Tural-A” MTK sədri Zaur Bayramovla bağlı olduqca ciddi ittihamların yer aldığı bir şikayət məktubu daxil olub. Həmin məktubu olduğu kimi təqdim edir:
“2009-cu ildə Quliyev Bəhruz Şakir oğlu ilə Bayramov Zaur arasında podrat muqaviləsi bağlanıb. Qardaşım Bəhruz və qaynatası Mirzəyev Fuad binani tikib onlara təhvil verib, əvəzində binadan müəyyün kvadratlıq sahə almalı idilər. Binanı qardaşımla qaynatası 9-cu mərtəbəsinə kimi tikib, başa çatdırır.
Sonradan Zaur Bayramovun qardaşı Vidadi Bayramov qardaşımla qaynatasını şərləyərək işdən uzaqlaşdırıb və gördükləri işin haqqını verməyiblər.
2015-ci ildə bu məsələ ilə bağlı bütün məhkəmə instansiyalarının qərarı ilə Quliyev Bəhruz Şakir oğluna “Tural-A” MTK-dan 1778 kv verilməsi qərarı cıxıb və Xətai rayon icra şöbəsinə yönəldilib.
2015-ci ildən bu günə kimi hələ də icra olunmayib. Müxtəlif bəhanələr gətrilərək, gah evlərin satılmasını, gah da icrası mümkün olunmaması deyilib.
Bunu da Xətai rayon Baş icra məmuru Rövşən Ağayev edib. Səbəb də qardaşımdan pul istəməsi olub. Əvəzində Vidadi Bayramov Rövşənə istədiyini verib icranı xeyrinə həll edib”.

Qeyd edək ki, narazı vətəndaş DİA.AZ-a yetərli sənədlər və faktlar da təqdim edib. Həmin materiallar əsasında daha geniş bilgiləri yaxın vaxtlarda – qarşı tərəfin də rəyini öyrənərək təqdim edəcəyik.

Narazı vətəndaş isə DİA.AZ-a müraciətində əlavə edir: “Qardaşım Quliyev Bəhruz Şakir oğlu hal-hazırda Kürdəxanı təcridxanasındadır. Bu məsələ ilə bağlı qaynatası Mirzəyev Fuad elə türmədəcə öldü, dözə bilmədi, ürəyipartladı”.

Daha geniş materialı və sənədləri yaxın vaxtlarda təqdim edəcəyik. Bizi izləyin...