Son zamanlar Dövlət Gömrük Komitəsi sistemindən narazılıqların artması, bu xarakterli şikayətlərin isə DGk rəhbərliyi tərəfindən az qala qulaqardına vurulmasına "yuxarılar" heç də səbirlə yanaşmaq niyyətində deyillər. Bu barədə DİA.AZ-a mötəbər mənbələrdən informasiya daxil olub.

Xatırladaq ki, özünün son müsahibələrində Səfər Mehdiyev DGK-dan olan şikayətlərə qəribə bir reaksiya verərək, narazılıqların onları ruhlandırdıqlarnı bildirib. Hər halda DGK sədri bu yolla narazılığa səbəb olan məqamlara aydınlıq gətirmək əvəzinə DGK-dakı eybəcərliklərin işıqlandırılmasının onlara qarşı kampaniya kimi xarakterizə etməklə iz azdırmağa çalışır ki, bu da gərəkən qurumların diqqətindən yayınmayıb.

Mənbə dia.az-a bildirir: "Səfər Mehdiyevin "əskisi zatən tüstülü idi" və son gərginliklər fonunda ona əlavə bir ay vaxt verilib. Hər halda bu bir ayda nələrisə dəyişmək imkansızdır. Çünki gömrükdəki hazırki neqativ mənzərə əslində Səfər Mehdiyevin şəxsi keyfiyyətlərinin təzahürüdür. Yəni məsələ onun şəxsindədir və o, xarakterini dəyişməyəcəyindən gömrükdə islahatlardan da danışmaq mümkün olmayacaq".

Mənbə bildirir ki, məhz bu səbəbdən DGK ilə bağlı yaxın vaxtlarda konkret qərarların verilməsi gözlənilir.

Xatırladaq ki, yayılan məlumatlarda ya DGK-nn ləğv edilərək Vergilər Nazirliyinə tabe etdirilməsi, ya da DGK-da köklü kadr islahatlarının aparılacağı qeyd olunur.