19-10-2020, 22:33 Oxunub: 480

Müharibədən sonra erməni təxribatı: - Qarşısı necə alınacaq?

Müharibədən sonra erməni təxribatı: - Qarşısı necə alınacaq?


“Müharibə bitəndən sonra dərhal əmin-amanlıq yaranmayacaq. Tam təhlükəsizlik, sülh və digər bu kimi məsələlər gələcəyin problemidir. Hətta torpaqlarımızı azad edəndən sonra ermənilər yenə də dinc dayanmayacaq və Azərbaycanın təhlükəsizliyini pozmaq üçün müxtəif terror aktlarına əl ata bilərlər. Bununla xüsusi məşğul olan dairələr və qruplar var”.

Bu fikirləri Cebhe.info-ya açıqlamasında politoloq Fikrət Sadıqov müharibə bitəndən sonra Ermənistanın mümkün təxribatlarından danışarkən deyib.

O qeyd edib ki, hansısa bir sazişə imza atacağıqsa, mütləq qarant və təhlükəsizliyimizi təmin edəcək ölkələr bununla məşğul olmalıdır:

“Müqavilədə şərtlər yer almalıdır və orada konkret əks olunmalıdır ki, Ermənistan Azərbaycanın ərazi bütövlüyünü pozsa və yaxud hansısa hərəkətlər etsə, müəyyən tədbirlər görülməlidir. Bunların hamısı kompleks şəkildə müqavilədə öz əksini tapmalıdır. Amma təbii ki, bu da bizi tam sığortalamır. Çünki bir çox məsələlər bizdən, ayıq-sayıq olmağımızdan, təhlükəsizliyimizi təmin etmə dərəsəcəsindən asılıdır ki, buna hələ uzun müddət vaxt lazım olacaq”.

Politoloq Ermənistanın illərdir özünü yazıq ölkə olaraq təqdim etdiyini və uydurmalarla dünyaya çıxdığını vurğulayıb:

“Guya 100 il əvvəl onlara qarşı “soyqırım” aktı edilən bir xalq kimi özlərini dünyaya tanıdırlar. Bu, o deməkdir ki, Ermənistanın bu hərəkətləri bundan sonra da davam edəcək. Biz hərbi müstəvidə öz sözümüzü deyirik və deyəcəyik. Öz torpaqlarımızı birmənalı olaraq azad etməliyik. Əlbəttə ki, dövlətlər, Minsk Qrupu həmsədrləri seyrçi mövqedə qalıbsa, ərazi bütövlüyümüzü bərpasına və torpaqlarımızı azad etməyə tam əsasımız var. Bununla yanaşı, diplomatik müstəvidə hücumedici addımlarımızı davam etdirməliyik. İnformasiya təbliğat mexanizmini daha da gücləndirməli, digər dövlətlərə və beynəlxalq təşkilatlara bu faktları çatdırmalıyıq. Eləcə də, diaspor təşkilatlarımız bu istiqamətdə güclü fəaliyyət göstərməlidir. Bizə dava-dalaş lazım deyil. Mütəmadi və sistemli şəkildə informasiya təbliğat maşınını gücləndirməklə konfranslar, tədbirlər keçirməli, aparacı dövlətlərin beyin mərkəzlərində fəaliyyətimizi aktivlışdirməliyik”.
Erməni təxribatı: Erməni təxribatı: "Müharibə hər an başalaya bilər!" — VACİB XƏBƏR! Siyaset İrəvan Bakıya qarşı silahlanır: Lokal müharibə hazırlığı… İrəvan Bakıya qarşı silahlanır: Lokal müharibə hazırlığı… Siyaset Millət vəkilləri Dağlıq Qarabağ münaqişəsinin hərb yolu ilə həllindən danışdılar Millət vəkilləri Dağlıq Qarabağ münaqişəsinin hərb yolu ilə həllindən danışdılar Siyaset Fəzail Ağamalı: “Müharibə olarsa, Ermənistanın bir dövlət kimi yaşayıb-yaşamaması ciddi sual doğuracaq” Fəzail Ağamalı: “Müharibə olarsa, Ermənistanın bir dövlət kimi yaşayıb-yaşamaması ciddi sual doğuracaq” Siyaset Rəsmi Bakıdan Ermənistanın cəbhə bəyanatlarına — REAKSİYA Rəsmi Bakıdan Ermənistanın cəbhə bəyanatlarına — REAKSİYA Siyaset