9-01-2019, 14:33 Oxunub: 124

Sahibkarlar dövlət yardımından niyə imtina edir? - Özbaşınalıq

Sahibkarlar dövlət yardımından niyə imtina edir? - Özbaşınalıq

















Bir müddətdir ki, sahibkarlığın inkişafı ilə bağlı olaraq kəndlilərə heyvan, mal-qara verirlər.

Dövlət tərəfindən hər adam başına 5500 manatlıq smeta ayrılır və həmin məbləğin dəyərində heyvan verilir.

Ağdam rayon sakinlərinin Yenicag.az-a verdiyi məlumata görə, erkək dana əvəzinə dişi buzov verib zorla da imza çəkdirirlər ki, erkək heyvan veriblər.

Əldə etdiyimiz məlumata görə, bu işlərin başında Ağdam Məşğulluq Mərkəzinin direktoru Elşən Rüstəmov dayanır.

İddiaya görə, Elşən Rüstəmov vətəndaşlardan əvvəlcədən 500 manat istəyir. Onun bu pulu tələb etməsinin səbəbi də belə izah olunur “500 manatı yuxarı verəcəm ki, sənəd təsdiq olunsun və nəticədə sizə heyvan verilsin”.

Şikayətçilərin sözlərinə görə, pulu verən heyvanı götürə bilir. Verməyən isə yox. Bir sözlə “heyvan bazarı” açılıb.

Şikayətçilər bildirir ki, balaca dişi buzovları ətlik dana adına vətəndaşlara verirlər. Verilən 4 heyvandan 2-ni vətəndaş özü seçə bilərsə, digər 2-ni isə özləri verirlər. Məşğulluq Mərkəzinin verdiyi heyvanlardan qazanc əldə etmək isə mümkün deyil.

Rayon sakinlərinin sözlərinə görə, Məşğulluq Mərkəzinin özbaşınalığına görə dövlətin ayırdığı bu yardımdan çoxları imtina edir.

Qeyd edək ki, məsələ ilə bağlı Məşğulluq Mərkəzi ilə dəfələrlə əlaqə saxlamağa çalışsaq da, zənglərimizə cavab verən olmadı.
Ağdamın başçısı Sahil Babayevlə Məşğulluq rəisini necə şantaj etdi? - 5000 manat skandalı... Ağdamın başçısı Sahil Babayevlə Məşğulluq rəisini necə şantaj etdi? - 5000 manat skandalı... Dunya / Bolge Sahil Babayev ağdamlıları sevindirəcəkmi? - Gözlənti Sahil Babayev ağdamlıları sevindirəcəkmi? - Gözlənti Sosial / Dunya Küçələrdə heyvan kəsimində edilən CİDDİ SƏHVLƏR — Əhaliyə xəbərdarlıq Küçələrdə heyvan kəsimində edilən CİDDİ SƏHVLƏR — Əhaliyə xəbərdarlıq Sosial Ya pambıq ək, ya da torpağı təhvil ver - sahibkarlar təhdid edilir Ya pambıq ək, ya da torpağı təhvil ver - sahibkarlar təhdid edilir Bolge Beylaqan heyvan bazarının Dəli Domrulu - Rayon DYP rəisindən şikayət Beylaqan heyvan bazarının Dəli Domrulu - Rayon DYP rəisindən şikayət Bolge