"Biz, Şəki rayonu taxılçılıq zonasında fəaliyyət göstərən çoxsaylı istehsalçılar imzalamış olduğumuz müraciəti dia.az vasitənizlə Kənd Təsərrüfatı Nazirliyi tərəfindən istehsalçılara əsassız yaradılan problemləri ictimaiyyətə geniş şəkildə çatdırmaqdır". Bu barədə DİA.AZ-a göndərilən müraciətdə deyilir.

Müraciət müəllifləri olan şəkili fermerlər daha sonra yazır: "Ölkə Başçısının imzaladığı Qərara görə dekabr ayından istehsalçılara verilməli olan yardımlar Nazirlik tərəfindən hələ də verilməyib. Məlumat üçün bildiririk ki, həmin vəsaitlər məhsuldarlığı artırmaq üçün gübrələrin alınması, taxılın xəstəlik və zərərvericilərinə qarşı mübarizə aparmaq üçün preparatların alınması üçün nəzərdə tutulmuşdur. Deyə bilərik ki, indiyə qədər vəsaitlərin verilməməsi, həmin tədbirlərin görülməməsi məhsuldarlığa ciddi olaraq mənfi təsirlərini göstərmişdir.

Dövlətimizin, Ərzaq Təhlükəsizliyinə zərbə vuran nazirliyin bu əməllərini təxribat kimi qiymətləndirmək olar. Nazirlik tərəfindən Cənab Prezidentin kənd təsərrüfatının inkişafı ilə tapşırıqlarına əməl etməməsi ilə bağlı dəfələrlə məktubumuzda göstərdiyimiz ünvanlara müraciət etmişik. Çox təəssüflər olsun ki, heç bir nəticəsi olmamışdır".

Dia.az olaraq müraciət müəlliflərinin yolladığı sənədi təqdim edirik:

İddia olunanlarla bağlı dia.az olaraq bütün maraqlı tərəfləri dinləməyə hazırıq...