25-08-2018, 12:39 Oxunub: 301

Toy karvanı ilə bağlı sürücülərə xəbərdarlıq

Toy karvanı ilə bağlı sürücülərə xəbərdarlıq















Yol polisi toy karvanları ilə bağlı sürücülərə xəbərdarlıq edib.

Bakı Şəhər Dövlət Yol Polis İdarəsinin (BŞDYPİ) bölmə rəisi Vaqif Əsədov “Xəzər Xəbər”ə açıqlamasında bildirib ki, ilin əvvəlindən bu günə qədər toy karvanlarında 11 yol nəqliyyat hadisəsi baş verib.

Bu hadisələr zamanı 2 nəfər ölüb, 9 nəfər isə xəsarət alıb.

Buna görə də BŞDYPİ toy sahiblərinə təklif edir ki, toy karvanlarında maksimum 5 avtomobil iştirak etsin. Eyni zamanda, bu avtomobillər karvan şəklində yalnız bir zolaq üzrə sağ tərəfdə hərəkət etsinlər. Hətta bununla bağlı yol polisi animasiya da hazırlayıb.

V. Əsəsdov onu da bildirdi ki, toy karvanında hərəkət edən sürücülərin böyük əksəriyyəti yol hərəkəti qaydalarını kobud şəkildə pozur. Elə buna görə də polis son illər toy karvanlarına nəzərati daha da gücləndirib.

Qeyd edək ki, ilin əvvəlindən bu günə qədər bəy-gəlini müşayiət edən sürücülər yol zolaqlarının lüzumsuz olaraq tutulması, yeri gəldi-gəlmədi səs siqnalından istifadə etdiyi, qarşı hərəkət zolağına çıxaraq nəqliyyatın hərəkətinə mane olduğu üçün 100 sürücü barəsində inzibati qaydada protokol tərtib edilib. Toy karvanında avtoxuliqanlıq edən 10 sürücü isə aşkar edilərək barələrində məhkəmə qərarı ilə inzibati həbs qərarı çıxarılıb.
Bakıda toy karvanında Bakıda toy karvanında "avtoşluq" - Yol polisi hərəkətə keçdi - VİDEO Hadise / Video Yol polisindən sürücülərə xəbərdarlıq — Yol polisindən sürücülərə xəbərdarlıq — "Qışa tam hazırlıqlı olun" Sosial Yol polisi sürücülərə müraciət etdi - Yol polisi sürücülərə müraciət etdi - "Diqqətli olun" Sosial Bakıda Bakıda "Gelandewagen"lərin toy karvanı hərəkəti iflic etdi (VİDEO) Hadise Yol polisindən sürücülərə müraciət: Yol polisindən sürücülərə müraciət: "Sürüşmə ehtimalı var" Sosial