10 “ölü can”, kotlet məsələsi və korrupsiya- Esmira Behbudova haqda şikayətlər var

Siyasət meydanının 10 nömrəsi... - Hər vurduğu qol olur...

Fransanın Qafqaz planı iflasa uğrayır: Parisin Bakıya təzyiq cəhdləri boşa çıxır

İlham Əliyev “Bələdiyyələrin statusu haqqında” qanuna dəyişiklikləri təsdiqləyib

İlham Əliyev: “Şirvan suvarma kanalı istifadəyə veriləndən sonra Hacıqabul gölü də dolacaq”

Yuxarı Qarabağ suvarma kanalının adı dəyişdirilərək yenidən qurulacaq

İlham Əliyev Gəncədə Ekoloji Park Kompleksinin tikintisi ilə tanış olub - YENİLƏNİB

İlham Əliyev Ramazan bayramı münasibətilə Azərbaycan xalqını təbrik edib

Bir sıra məhkəmələrə sədr və hakimlər təyin edilib - SƏRƏNCAM

10 “ölü can”, kotlet məsələsi və korrupsiya- Esmira Behbudova haqda şikayətlər var

Sosial

Oxunub: 1 158

20 mar 2019 | 21:14

Son zamanlar sanki bağça müdirləri arasında “rüşvət yığma yarışı” start götürüb və təəssüflər olsun ki, bu hal əksər uşaq bağçalarında hökm sürməkdədir.

Azerinfo.az bildirir ki, ən çox şikayət edilən və mətbuatda tənqid olunan bağçalardan biri Sumqayıtdakı 11 saylı uşaq bağçası. Buranın müdirəsi Esmira Behbudova haqda KİV-lərdə xeyli məlumat gedib ki, onlardan bir neçəsini xatırlayaq.

Xəbərlə.com-a açıqlamasında bağçanın müdiri Esmira Behbudovadan şikayətçi olan valideyn deyib: "Müdirə bağçaya 5-6 aydır ki, gəlib. Gələndən ancaq pul yığmaqla məşğuldur. Əvvəl bizdən bağçanı təmir eləmək adıyla pul yığdı. İndi isə yemək pulu adıyla hər valideyndən 20 AZN pul tələb edir. Valideynlər yığışıb şikayət etdik ki, axı Sumqayıt şəhər İcra Hakimiyyəti sizi yeməklə təmin edir. Dedi ki, hansı valideyn 20 AZN verməsə, onun övladına kotlet verməyəcəm. Dedik ki, axı uşaqdırlar, gözləri görür, baxıb şişə bilərlər. Qayıtdı ki, lap cəhənnəmə! Sonra bir valideyn söylədi ki, 20 AZN çoxdur, ona qarşılıq olaraq dedi ki, yarısı cibimə gedəcək. Övladlarımız ac qalmasın deyə məcburən pulu veririk, ancaq bu, qanunsuzdur. Özünə də demişik ki, şikayət edəcəyik. Deyir, kimə şikayət etmək istəyirsinizsə,edin”.

Valideynlərin dediyinə görə, müdir avtomobilini düz bağçanın həyətinə sürür. Halbuki qərar çıxmışdı ki, maşını bağça və məktəblərin həyətlərinə müəyyən məsafədə saxlamaq lazımdır. Bundan başqa qrupda əslində 20-22 uşaq olmalıdır, ancaq o bağçada qrupa 38 nəfər yığılıb. Uşaqlar yatmağa, oturmağa yer tapmırlar. Bağça ilə maraqlanmır. Ondan çox valideyn şikayətçidir. Siz deyin, axı uşaqlara "cəhənnəmə ağlasın” demək hansı pedaqogikaya sığır?! 7-8 valideyn yığışıb Sumqayıt Şəhər İcra Hakimiyyətinə şikayətə gedəcəyik.

Adının çəkilməsini istəməyən digər valideyn isə bunları qeyd edir:

"O müdirə hər ay valideynlərdən 25 AZN pul tələb edilir. 20 AZN yemək pulu, 5 AZN isə fond pulu üçün. Pul verən valideynlərin uşaqları üçün ayrı menyu verilir, pul verməyənlər üçün isə ayrı. Valideyni pul verməyən uşaqlar adi sup və kaşa ilə qidalanırlar. Belə biabırçılıq olmaz, uşaqlara necə fərq qoymaq olar?! Həm də direktor özü gəlib qruplara nəzarət edir ki, pul verənlər yaxşı menyuya uyğun, pul verməyənlər adi yeməkləri yesinlər". Aylıq ödəniş qarşılığında uşaqlara təklif olunan sözügedən menyunu də əldə eləmişik.

Qeyd edək ki, 11 saylı bağça ilə bağlı şikayətlər bununla da bitmir. Sözügedən bağçanın uşaqların götürülməsi üçün valideynlərdən pul istənilməsi haqqında da şikayətlər olunur. Həmin şikayətlərə inansaq, övladının o bağçaya getməsini arzulayan valideyn azı 400-700 manat pulundan keçməlidir. Sumqayıt şəhər 5-ci mikrorayon ev 15/132-də yaşayan Əlimərdanov İsrafil Hətəm oğlu 11 saylı bağçanın rəhbərindən çox gileylənir. O hətta bu barədə Sumqayıt Şəhər İcra Hakimiyyətinin başçısı Zakir Fərəcova da məktub ünvanlayıb.

Azerinfo.az-a daxil olan məlumatda deyilir ki, Esmira Behbudova əvvəllər Abşeron rayonunun Saray qəsəbəsindəki 2 nömrəli tam orta məktəbin direktoru olub. Yoxlamaların birində onun 10 “ ölü can” saxladığı və bu şəxslərin adına olan kartdan hər ay dövlət pulunu mənimsədiyi üzə çıxıb. Bundan sonra onu işdən çıxarıblar. Bu hadisə 2017-ci ildə olub. Az keçmiş onu Sumqayıtda işlə təmin ediblər.

Bu məlumatlarla bağlı 11 saylı bağçaya zəng etdik. Özünü müavin kimi təqdim edən xanım dedi ki, məlumatlara Esmira Behbudova özü aydınlıq gətirə bilər. Telefon nömrələrimizi alsalar da zəng etmədilər. Qarşı tərəfi hələ də dinləməyə hazırıq.

P.S. Verilən məlumatda bildirilir ki, 11 saylı bağçanın rəhbəri Esmira Behbudova Sumqayıt Şəhər İcra Hakimiyyətinin başçısı Zakir Fərəcovla yaxın münasibəti var.

Daha ətraflı növbəti sayımızda

Qarşı tərəfin də mövqeyini dərc etməyə hazırıq.