24-02-2019, 10:00 Oxunub: 268

Bakı metrosunda nə yeniliklər olacaq? – Baş mühəndis danışdı

Bakı metrosunda nə yeniliklər olacaq? – Baş mühəndis danışdı














Qatarların avtomatlaşdırılmış hərəkəti təmin edilməsə, metro stansiyalarının platformaları ilə qatar yolu arasında metal mühafizə torlarını çəkməyə vəsait ayıraraq bu işlərə xərc çəkməyin səmərəsi olmayacaq.

Bu sözləri Bakı Metropoliteni Qapalı Səhmdar Cəmiyyətinin baş mühəndisi Əlixan Osmanov Trend-ə müsahibəsində metroda görüləcək işlər, açılacaq yeni stansiyalar və yeniliklərlə bağlı danışarkən deyib.

Ə.Osmanovun sözlərinə görə, hələlik bir sıra xarici ölkələrdə metro stansiyalarının platformaları ilə qatar yolu arasında metal mühafizə torları və digər maneələrin yaradılması mümkün deyil:

“Bakı metrosunun 5 xətti olacaq. Sovet dövründə inşa edilən Qırmızı və Yaşıl xətlərin bünövrəsi elə qoyulub ki, stansiyaların platformalarında PSD adlandırılan mühafizə torları quraşdırmaq praktiki cəhətdən çox mürəkkəb məsələdir. Bu xətlər üzrə stansiyaların konstruksiyaları, texniki imkanları həmin metodun tətbiqinə hazırda imkan vermir. Bənövşəyi xətt üzrə inşa edilən stansiyalarda da bunun tətbiqi nəzərdə tutulmayıb. Bu xətdə də stansiyalar açıq tipli olacaq”.

Baş mühəndis bildirib ki, gələcəkdə Mavi və Sarı xətlərin tikintisində ən yüksək texnologiyalardan istifadə olunacaq və Qatar yolu ilə platform arasında maneə də nəzərə alınacaq:

“Mavi və Sarı xətlərdə qatarların avtomatik hərəkəti nəzərdə tutularsa, onda dediyiniz sistemin də tətbiqi mümkün olacaq. Yalnız gələcəkdə maşinistsiz idarəetmə nəzərdə tutularsa, bu sistemlərin də əvvəlcədən quraşdırılması özünü doğrulda bilər. Qatarların avtomatlaşdırılmış hərəkəti təmin edilməsə, vəsait ayıraraq bu işlərə xərc çəkməyin səmərəsi olmayacaq. Ümumən, məsələnin həm qatarlar, həm stansiyalar, həm də sistemlərin tətbiqi baxımından bir sıra digər mürəkkəb texniki cəhətləri var”.
Əhaliyə şad xəbər: Bakıda yeni metro stansiyaları istifadəyə veriləcək — RƏSMİ AÇIQLAMA Əhaliyə şad xəbər: Bakıda yeni metro stansiyaları istifadəyə veriləcək — RƏSMİ AÇIQLAMA Sosial “Bakı Metropoliteni” gələn il 50 yeni vaqon alacaq “Bakı Metropoliteni” gələn il 50 yeni vaqon alacaq Iqtisadiyyat Bakı metrosunda qatar tuneldə qaldı Bakı metrosunda qatar tuneldə qaldı Hadise Metropolitendən açıqlama — Metroda hərəkət tam bərpa olundu (YENİLƏNİB) Metropolitendən açıqlama — Metroda hərəkət tam bərpa olundu (YENİLƏNİB) Sosial Metroda qatarların hərəkətində problem yaranıb Metroda qatarların hərəkətində problem yaranıb Hadise