14-11-2018, 22:22 Oxunub: 204

Baş nazirdən məktəbəqədər təhsillə bağlı vacib – QƏRAR

Baş nazirdən məktəbəqədər təhsillə bağlı vacib – QƏRAR















Nazirlər Kabineti “Təhsil müəssisələrinin tikintisinə, maddi-texniki təchizatına dair vahid normalar, ümumi sanitariya-gigiyena tələbləri, şagird yerləri ilə təminat normativləri”, həmçinin “Məktəbəqədər təhsil müəssisəsinin Nümunəvi Nizamnaməsi”nin təsdiq edilməsi haqqında qərarlarda dəyişikliklər edib.

Müvafiq qərarı baş nazir Novruz Məmmədov imzalayıb.

Dəyişikliklərə əsasən, Azərbaycanda ibtidai təhsil altı yaşdan başlanır. Valideynlərin və ya digər qanuni nümayəndələrin müraciəti ilə hər təqvim ilinin sonunadək 6 yaşı tamam olan uşaqlar da məktəbə qəbul edilirlər.

Məktəbəqədər təhsil müəssisələrində “Təhsil haqqında” Azərbaycan Respublikasının Qanununa uyğun olaraq psixoloji xidmət təşkil olunur. Həmçinin, sanator tipli məktəbəqədər təhsil müəssisələri, eyni zamanda, sağlamlıq imkanları məhdud olan uşaqlar üçün xüsusi məktəbəqədər təhsil müəssisələri yaradılacaq.

Sağlamlıq imkanları məhdud olan uşaqlar üçün xüsusi məktəbəqədər təhsil müəssisələrinə 1 yaşdan 7 yaşadək, körpələr evi-uşaq bağçası – 1 yaşdan 7 yaşadək, uşaq bağçası – 3 yaşdan 7 yaşadək uşaqlar qəbul ediləcəklər.

Sağlamlıq imkanları məhdud olan uşaqlar üçün xüsusi məktəbəqədər təhsil müəssisələrinə uşaqlar sağlamlıq imkanlarının məhdudluğuna və yaş səviyyəsinə uyğun qruplara qəbul olunacaqlar.

Sanator tipli məktəbəqədər təhsil müəssisəsinə 1 yaşdan 7 yaşadək, körpələr evi-uşaq bağçasına 1 yaşdan 7 yaşadək, uşaq bağçasına 3 yaşdan 7 yaşadək uşaqlar qəbul ediləcəklər.

Vərəm infeksiyasının erkən başlanğıc dövrü, kiçik və sönən formalı vərəmli uşaqlar üçün nəzərdə tutulmuş sanator tipli məktəbəqədər təhsil müəssisəsinə uşaqların qəbulu üçün vərəm əleyhinə dispanser, dispanser olmadıqda isə rayon (şəhər) mərkəzi xəstəxanası tərəfindən verilmiş göndəriş tələb olunur.

Həmçinin “Təhsil müəssisələrinin tikintisinə, maddi-texniki təchizatına dair vahid normalar, ümumi sanitariya-gigiyena tələbləri, şagird yerləri ilə təminat normativləri”nin “Təhsil müəssisələrində ümumi sanitariya-gigiyena tələbləri” bölməsində dəyişikliklər edilib.
Prezident “Təhsil haqqında” fərman imzaladı Prezident “Təhsil haqqında” fərman imzaladı Sosial Bu abituriyentlər ali məktəblərə imtahansız qəbul olunacaq - Qanun dəyişdirildi Bu abituriyentlər ali məktəblərə imtahansız qəbul olunacaq - Qanun dəyişdirildi Sosial İlham Əliyev “Təhsil haqqında” qanuna dəyişiklikləri təsdiqlədi İlham Əliyev “Təhsil haqqında” qanuna dəyişiklikləri təsdiqlədi Siyaset Bu hərbi məktəblər xüsusi təyinatlı təhsil müəssisələrinin siyahısından çıxarılıb Bu hərbi məktəblər xüsusi təyinatlı təhsil müəssisələrinin siyahısından çıxarılıb Siyaset Azərbaycanda bir sıra təhsil müəssisələrinin adları dəyişdirildi Azərbaycanda bir sıra təhsil müəssisələrinin adları dəyişdirildi Sosial