26-03-2020, 21:41 Oxunub: 124

Azərbaycanda 200 məhkum azadlığa buraxıldı

Azərbaycanda 200 məhkum azadlığa buraxıldı


Ölkəmizdə qlobal pandemiyanın qarşısının alınması məqsədilə Ümumdünya Səhiyyə Təşkilatının və Nazirlər Kabineti yanında Operativ Qərargahın tövsiyələrinə uyğun olaraq Ədliyyə Nazirliyi tərəfindən zəruri qabaqlayıcı tədbirlər, o cümlədən dezinfeksiya işləri davam etdirilir.
Ədliyyə Nazirliyi xəbər verir ki, Penitensiar və tibb xidmətləri gücləndirilmiş iş rejiminə keçərək, məhkum və təqsirləndirilən şəxslərin yaxınları ilə görüşləri və sovqatların ötürülməsi məhdudlaşdırılıb, bütün əməkdaşların və məhbusların sağlamlığı daim nəzarətdə saxlanılmaqla gündəlik tibbi müayinəsi, termometriyası aparılır.

"Hazırda onların səhhəti normaldır və heç bir ciddi xəstəlik müəyyən edilməyib.

Bu sahədə vəziyyət nazirliyin aidiyyəti məsul işçilərindən və vətəndaş cəmiyyətinin nümayəndələrindən ibarət monitorinq qrupu tərəfindən mütəmadi öyrənilir, habelə məhkum və həbs olunmuş şəxslərin qidalanmasına, ərzaqla təminatına, onların çeşidinə və keyfiyyətinə gündəlik nəzarət olunur. Eyni zamanda, dövlətimizin humanizm siyasətinin təzahürü olaraq məhkumları cəzadan şərti olaraq vaxtından əvvəl azadetmə və daha yüngül rejimli müəssisəyə keçirmə institutunun tətbiqi diqqətdə saxlanılaraq bu məqsədlə yaradılmış nazirliyin xüsusi Komissiyası bayram günlərində də fəaliyyətini davam etdirib, video-konfrans vasitəsilə virtual qaydada keçirilən iclaslarda məhkumların işləri öyrənilib, özləri ilə söhbətlər aparılıb və qanunvericiliyin tələblərinə cavab verən şəxslər barədə materiallar dərhal məhkəməyə təqdim olunub.

Məhkumların hüquqlarının qorunması məqsədilə növbətçi hakimlər tərəfindən həmin işlərə təxirəsalınmadan baxılaraq 200 məhkum azadlığa buraxılıb. Bayram günlərində öz ailələrinə qovuşan məhkumlar və onların yaxınları tərəfindən bu humanist institutun tətbiqi böyük sevinclə və dövlətə minnətdarlıq hissi ilə qarşılanıb. Ədliyyə Nazirliyi tərəfindən bu istiqamətdə tədbirlər davam etdirilir", - deyə məlumatda qeyd olunub.
Bu gündən ölkədə kütləvi tədbirlər bir ay müddətinə təxirə salınır — RƏSMİ Bu gündən ölkədə kütləvi tədbirlər bir ay müddətinə təxirə salınır — RƏSMİ Sosial Azərbaycanda COVID-19-a görə karantindən buraxılanların sayı açıqlandı — RƏSMİ Azərbaycanda COVID-19-a görə karantindən buraxılanların sayı açıqlandı — RƏSMİ Hadise İlham Əliyevdən VACİB TAPŞIRIQ – Nazirlər Kabineti də TƏCİLİ TOPLANDI İlham Əliyevdən VACİB TAPŞIRIQ – Nazirlər Kabineti də TƏCİLİ TOPLANDI Siyaset Bakıda həbsxanalarda məhkumlara qarşı zorakılıq edilib? – PX-dən açıqlama Bakıda həbsxanalarda məhkumlara qarşı zorakılıq edilib? – PX-dən açıqlama Kriminal Penitensiar xidmət: Leyla Yunus həbsxanada dava salır Penitensiar xidmət: Leyla Yunus həbsxanada dava salır Gundem