Son bir neçə ildir ki, Azərbaycanda baş verən proseslər əhali tərəfindən təccüblə qarşılanır, maraqla izlənilir. Eldar Mahmudov dəstəsinin ifşasından sonra sonra cəmiyyətimizdə baş verənlər heç də birmənalı qarşılanmır. Cahangir Zeynalovun da dəstəsi ilə birgə Azərbaycan Beynəlxakq Bankından taladığı milyardların üstündə məhkəmə çəkişmələri hələ də davam edir. İndi də,bir neçə vaxtdır ki, bir sıra mətbuat orqanları bəzi dövlət məmurlarının xarici olkələrdə olan mülkləri, biznesləri ilə bağlı silsilə yazılar dərc edir. Bu kimi yazılarda adları hallanan məmurlardan biri də Meliorasiya və Su Təsərrüfaı Açıq Səhmdar Cəmiyyətin sədri Əhməd Əhmədzadədir.

Qeyd etmək istərdik ki, sözügedən şəxs uzun illərdir, 1993-cü ildən bu sahəyə rəhbərlik edir. Bu müddət ərzində, yəni Əhməd Əhmədzadənin bu sahəyə rəhbərliyə başlamasından keçən bu illər ərzində xeyli işlər görülüb. Görülən bu işləri Əhməd Əhmədzadənin rəhbərliyi ilə, müəyyən olunmuş Dövlət Proqramları çərçıvəsində həyata keçirilib. Məlum olduğu kimi son on illər ərzində Prezident İlham Əliyev büdcədən ayrılmış vəsaitlərdən əlavə bu sahənin inkişafı üçün Prezidentin ehtiyyat fondundan da hər il milyonlara vəsait ayırır. Ayrılan bu vəsaitlərin hansı məqsədlərə xərcləndiyini isə təbii ki, Əhməd Əhmədzadə cənablarından yaxşı kimsə bilə bilməz. Bəs bu gün Əhməd Əhmədzadənin ətrafında dolaşanlar nələrdən xəbər verir? Yuxarıda qeyd etdiyimiz kimi bu sahəyə uzun illərdir rəhbərlik edən Əhməd Əhmədzadənin barəsində indiyə qədər hər hansı məlumatın mətbuata sızdırılmasına çox az təsadüf olunurdu. Bəs bu gün Meliorasiya və Su Təsərrüfatı Açıq Səhmdar Cəmiyyətində nələr baş verir? Verilən məlumatlara görə Səhmdar Cəmiyyətdə bu günlər hamı təşviş içindəıdir. Sədrlərinin haqqında indiyidək görmədikləri məlumatlar işçilərin təəccübü ilə yanaşı, marağına da səbəb olub. Görəsən bu işlərin arxasında kimlər durur? Maraqlıdır, Əhməd Əhmədzadənin barəsində yazılanları mətbuata kimlər ötürə bilər? Əldə etdiyimiz məlumatlara görə Əhməd Əhmədzadə isə ona yaxın olan bəzi mətbuat orqanlarının vasitəsi ilə sifarışçi axtarışına çıxaraq, vədlər verib. Görəsən həqiqətənmi cəmiyyət sədri haqqında mətbuata sızdırılan məlumatlar məhz cəmiyyətin işçiləri tərəfindən ötürülüb? Bu bir sıra suallar doğuran bir məsələdir. Bunu kim edə bilər? Bunu etməkdə məqsəd nədir?

Məlum olduğu kimi ötən il ölkədə keçirilmiş prezident seçkilərindən sonra İlham Əliyev Nazirlər Kabinetinin tərkibində bir sıra dəyişikliklər edərək, gənc kadrlardan ibarət yeni komanda formalaşdırmağa başladı. Bu komandanı formalaşdırmaqla İlham Əliyev cəmiyyətə heç kimin toxunulmaz olmadığını bir daha sübut etdi. Uzun ullərdir bir vəzifə başında oturaraq korrupsiyalaşmış dövlət məmurlarına mesaj olan bu addımdan sonra çox şeylər yaxşılığa doğru dəyişməyə başladı. Son vaxtlar bir sıra nazirliklərdə aparılan struktur islahatları da bu qəbildəndir və ölkədə şəffaflığın təmin olunması məqsədi ilə ölkə başçısı tərəfindən atılan mühüm addımlardan biridir. Məlumata görə bu struktur islahatlarınin yeli Meliorasiya və Su Təsərrüfatı Açıq Səhmdar Cəmiyyətini də özü ilə aparacaq. Ona görə də Cəmiyyət divarlarında təşvişə düşənlər çoxdu. Onlar kimlərdir? Səhmdar cəmiyyət sədrinin birinci müavini Məmmədsadıq Quliyev, müavinləri Rafiq Aslanov və Zakir Quliyev. Bu gün onlar Meliorasıya və Su Təsərrüfatı Açıq Səhmdar Cəmiyyətində birincilik uğrunda mübarizəyə başlayıblar.

Məmmədsadıq Quliyev uzun müddətdir bu sahədə çalışır və Dünya Bankının krediti ilə həyata keçirilən Azərbaycanda Suvarma- Drenaj İnfrastrukturunun bərpası və yenidənqurulması layihəsinin həyata keçirilməsi üzrə İşçi Qrupuna və bir sıra mühüm işlərin görülməsinə rəhbərlık etmiş və kifayət qədər kaptala malik biridir.

Dövrü mətbuatın hələ 2015-ci ildə yaydığı məlumatlara görə Zakir Quliyev səhmdar cəmiyyət sədrinin kreslosuna çoxdan göz dikib. Məlumat üçün bildirmək istərdik ki, Zakir Quliyev hazırda çalışdığı vəzifəyə Sabirabad Bəndatma İdarəsindən gəlib. Məlumatlara görə 2010-cu ildə Kür çayının daşması nəticəsində yaranış daşqınlara səbəb məhz Zakir Quliyevin bəndatma işlərində yarıtmaz fəaliyyətinin nəticələridir. Bunlarla yanaşı Zakir Quliyevin doğma rayonunda və Şirvan şəhərində böyük biznes şəbəkələrinin mövcud olduğu da bildirilir.

Rafiq Aslanova gəlincə. O,da meliorasiya və su təsərrüfatı sahəsində çoxdan çalışanlardan biridir? Uzun müddət səhmdar cəmiyyətin iqtisadiyyat, maliyyə və əmək haqqı idarəsinin rəisi vəzifəsində çalışmış Rafiq Aslanovun da cəmiyytdə böyük nüfuza və kifayət qədər kapitala sahib olduğu söylənilir.

Maraqlıdır,görəsən Meliorasiya və Su Təsərrüfatı Açıq Səhmdar Cəmiyyətində Əhməd Əhmədzadə erasına son qoymaq istəyənlər kimlərdir? İndi sözügedən cəmiyyətin divarları arasında ancaq bu kimi məsələlərin müzakirə olunduğu bildirilir. Məlumatlara görə söhbətlər cəmiyyətin yerlərdəki idarələrinə də sirayət edib. Hətta məlumatlara görə səhmdar cəmiyyətin rayon İdarələrinin rəhbərlər də, kimi yanında yer alacaqları barədə baş sındırırlar.
Aktualinfo.org