Prezident İlham Əliyevin tələbə və doktorantların təqaüdlərinin artırılması ilə bağlı sərəncamları yalnız humanitar deyil, eyni zamanda, ictimai-siyasi müstəvidə də böyük rezonans doğuran, son dərəcə dəyərli qərardır.
Teleqraf.com bildirir ki, bu sözləri Azərbaycan Dillər Universitetinin rektoru, Əməkdar elm xadimi Kamal Abdulla deyib.
Kamal Abdulla bildirib ki, bu sərəncamlar təkcə gənclərin təqaüdünün artırılması, yaxud elmlə məşğul olanların ailə vəziyyətinin yaxşılaşdırılması ilə bağlı deyil, bütövlükdə Azərbaycan dövlətinin, ölkə rəhbərinin öz vətəndaşlarına olan insani münasibətinin nəticəsidir.