Vəkil: “Onları güllələmək lazımdır”
Sosial
Oxunub: 413
10 fev 2019 | 11:00
Vəkil: “Onları güllələmək lazımdır”














“Azərbaycan Uşaqlar Birliyinin reinteqrasiya mərkəzinə atılmış üç uşaq daxil olub. Onlardan biri təcavüz qurbanıdır”. Bunu Sputnik Azərbaycan-a Azərbaycan Uşaqlar Birliyinin sədri Kəmalə Ağazadə deyib.

Onun sözlərinə görə, qadın 5-6 yaşlı iki oğlunu dayə yanında qoyub və onların dalınca gəlməyib. Dayə analarını gözləyə-gözləyə uşaqları bir neçə gün öz yanında saxlayıb və sonra polisə müraciət edib. Artıq uşaqların anasının şəxsiyyəti müəyyən edilib – o, Əsgərova Aidə Əli qızıdır. Hazırda Binəqədi rayon Polis İdarəsinin əməkdaşları azyaşlı uşaqları atmış qadının axtarışı ilə məşğul olur.

“Bizdə olan məlumata görə, uşaqların adı Əmrah və Sabirdir. Bu uşaqların anası Gürcüstan vətəndaşıdır. 1994-cü ildə Azərbaycana gəlib və 7 saylı internatda tərbiyə alıb. Qadının psixoloji durumu sabit deyil. Onun şəxsiyyətini təsdiqləyən sənədi, şəxsiyyət vəsiqəsi yoxdur, uşaqlarının da həmçinin. Məlumdur ki, bu uşaqlardan biri Sabunçu rayon xəstəxanasında anadan olub. Ehtimal var ki, uşaqlar fərqli atalardan doğulub. Uşaqların nitqlərində problemlər var, amma danışa bilirlər” – deyə Ağazadə bildirib.

Təşkilatın əməkdaşları Əsgərovanın vətəndaş nikahında yaşadığı ərini axtarıb. Məlum olub ki, Əsgərovanın üç kişidən ümumilikdə altı uşağı var. Uşaqların dördü hazırda qadının vaxtilə vətəndaş nikahında yaşadığı kişidədir. Əsgərova onunla beş il birlikdə yaşayıb.

“Sonuncu atılmış uşaqlar atalarını görəndə çox sevindilər. Hazırda uşaqların reabilitasiyası məsələsi həll edilir. Uşaqların atalarına kömək etməyə və uşaqların anasını tapmağa çalışırıq” – deyə hüquq müdafiəçisi bildirib.

Bu günlərdə Bərdə rayonunda da 1 və 2 yaşlı iki atılmış uşaq tapılmışdı. Artıq rayon icra hakimiyyəti bu uşaqları uşaq evinə yerləşdirib.

Ağazadənin sözlərinə görə, bu gün onların sığınacağında 13 yaşlı bir qız da var. O, yanvar ayında tapılıb. Anası qızı kirayə etdiyi evdə tək qoyaraq gedib və geri qayıtmayıb. Bununla yanaşı, uşaq qonşuluqda yaşayan bir kişi tərəfindən təcavüzə məruz qalıb. Bu həftə Bakı Ağır Cinayətlər Məhkəməsi Bakı sakini İ.Talehlə bağlı hökm çıxarıb. O, azyaşlı qızı və onun 7 yaşlı qardaşını dəfələrlə zorlamaqda ittiham olunub və 15 il müddətinə azadlıqdan məhrum edilib. Hazırda bu cinayətin qurbanı olan qızın 12 yaşı var. Onun 17 və 18 yaşdan yuxarı iki qardaşı da mövcuddur. Onların kiçik qardaşını isə anası özü ilə aparıb.

Hüquq müdafiəçisi Cinayət Məcəlləsinin “ölü” adlandırılan maddələrinə də toxunub. O, təcrübəyə istinad edərək deyib ki, uşaqlarını atan analara qarşı AR Cinayət Məcəlləsinin 143-cü (Təhlükədə qoyma) maddəsi tətbiq edilmir.

Vəkil Elman Osmanov da Sputnik Azərbaycan-a bildirib ki, sözügedən maddə qadınlara münasibətdə tamamilə “ölü”dür. Ola bilsin, bu, bir çox hallarda azyaşlı uşağını atan anaları tapmağın mümkün olmaması ilə bağlıdır.

“Uşaqları zibil yeşiyinə atırlar – bu günahdır. Mən öz təcrübəm ərzində bir dəfə də olsun o maddənin qadınlara şamil edildiyini görməmişəm. Düşünürəm ki, bununla bağlı cəzalar daha da sərtləşdirilməlidir. Uşaqları atanı güllələmək lazımdır” – deyə vəkil bildirib.

Qeyd edək ki, həmin maddəyə görə, “həyat və sağlamlığı üçün təhlükəli vəziyyətdə olan və özünü qorumaq üçün tədbir görmək imkanından məhrum olan şəxsi bilə-bilə köməksiz qoyma, əgər həmin şəxsi köməksiz qoyan onun qayğısına qalmalı idisə və ya onun özü zərərçəkmiş şəxsi həyat və sağlamlığı üçün təhlükəli vəziyyətdə qoyduqda, zərərçəkmiş şəxsə kömək göstərmək imkanı olduğu halda bunu etmədikdə”, min manatdan min beş yüz manatadək miqdarda cərimə və ya bir ilədək müddətə islah işləri və ya altı ayadək müddətə azadlıqdan məhrum etmə ilə cəzalandırılır.

Kəmalə Ağazadə isə deyir ki, sözügedən maddənin işləmə mexanizmi yoxdur, ona görə də işləmir. “Mən öz təcrübəm boyu bir dəfə də görməmişəm ki, uşağını atdığına görə qadını həbsə atsınlar. Bu istiqamətdə ciddi iş aparılmalıdır. Psixoloji problemləri olan qadınlara uşaq doğmaq qadağan edilməlidir. Bizə gətirilən uşaqların əksəriyyəti sağlam deyillər. 15-20 ildən sonra biz problemli gənclər ordusu ilə qarşılaşacağıq” – deyə Ağazadə bildirib.

Hüquq müdafiəçisi daxili miqrasiya probleminə də diqqət çəkib. Qeyd edib ki, hüquq-mühafizə orqanları vətəndaşların qeydiyyatı alındığı və faktiki yaşadığı ərazi ilə bağlı məsələlərə ciddi şəkildə nəzarət etməlidir. Əks təqdirdə, problem həllini tapmayacaq.
Bu gün, 16:00
Azərbaycandan çox şey götürdük, verməyəcəyimizi dedik... - NƏ OLDU?
Bu gün, 15:30
Ermənistanın demarşı: Rusiyanın ikinci cəbhə açmaq imkanı yoxdur - NƏ BAŞ VERİR?
Bu gün, 14:22
Yüz minlərlə azərbaycanlı Rusiyadan geri qayıdır? - NƏ ETMƏLİ?
Bu gün, 13:16
Yaşayış binalarında da parklanma yerləri BAHALAŞDI - Yeni qiymət
Bu gün, 13:00
Şahmar Hüseynov vəzifəsindən azad edildi - YENİ TƏYİNAT
Bu gün, 11:56
Sabah yerimizdə oturacaqlar, qan töküləcək, Azərbaycana qaytarılmalıdır – Andranik Köçəryan
Bu gün, 10:53
"Xəzər Lənkəran"la bağlı şad xəbər - Seçimlərə başlandı
Bu gün, 10:12
“Yaxın günlərdə daha 73 nəfərin adları ictimaiyyətə açıqlanacaq”
Bu gün, 10:08
Azərbaycanda dövlət xadimlərinin həyatına 7 sui-qəsd cəhdi olub - DTX rəhbəri
Bu gün, 10:02
Dünya "Qarabağ"ın ulduzundan danışır: Nələr dedilər? - VİDEO
Bu gün, 10:00
Bahalaşmanın növbəti dalğası gəlir: Evlərin qiyməti yenə artacaq
Bu gün, 09:56
Lənkəranda faciə: Ata və oğul öldü (FOTOLAR)
Bu gün, 09:49
"Crocus"da qəhrəmanlıq göstərən sumqayıtlı: "Onlar məndən üzr istədi"
Bu gün, 09:44
ABŞ və Avropa Birliyi Qafqazda sülhü bloklayır: Qərb Ermənistanın hərbi təxribatlarına dəstək qərarı verib
Bu gün, 09:41
Finlandiya rus oliqarxların Helsinkidəki idman-konsert kompleksini əllərindən alır
Bu gün, 09:39
Xristianlıqla İslamı üz-üzə qoymaq istəyirlər - Kirill
Bu gün, 09:37
Məşhur Azərbaycan filmlərində heyvanlara aktyorlardan çox qonorar verilirmiş
Bu gün, 09:31
Putin: “Rusiya üçün dost olmayan elitalar...”
Bu gün, 09:18
Fransa ordusu Ukraynaya girir - 5 ssenari
Bu gün, 09:00
Solovyov Bakıya şər atmağına “peşman” oldu
Dünən, 16:42
Dördüncü dəfədir ki, bayram tonqalı azad edilmiş Qarabağ torpağında qalanır
Dünən, 16:00
Ermənistan Türkiyənin vilayətinə çevriləcək - Petrosyan
Dünən, 15:30
Ermənistan sərhəddəki kəndi Gürcüstana verir? - “Joğovurd”
Dünən, 14:27
Xocalı şəhərində Şəhidlər xiyabanı salınır
Dünən, 14:22
Zaxarova və Peskov Ermənistana hansı mesajı göndəriblər -ŞƏRH
Dünən, 14:00
"Peysər", "qaşqaldaq" sözlərinə o mənfi mənaları kim yükləyib? - Alimdən etiraz
Dünən, 13:18
Xocalıya ilk köçün tarixi açıqlanıb