25-03-2020, 22:06 Oxunub: 88

Yol polisi: Karantin rejimini pozanlar məsuliyyətə cəlb ediləcəklər

Yol polisi: Karantin rejimini pozanlar məsuliyyətə cəlb ediləcəklər


DİN Baş DYP İdarəsi hərəkət iştirakçılarına müraciət edib.
Müraciətdə deyilir:

Ölkədə karantin rejimi elan olunmasının ikinci günü olmasına baxmayaraq, təəssüflər olsun ki, respublikanın avtomobil yollarında, xüsusilə də cənub istiqamətində nəqliyyatın hərəkət intensivliyinin hələ də yüksək olması, eləcə də Bakı, Sumqayıt şəhərlərində və Abşeron rayonunda qeydiyyatda olan şəxslərin idarə etdiyi 2 000-dək, rayonlardan isə paytaxt istiqamətinə gələn 1 200-dək minik avtomobillərinin geri qaytarılması faktı bəzi vətəndaşların tətbiq edilmiş karantin rejiminin ciddiliyini nəzər almamalarını göstərir.

Həmin sürücü və sərnişinlərlə profilaktiki söhbət aparılsa da geri qaytarılmış şəxslər postlardan təkrar keçməyə cəhd göstərir, əsassız bəhanələr gətirməklə postlarda sıxlıq yaranamsına səbəb olur, keçidinə icazə verilmiş digər nəqliyyat vasitələrinin hərəkətinə maneə yaradırlar.

Həmçinin Nazirlər Kabineti yanında Operativ Qərargah tərəfindən infeksiyanın yayılma ehtimalının minimuma endirilməsi məqsədilə ölkə vətəndaşlarının qeydiyyat yerindən asılı olmayaraq evdə qalmaları tövsiyə olunsa da Bakı, Sumqayıt şəhərlərində və Abşeron rayonunda qeydiyyatı olmayan şəxslərin uzun məsafə qət edərək həmin ərazilərə daxil olmaq niyyəti ilə paytaxt istiqamətinə gəlmələri, habelə həmin rayon və şəhər sakinlərinin də rayonlara getmək istəyi yalnız onların özlərinin və sərnişinlərinin əziyyət çəkməsi, lüzumsuz vəsait xərclənməsi və geriyə qayıtmaq məcburiyyətində qalmaları ilə nəticələnir.

Qeyd olunan halların qarşısının alınması məqsədilə Baş DYP İdarəsi bir daha hərəkət iştirakçılarından xahiş edir ki, istər paytaxt, istərsə də rayon istiqamətinə getmək istəyən şəxslər qəbul olunmuş qaydalara riayət etsinlər. Əks təqdirdə karantin rejimini pozan sürücü və sərnişinlər qanunvericiliklə nəzərdə tutulmuş qaydada məsuliyyətə cəlb ediləcəklər.
250 avtomobil Bakı istiqamətinə geri qaytarıldı — Cəmi 11 saata 250 avtomobil Bakı istiqamətinə geri qaytarıldı — Cəmi 11 saata Sosial Xüsusi karantin rejimində bu şəxslərin Bakıya girişinə icazə veriləcək — RƏSMİ AÇIQLAMA Xüsusi karantin rejimində bu şəxslərin Bakıya girişinə icazə veriləcək — RƏSMİ AÇIQLAMA Sosial Rayondan gələn maşınlar geri qaytarıldı — RƏSMİ AÇIQLAMA Rayondan gələn maşınlar geri qaytarıldı — RƏSMİ AÇIQLAMA Sosial Bakı, Sumqayıt və Abşerona giriş məhdudlaşdırıldı Bakı, Sumqayıt və Abşerona giriş məhdudlaşdırıldı Sosial DYP sözçüsü: “Bakı maşınları rayonlara gedib qayıda biləcək” DYP sözçüsü: “Bakı maşınları rayonlara gedib qayıda biləcək” Sosial