Vətən müharibəsində iştirak edən Bayramov Gündüz Yusif oğlu hələ də onun adına verilən medalı ala bilmir. DİA.AZ xəbər verir ki, məsələ ilə bağlı Moderator.az-a danışan G.Bayramov Şabran rayonunda yaşayır. Laçın, Qubadlı və Cəbrayıl uğrunda döyüşdüyünü deyir:



“Bununla bağlı hər yerə müraciət etmişəm. Övladım kəskin bronxitdən əziyyət çəkir. Müalicə xərclərini çatdmırıq. Şabran rayon İcra Hakimiyyəinə gedirəm, məni dinləmirlər. Deyirlər get kimin üçün döyüşmüsən o da kömək eləsin, bizim rəsmi büdcəmiz yoxdur. Mən ailəmə baxa bilmirəm. Övladım reanimasiyaya yerləşdirilib, tez–tez boğulur, nəfəsi çatmır. Kommunal xərcləri və kirayə haqqını ödəyə bilmirəm. Dərmanalara görə maaş kartımı dükana qoymuşam, uşağa nəfəs aparatı, dərmanlar almışam”.