəcəsinin təyini üçün 1500 manat rüşvət istəyib. Sonrakı illərdə də TSEK-ə müraciətlərinin faydası olmayıb. Axırda Səhiyyə Nazirliyinə şikayət edib. 2017-ci ildə Nazirlik ona cavab yazaraq, Qax rayon Mərkəzi Xəstəxanasına (RMX) müraciət etməyi məsləhət görüb. RMX-da müayinlərdən sonra nəticələrlə tanış olan xəstəxananın baş həkimi Tərlan Əhmədzadə şifahi olaraq Rəhman Cəfərovun əlilliyini təsdiqləyib və onu yerli poliklinika şöbəsinə göndərib. Rəhman Cəfərov orada sürprizlə qarşılaşıb. Demə, bir neçə il əvvəl TSEK sədri olan Camal həkim indi də poliklinika şöbəsinin müdiri vəzifəsində çalışır. Bu dəfə tələb olunan məbləğ 1500-dən 1700-ə qalxıb. Bildirilib ki, şərti yerinə yetirərsə, onun sənədləri hazırlanıb mərkəzə göndəriləcək. Redaksiyaya daxil olmuş müraciətlə əlaqədar araşdırma apararkən, Camal həkimə zəng açıb şikayətçi vətəndaşın iştirakı ilə korporativ telefon bağlantısı yaratdıq. Həkimin bu əlaqəyə qeyri-konstruktiv yanaşması səbəbindən söhbətimiz baş tutmadı. Sonra rayonun baş həkimi Tərlan Əhmədzadəyə zəng etdik. Dəstəyi qaldırdı. Özümüzü təqdim edən kimi söhbətin hansı məsələdən getdiyini bilcək dəstəyi asaraq bağlantını kəsdi. Şikayətçinin mülahizələrinə görə, T.Əhmədzadə «dovşana qaç, tazıya tut» deyir. Əslində baş həkim çox yaxşı bilirmiş ki, TSEK-in funksiyalarını polilinikaya ötürməklə yalnız forma dəyişir, mahiyyət isə olduğu kimi qalır. Görək, cənab S.Babayev nələri və kimləri dəyişəcək.