Binəqədidəki “Dağlar” əxlaqsızlıq ünvanı, hansı polis rəisinə məxsusdur?

Binəqədidəki “Dağlar” əxlaqsızlıq ünvanı, hansı polis rəisinə məxsusdur?










Paytaxt Bakımızın mərkəzi ərazilərindən birində, bir qədər də dəqiq desək Binəqədi rayonunda “Baksol” yolu adı ilə tanınan ərazidə yerləşən “Dağlar” əxlaqsızlıq ünvanının fəaliyyəti haqda, yəqin ki, hər kəs məlumatlıdır. Həmin obyektin fəaliyyəti ilə bağlı məlumatları Azerinfo.az saytına çatdıran mənbə bildirir ki, adı çəkilən obyektin təhlükəsiz fəaliyyət göstərməsinin əsas səbəbi, obyektin əsl sahibinin rayonların birində polis şöbəsinin rəisi olmasıdır. Baxmayaraq ki, “Dağlar” əxlaqsızlıq ünvanını İlqar adlı şəxs işlədir, amma onu da dərk etmək lazımdır ki, obyektin arxasında “möhkəm əl” dayanır və onu hər cür təhlükələrdən də qoruyur.

Onu da vurğulayaq ki, bu gün Binəqədi rayonu ərazisində çoxlu sayda əxlaqsızlıq ünvanları var və həmin ünvanlar da fəaliyyət imkanlarına görə, digər ərazilərdə olan obyektlərdən fərqlənirlər. O da hər kəsə bəllidir ki, “Dağlar” adı ilə tanınan əxlaqsızlıq ünvanı gün ərzində xeyli sayda müştəri qəbul edir və belə bir yolla da, gündəlik xalqımıza məxsus əxlaqımız, milli-mənəvi dəyərlərimiz tapdaqlar altına atılır. Faciə odur ki, obyektin əsl sahibi olan və rayonlardan birində polis şöbəsinin rəisi vəzifəsini daşıyan həmin şəxsi nə əxlaq, nə mənəviyyat, nə də ki, digər amillər düşündürmür. Onu düşündürən hal, yalnız və yalnız daha çox var-dövlət qazanmaq hərisliyi olur. Bir anlığa olub-keçənlərə diqqət yetirdikdə o da aydın olur ki, bu cür düşüncə, bu cür yanaşma sahibi olanların amalları, tamamilə fərqli mühitə köklənir. Təki pul olsun, təki var-dövlət olsun.

Bəli, bu gün cəmiyyətimizi deqradasiyaya uğradan, çoxsaylı gənclərimizi minbir xəstəliyin daşıyıcısına çevirən, əxlaqımızı, mənəviyyatımızı korlayan, azyaşlıların tərbiyəsini pozan, məhz belə bir ünvanların varlığıdır. Həmin ünvanlardan biri də, “Dağlar” adi ilə tanınan əxlaqsızlıq ünvanıdır. Baxmayaraq ki, belə bir amillərin varlığına qarşı 2014-2018 illəri əhatə edən, yəni qadınların cinsi istismarı və cinsi istismarına şəraitin yaradılmasının qarşısının alınmasıməqsədilə, yeni “Milli Fəaliyyət Planı” da imzalamışdır. Qəbul olunmuş “Milli Fəaliyyət Planı”nda insan alverinin səbəbləri, ona şəraitin yaradılması, hallarının müəyyən edilməsi və aradan qaldırılması, insan alveri qurbanlarının hüquqlarının bərpası və sosial reablitasiyasının həyata keçirilməsi nəzərdə tutulur. Bütün bunlar qəbul olunmuş sənəddə öz əksini tapsa da, nədənsə İlqar adlı şəxsin sahiblik etdiyi obyektdə və əraziyə cavabdehlik daşıyan hüquq-mühafizə orqanı əməkdaşlarının əməllərində, irəli sürülən tələblərə əməl olunmadığı açıq-aşkar görünür. Bu belə olduğu halda səbəb nədir ki, ortada müvafiq sərəncam və onun prinsipləri olsa da, İlqar adlı şəxs nə sərəncamı sayır, nə də ki, onun prinsiplərini qəbul edir. Axı, hər kəs qanuna, onun aliliyinə hörmət etməli, necə deyərlər şərəfli vətəndaş borcunu yerinə yetirməlidir. Görəsən sahiblik etdiyi obyektdə qadınların cinsi istismarına şərait yaratmaqla, vergidən yayınmaqla, gigiyenik qaydalara əməl etməməklə, hətta işçilərlə əmək müqaviləsi bağlamamaqla, daha çox isə milli-mənəvi əxlaqımızı tapdaq altına atmaqla, İlqar adlı şəxsin və onun arxasında dayanan “möhkəm əl”in yerinə yetirdiyi “şərəfli vətəndaş” borcu budurmu? Bax, bu haqda düşünmək, belə bir olaylar haqda götür-qoy etmək lazımdır ki, İlqar adlı şəxsin və ona himayədarlıq edən hər kəsin qol qoyduğu əməllərdən xəbər tutmaq mümkün olsun.

Hörmətli oxucular! Diqqətinizə onu da çatdırmaq istəyirik ki, “Dağlar” adı ilə tanınan obyektin, respublikamızın şimal zonasında yerləşən rayonlardan birində polis rəisi işləyən şəxsə məxsus olduğu bildirilir. Bu haqda müəyyən araşdırmalarımızı aparmaqla daxil olan məlumatın həqiqiliyini ortaya çıxarıb, sizləri bu yöndə məlumatlandırmağa çalışacağıq. Odur ki, bizi izləyin.
[xfgiven_images]
[xfvalue_images]
[/xfgiven_images] [xfgiven_source][/xfgiven_source]