24-04-2019, 18:46 Oxunub: 336

Kimlərə birdəfəlik maddi yardım veriləcək? — Açıqlama

Kimlərə birdəfəlik maddi yardım veriləcək? — Açıqlama















Prezident İlham Əliyevin İkinci Dünya Müharibəsi iştirakçılarına və digər müvafiq şəxslərə birdəfəlik maddi yardım verilməsi barədə sərəncamı 9300-dən çox şəxsə şamil olunacaq.
Bu barədə Əmək və Əhalinin Sosial Müdafiəsi Nazirliyi məlumat yayıb.

Məlumatda deyilir ki, onlardan 400-dən artıq vətəndaş 1941-1945-ci illərdə İkinci Dünya müharibəsində iştirak etmiş şəxslərdir ki, onların hər birinə 1000 manat məbləğində birdəfəlik maddi yardım ödəniləcək.

Qalan şəxslər isə həlak olmuş və ya sonralar vəfat etmiş döyüşçülərin dul arvadları, həmin dövrdə arxa cəbhədə fədakar əməyinə görə orden və medallarla təltif edilmiş şəxslər, döyüş cəbhələrinin arxa hüdudları, yaxud döyüşən donanmaların əməliyyat zonaları daxilində ordunun və donanmanın mənafeyi üçün tapşırıqları yerinə yetirmiş xüsusi birləşmələrin işçiləri, Leninqrad şəhərinin müdafiəsinə görə müvafiq medal və döş nişanı ilə təltif edilmiş şəxslər, habelə Leninqrad şəhərinin mühasirəsi iştirakçılarıdır.
Sərəncamla onların hər birinə 500 manat məbləğində birdəfəlik maddi yardım verilməsi təmin ediləcək.

Sərəncamla birdəfəlik maddi yardımların ödənilməsi üçün Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan beş milyon manat ayrılıb.

Əmək və Əhalinin Sosial Müdafiəsi Nazirliyi tərəfindən Sərəncamın icrası təmin edilməklə, birdəfəlik maddi yardım İkinci Dünya Müharibəsi iştirakçılarının və digər müvafiq şəxslərin bank hesablarına köçürüləcək.
Bu şəxslərə 500 manat birdəfəlik maddi yardım veriləcək – SƏRƏNCAM Bu şəxslərə 500 manat birdəfəlik maddi yardım veriləcək – SƏRƏNCAM Sosial Azərbaycan prezidenti İlham Əliyevdən Sevindirici xəbər - Rəsmi Azərbaycan prezidenti İlham Əliyevdən Sevindirici xəbər - Rəsmi Sosial Müharibə veteranlarına birdəfəlik maddi yardım veriləcək - Prezident sərəncamı Müharibə veteranlarına birdəfəlik maddi yardım veriləcək - Prezident sərəncamı Siyaset Ərsiz qadınlara birdəfəlik aylıq pul veriləcək! Siyahı dəqiqləşdirilir Ərsiz qadınlara birdəfəlik aylıq pul veriləcək! Siyahı dəqiqləşdirilir Iqtisadiyyat Prezident onların hər birinə pul ayırdı - 500 və 1000 manat... Prezident onların hər birinə pul ayırdı - 500 və 1000 manat... Siyaset