Nəsimi Rayon İcra Hakimiyyətinin yaratdığı təhlükə - Fotolar
Bolge
Oxunub: 81
23 in 2022 | 21:48
Nəsimi Rayon İcra Hakimiyyətinin yaratdığı təhlükə - Fotolar


Bakı Şəhər İcra Hakimiyyətindən deyirlər ki, Dilarə Əliyeva, Səməd Vurğun, Mirzağa Əliyev küçələrində piyada səkilərinin zəbt olunması faktına görə məsuliyyət bilavasitə Nəsimi Rayon İcra Hakimiyyətinin üzərindədir. Ekspertin fikrincə isə problemin həllini tapmamasına yeganə səbəb korrupsiya faktorudur.

Paytaxt Bakının mərkəzi ünvanlarında – bir çox küçə və prospektlərdə piyadalar üçün nəzərdə tutulmuş səkilər ayrı-ayrı şəxslər, sahibkarlıq subyektləri, şirkətlər, işbazlar tərəfindən zəbt olunub. Belə vəziyyət həmin səkilərlə təhlükəsiz şəkildə hərəkət etməli olan piyadalara böyük çətinliklər yaradır.

Mediadan qaçan məmurlar

Piyadalar öz həyatlarını təhlükə altına atır, məcburiyyət qarşısında qalıb avtomobil yoluna çıxır, maşınların arası ilə hərəkət etməli olurlar. Bu isə onlarla yanaşı, sürücülər üçün də böyük təhlükə yaradır. Fiziki məhdudiyyəti, əlilliyi olan, əlil arabasında gəzən, yaxud azyaşlı övladını uşaq arabasında gəzintiyə çıxaran valideynlər üçün səkilərin zəbt edilməsi, müyəssərliyin pozulması daha böyük çətinliklər yaradır. Bu qəbildən olan küçələrə nümunə kimi Nəsimi rayonundakı Dilarə Əliyeva, Səməd Vurğun, Mirzağa Əliyev və sair ünvanları göstərə bilərik. İstənilən kəs paytaxtın mərkəzi ünvanlarında qısa müşahidə aparsa, qeyd etdiyimiz nüanslara rast gələ bilər. Bu barədə mediada dəfələrlə məsələ qaldırılsa da, problem həllini tapmır. Aidiyyəti qurumlar ya laqeydlikdən, ya da məqsədli şəkildə susmağa üstünlük verirlər. Bizim onlarla əlaqə yaratmaq, suallara cavab tapmaq cəhdlərimiz də məhz bu kimi səbəblərdən nəticəsiz qaldı. Dövlət Şəhərsalma və Arxitektura Komitəsindən, Nəsimi Rayon İcra Hakimiyyətindən fakta dair münasibət öyrənmək istəsək də, media ilə əlaqələrə məsul şəxslər "qeybə” çəkildilər.

Məsuliyyət və cavabdehlik

Bakı Şəhər İcra Hakimiyyətinin sözçüsü Mətin Hüseynov bildirdi ki, Dilarə Əliyeva, Səməd Vurğun, Mirzağa Əliyev küçələrində piyada səkilərinin zəbt olunması faktına görə məsuliyyət bilavasitə Nəsimi Rayon İcra Hakimiyyətinin üzərindədir. Onun sözlərinə görə, problem adıçəkilən icra qurumu tərəfindən tənzimlənməlidir: "Bakı şəhəri ərazisində hansısa ünvanda tikintidən söhbət gedirsə, buna görə həmin rayonunun icra hakimiyyəti məsuliyyət daşıyır. Bakı Şəhər İcra Hakimiyyəti hansısa köşkün istənilən bir ünvana qoyulmasına görə cavabdehlik daşıyır. Statistikaya görə son 4 ildə Bakı Şəhər İcra Hakimiyyəti bu barədə kiməsə hər hansı icazə verməyib. Söhbət səki üzərində köşkün quraşdırılmasına görə icazədən gedir. O ki qaldı binanın zirzəmisində, birinci mərtəbəsində yerləşən hansısa obyektin birbaşa küçəyə pilləkən qoymasına, artırma etməsinə, bunun üçün müvafiq qaydada rayon icra hakimiyyətinə müraciət olunmalıdır. Azərbaycan Prezidentinin imzaladığı sərəncamla 2018-ci ilin 1 avqust tarixindən Bakı şəhəri ərazisində tikintiyə icazənin verilməsi, ümumiyyətlə, tikinti məsələləri ilə bağlı bütün səlahiyyətlər Bakı Şəhər İcra Hakimiyyətindən alınaraq Dövlət Şəhərsalma və Arxitektura Komitəsinə verilib. Ona görə də paytaxt ərazisində hər hansı tikinti işinə, artırmaya, pilləkən qoyulmasına və sairə görə vətəndaşlar rayon icra hakimiyyətinə, dövlət komitəsinə müraciət etməli, atacaqları addımları həmin qurumlarla qanun çərçivəsində razılaşdırmalıdırlar”.

Korrupsiya, ictimai maraqlara biganəlik

Sosial məsələlər üzrə ekspert İlqar Hüseynli hesab edir ki, səkilərin zəbt olunması daim ictimaiyyəti narahat edən problemlərdən biridir. Onun qənaətincə, buna görə rayon icra hakimiyyətləri, eyni zamanda Bakı Şəhər İcra Hakimiyyəti məsuliyyət daşıyır: "İndiyə qədər dəfələrlə ictimailəşdirilməsinə rəğmən, hələ də bu problemin həllini tapmamasına yeganə səbəb korrupsiya faktorudur. Paytaxt ərazisində hansısa küçədə piyada səkisini zəbt edən, ictimai maraqlara əhəmiyyət verməyən, vətəndaşların normal hərəkətinə açıq-aşkar mane olan şəxslər buna görə yerli strukturlarla mütləq şəkildə sövdələşməyə gedib. Bu strukturlar sahə müvəkkili, bələdiyyə, icra nümayəndəsi və sair ola bilər. Əgər həmin şəxslər müvafiq qurumlarla hansısa formada razılaşma əldə edə bilməsəydilər, belə rahatlıqla səkiləri zəbt edə bilməzdilər. Şəhərin mərkəzindəki binaların zirzəmi qatlarının özəlləşdirilməsi, yaxud ayrı-ayrı şəxslərə icarəsi üçün sərəncam verən orqan icra hakimiyyətidir. Fövqəladə Hallar Nazirliyinin də bu məsələyə qismən aidiyyəti var. Çünki paytaxt ərazisində yerləşən binaların əksəriyyətinin zirzəmi qatı fövqəladə hallar üçün nəzərdə tutulub. Əgər hər hansı hadisə olarsa, o zirzəmilərə şəhər əhalisi təxliyə oluna bilər. Bu kateqoriyadan olan zirzəmi qatları iaşə obyekti, digər xidmətlər göstərilən ticarət obyekti kimi icarəyə verilirsə, buna görə rayon icra hakimiyyəti ilə yanaşı Fövqəladə Hallar Nazirliyinin müvafiq qurumunun da razılığı olmalıdır. Belə bir razılıq yoxdursa, dərhal həmin zirzəmilər sahibkarlardan geri alınmalı, təmizlənməli, cari təmir işləri aparılmalı və gələcəkdə təyinatı üzrə istifadə üçün dövlətin nəzarətində saxlanılmalıdır. Bu işlər görülərkən zəbt olunmuş səkilər də əvvəlki görkəminə qaytarılmalı, ictimai maraqları nəzərə almayan işbazlar qanun çərçivəsində cəzalandırılmalıdır”.

Mənbə: Kaspi qəzeti

Nəsimi Rayon İcra Hakimiyyətinin yaratdığı təhlükə - Fotolar
Nəsimi Rayon İcra Hakimiyyətinin yaratdığı təhlükə - Fotolar
Nəsimi Rayon İcra Hakimiyyətinin yaratdığı təhlükə - Fotolar
Nəsimi Rayon İcra Hakimiyyətinin yaratdığı təhlükə - Fotolar
Bu gün, 15:38
Mirəlif Əzizovun Yanacaq Biznesi- VİDEO-FAKT
Bu gün, 15:38
Direktoru intihara vadar edir... amma bu adama SÖZ DEYƏN YOXDUR... - FAKTLAR AÇIQLANIR...
Bu gün, 15:37
İntihara cəhd edən direktordan İLGİNC AÇIQLAMALAR - "Kişi olsunlar, məni ucuz yalanlarla şərləməsinlər"
Bu gün, 15:36
Şəmkir təhsilində YENİ PUL YIĞIMI… – Anar Qədimalıyevin yerinə NAMİZƏD VAR!
Bu gün, 15:34
Gəncədə məktəb direktoru görün hansı İLGİNC ÜSULA ƏL ATIB?
Bu gün, 14:46
“Qarabağı və Şərqi Zəngəzuru bərpa edəcəyik”
Bu gün, 14:43
“İstisu suyu ixrac ediləcək” - Prezident
Bu gün, 14:39
“Bu gün mən burada olmalı idim”
Bu gün, 14:36
Prezident Murov dağının altından çəkilən tuneldən danışdı
Bu gün, 14:31
Bakı Bəyannaməsi imzalandı
Bu gün, 14:27
İlham Əliyev Kəlbəcərlə bağlı göstəriş verdi
Bu gün, 14:22
Prezident İlham Əliyev Göygöl, Kəlbəcər və Laçın rayonlarına səfər edib - GENİŞ REPORTAJ
Bu gün, 14:12
Hikmət Mirzəyev şəhid övladları ilə görüşdü - Fotolar
Bu gün, 14:07
Prezident Ümumdünya Şəhər Forumunun 11-ci sessiyasında videoformatda çıxış etdi
Bu gün, 14:02
Prezidentdən Ermənistana daha bir - Xəbərdarlıq
Bu gün, 00:46
Masallıda Ekoloji Fəlakət
Bu gün, 00:41
Prezident İlham Əliyev Göygöl, Kəlbəcər və Laçına səfər edib - FOTO
Dünən, 00:41
Niyazi Bayramovun Şöhrəddin Verdiyevlə ŞƏRİK TALANI... - İLGİNC FAKTLAR
Dünən, 00:37
Azərbaycan Ordusunun yaradılmasından 104 il ötür
25-06-2022, 23:39
Sülhməramlıların komandanlığının xəritə oyunu - məqsəd nədir?
25-06-2022, 22:50
Taleh Qaraşov üçün sakinlərin TALEHİ MARAQLIDIRMI? - NARAZILIQ!
25-06-2022, 22:22
Bakının “dəmir” 2025 hədəfi: Qazaxıstan nümunəsi təkrarlana bilər - NƏ BAŞ VERİR?
25-06-2022, 21:50
Prezident Silahlı Qüvvələr Günü münasibətilə paylaşım edib
25-06-2022, 21:45
Prezident bir qrup hərbi qulluqçunu təltif edib - SİYAHI
25-06-2022, 21:43
Azərbaycana qarşı ağlasığmaz iddia: İran nə istəyir? - Tehran ənənəvi ampluasında...
25-06-2022, 21:42
Silahlı Qüvvələr Günü ilə bağlı 114 hərbçi təltif olunub
25-06-2022, 21:30
Prezident onlara rütbə verdi - SƏRƏNCAM