27-03-2020, 14:14 Oxunub: 109

BNA-dan xəbərdarlıq — “Müntəzəm marşrut xətlərinin fəaliyyəti dayandırıla bilər”

BNA-dan xəbərdarlıq — “Müntəzəm marşrut xətlərinin fəaliyyəti dayandırıla bilər”


“Xüsusi karantin rejimində müntəzəm marşrut xətləri üzrə daşınan sərnişin sayı 60-70 faiz azalıb”.
Bu barədə Oxu.Az-a Bakı Nəqliyyat Agentliyinin (BNA) Mətbuat Xidmətinin rəhbəri Mais Ağayev məlumat verib.

Onun sözlərinə görə, sərnişin sayının azalmasına baxmayaraq, gündəlik reysə çıxan avtobusların sayı azaldılmayıb:

“Daşıyıcılara avtobuslararası intervalın mövcud epidemik vəziyyət nəzərə alınmaqla tənzimlənməsi ilə bağlı göstəriş verilib. Məqsəd ilk növbədə dövlət əhəmiyyətli, həyat təminatlı obyektlərdə, həmçinin digər vacib xidmət sahələrində çalışan vətəndaşlarımızın ictimai nəqliyyatla daşınmasını təmin etməkdir.

Lakin təəssüflə qeyd edirik ki, bəzi sərnişinlər xüsusi karantin rejimi qaydalarına və tövsiyələrinə əməl etməyərək, zərurət olmadığı halda belə evdən çıxırlar. Nəticədə səhər və axşam saatlarında bəzi istiqamətlər üzrə avtobuslarda sərnişin sıxlığı müşahidə olunur. Bu isə fəaliyyəti hər birimiz üçün vacib olan şəxslərin sağlamlığına təhlükə yaradır və virusa yoluxma riskini artırır”.

M.Ağayev onu da əlavə edib ki, mövcud vəziyyət müntəzəm marşrut xətləri ilə bağlı əlavə məhdudiyyətlərin tətbiq edilməsinə gətirib çıxara bilər:

“Belə olacağı halda müntəzəm marşrut xətlərinin fəaliyyəti tamami ilə dayandırılacaq və sərnişindaşımaları yalnız müəyyən istiqamətlər üzrə hərəkət edən ekspress xətt avtobusları ilə həyata keçiriləcək. Bir daha vətəndaşlardan xahiş edirik ki, zərurət olmadığı halda evlərini tərk etməsinlər. Onların sağlamlığı və rahatlığı üçün tətbiq edilən qayda və tövsiyələrə əməl etsinlər”.
Qaydalara riayət etməyən marşrut avtobusu — Sərnişinlər basabasla daşınır - VİDEO Qaydalara riayət etməyən marşrut avtobusu — Sərnişinlər basabasla daşınır - VİDEO Hadise Daha bir marşrut xətti üzrə avtobuslar yeniləndi Daha bir marşrut xətti üzrə avtobuslar yeniləndi Sosial Bakıda avtobusların sayının azaldılması narazılığa səbəb oldu – VİDEO Bakıda avtobusların sayının azaldılması narazılığa səbəb oldu – VİDEO Sosial Bakı metrosu işləməyəcək, avtobuslar pulsuz xidmət göstərəcək Bakı metrosu işləməyəcək, avtobuslar pulsuz xidmət göstərəcək Sosial Artıq bu marşrut üzrə xəttə Artıq bu marşrut üzrə xəttə "BakuBus" avtobusları işləyəcək - FOT Sosial