14-10-2015, 08:37 Oxunub: 716

Məscidin sökülməsinə rəsmi reaksiya

Məscidin sökülməsinə rəsmi reaksiya

















Dini Qurumlarla İş üzrə Dövlət Komitəsi Şəmkir rayonunda məscid tikintisinin dayandırılması məsələsinə aydınlıq gətirib

Qurumun mətbuat xidmətindən verilən məlumata görə, Şəmkir rayonu, Zəyəm kəndində məscid tikintisinə icazə verilməsi və ya bu məqsədlə torpaq sahəsi ayrılması ilə bağlı indiyədək Dini Qurumlarla İş üzrə Dövlət Komitəsinə heç bir müraciət daxil olmayıb. Eyni zamanda, Zəyəm kəndinin hansısa sakini öz həyətyanı sahəsində və ya pay torpağında ibadət evinin tikintisinə icazə verilməsi ilə bağlı fərdi qaydada Dövlət Komitəsinə müraciət etməyib. Buna görə də, yerli icra hakimiyyəti orqanı haqlı olaraq qanunauyğun şəkildə tikintini dayandırıb.
Dövlət Komitəsindən verilən məlumatda bildirilir ki, istənilən obyektin, o cümlədən dini ibadət yerinin tikintisi mövcud qanunvericilik əsasında aparılmalıdır. Bu, hüquq məsələsi olmaqla yanaşı, həm də mənəviyyat, halallıq məsələsidir. Dini ibadət yerinin tikintisinin və mövcud dini ibadət yerinin yenidən qurulmasının (bərpasının, əsaslı təmirinin) məqsədəuyğunluğu barədə rəy verilməsi haqqında normativ sənədlər var və bütün proseslər bu təlimata uyğun aparılmalıdır.
Qurumdan bildirilib ki, indiyədək, dövlət qurumları ölkədə ibadət evlərinin tikintisinə hansısa məhdudiyyət qoymayıb: “Əksinə, ibadət evlərinin inşasına və bərpasına daim dövlət tərəfindən diqqət göstərilib. Son 10 ildə ölkə Prezidenti cənab İlham Əliyevin müvafiq sərəncam və tapşırıqları əsasında onlarla məscid inşa edilmiş və ya əsaslı bərpa olunaraq dindarların istifadəsinə verilmişdir. Bu fakt deyilənlərin əyani təsdiqidir.
Şəmkir rayonu Zəyəm kəndində mövcud faktla əlaqədar onu da bildiririk ki, tikinti işləri dayandırılıb və hazırda müvafiq qurumlar tərəfindən araşdırmalar aparılır”.
Şəmkirdə məscid sökülür: Ölkə dindarları rayona etiraza toplaşdı – Video Şəmkirdə məscid sökülür: Ölkə dindarları rayona etiraza toplaşdı – Video Bolge Alı Qocayevin başı dərddə! Alı Qocayevin başı dərddə! Siyaset / Bolge Sumqayıt dindarları İlham Əliyevə müraciət etdilər - Sumqayıt dindarları İlham Əliyevə müraciət etdilər - "Bəzi məmurlar bizi məscidə buraxmırlar" (Foto) Kriminal Binəqədi İcra Hakimiyyətində vətəndaşdan rüşvət istəyirlər Binəqədi İcra Hakimiyyətində vətəndaşdan rüşvət istəyirlər Gundem Baş nazir tikinti işlərinin aparılmasının məhdudlaşdırılmasına dair əlavə tədbirlər haqqında qərar qəbul edib. Baş nazir tikinti işlərinin aparılmasının məhdudlaşdırılmasına dair əlavə tədbirlər haqqında qərar qəbul edib. Gundem