30-05-2020, 22:22 Oxunub: 187

Vasif İsmayıl: “Toy və yas mərasimlərinə uzun müddət icazə verilməyəcək”

Vasif İsmayıl: “Toy və yas mərasimlərinə uzun müddət icazə verilməyəcək”


“Yay aylarında qrip infeksiyalarının intensivliyi həqiqətən də aşağı düşür. Amma bu, o demək deyil ki, virus tamamilə ortadan qalxacaq”.
Bu sözləri uzman həkim Vasif İsmayıl havaların istiləşməsi ilə koronavirusa yoluxma hallarının aradan qalxa biləcəyi ehtimalına aydınlıq gətirərkən deyib.

Həkim bildirib ki, “İstilər düşdüyü zaman virusun zəifləməsi mexanizmi fərqlidir. Yəni bu, hava isindiyi üçün virus öləcək deyə bir şey deyil. Bu, ondan irəli gəlir ki, isti aylarda insanlar daha çox hərəkət edirlər, özlərini daha yaxşı hiss edilər ki, bu da onların immun sistemini möhkəmləndirir. Ona görə də biz deyirik ki, virusun sürəti aşağı düşəcək. Amma gördüyünüz kimi virus elə də aradan qalxmayıb. Yenə də yoluxmalar davam edir”.

V.İsmayıl yoluxma hallarının artmasını nəzərə alaraq, virusdan qorunma ilə bağlı indiyə qədərki tövsiyələrə ciddi şəkildə əməl edilməsinin vacibliyini bir daha vurğulayıb:

“Əminliklə bildirirəm ki, virus haradasa bir il belə davam edəcək. Ona görə də insanlar mütləq şəkildə sosial məsafəni qorumalı və gigiyenik qaydalara əməl etməlidirlər.

İnsanlar həmçinin düzgün qidalanmalı, mütləq şəkildə meyvə-tərəvəz balansına fikir verməlidirlər. Çoxlu su içmək isə həmişə məsləhətlidir”.

İnsanların mütləq şəkildə kütləvilikdən kənar olmalarını tövsiyə edən həkim toy və yas mərasimləri ilə bağlı fikirlərini də açıqlayıb:

“Toy və yas mərasimlərinə uzun müddət icazə verilməyəcək. İnsanlar bunu bilsinlər. Ola bilsin ki, müəyyən qaydalar və məhdudiyyətlərlə bu, baş tutsun. Amma mən inanmıram ki, bir müddətə qədər buna icazə verilsin. Çünki belə məclislər ən kütləvi yoluxma şəkillərindən biridir”.
Azərbaycanın baş infeksionistindən — CİDDİ XƏBƏRDARLIQ Azərbaycanın baş infeksionistindən — CİDDİ XƏBƏRDARLIQ Sosial “Aprelin 20-dən sonra karantini ləğv etmək tezdir” “Aprelin 20-dən sonra karantini ləğv etmək tezdir” Medeniyyet Azərbaycanda 12 nəfər koronavirusdan ölüb? – RƏSMİ AÇIQLAMA Azərbaycanda 12 nəfər koronavirusdan ölüb? – RƏSMİ AÇIQLAMA Sosial Azərbaycanda təhlükəli qrip var? – Səhiyyə Nazirliyinin cavabı Azərbaycanda təhlükəli qrip var? – Səhiyyə Nazirliyinin cavabı Sosial Azərbaycanda yayılan virusun adı açıqlandı - 4 həftə davam edir, heç bir türkəçarə kömək etmir Azərbaycanda yayılan virusun adı açıqlandı - 4 həftə davam edir, heç bir türkəçarə kömək etmir Hadise