21-02-2020, 23:45 Oxunub: 331

Xətainin icra başçısı haqda ilginc iddia - Bu əraziləri də satdı...

Xətainin icra başçısı haqda ilginc iddia - Bu əraziləri də satdı...


9 fevral seçkisi bəzi qurum rəhbərlərinin tərcümeyi halında qara xətt olaraq qalacaq. Çünki həmin şəxslər ya saxtakarlığa müəlliflik etdilər, ya da sadəcə həmin qanunsuzluğa göz yumdular. Hər iki hal xalqın haqqına qəsbdir. Belə rayonlardan da biri Xətai rayonudur. Xatırladaq ki, bu rayondakı 4 DSK-dan 2-si tam olaraq, 1-də isə 7 məntəqə MSK-nın müvafiq qərarı ilə saxtakarlığa görə ləğv edilib. Lakin göründüyü kimi hələ də bu rayonun İcra Hakimiyyətinin başçısı Rafiq Quliyev öz postunu qoruyub saxlamaqdadır. Əslində isə onun xələflərindən biri İbrahim Mehdiyev məhz 2010-cu ildə seçki saxtakarlığı fonunda bu rayona başçı təyin edilmişdi. Mehdiyevin sələfini ölkə başçısı seçkiyə müdaxilə etdiyi üçün görəvindən almışdı. Lakin yuxarıda qeyd edildiyi kimi Rafiq Quliyev kimlərinsə hələ də vazkeçilməzi olaraq qalmaqdadır.
Xətai rayonunun İcra Hakimiyyətinin başçısı Rafiq Quliyevlə bağlı Conflict.az-a yeni məlumat daxil olub. Mənbənin verdiyi məlumata görə İcra Hakimiyyətinin başçısı Xətai rayonu ərazisində, konkret Cavanşir küçəsində yerləşən, H.Z.Tağıyev adına toxuculuq kombinatına məxsus, artıq 7 ilə yaxındır ki, sökülmüş iki yataqxananın ərazisini tikinti şirkətlərindən birinə satıb.

Xatırladaq ki, həmin ərazini illərdir ki, bir neçə tikinti şirkəti almağa çalışsa da, mənbənin verdiyi məlumata görə bəzi “arzuların” həddən artıq yüksəkliyinə görə anlaşma baş tutmurdu. Lakin bir neçə gün öncə əraziyə geoloji test aparmaq üçün texnikanın gətirilməsi, eyni zamanda Ekologiya və Təbii Sərvətlər nazirliynin əməkdaşlarının qəfil peyd olmaları bu ərazinində artıq satıldığı qənaətini yaratdı. Və Conflict.az-a bu gün daxil olan məlumat əslində qənaətimizi doğrultdu. Belə ki, məlumatı verən mənbə ərazidə tikiləcək hündürmərtəbəli binaların çertyojunu redaksiyaya təqdim etdi.

Onu da xatırladaq ki, ərazi kifayət qədər böyükdür. Mənbənin verdiyi məlumata görə 2 hektarlıq ərazidə 3 hündürmərtəbəli bina inşa ediləcək. Oxucuların nəzərinə onu catdıraq ki, həmin ərazi ilə üzbə-üz artıq bir neçə 10 illərdir ki, bərbad vəziyyətdə olan “Gənclik” parkı yerləşir. Bir müddət öncə ölkə Prezidenti cənab İlham Əliyev, I vitse-prezident Mehriban xanım Əliyevanın təşəbbüsü ilə İmadəddin Nəsiminin yubileyi ilə əlaqədar “1 gündə 600 000 ağac əkək!” aksiyası zamanı ailə üzvləri ilə birlikdə məhz həmin parka gəlmişdi. Və elə həmin gündə Bakı şəhər İcra Hakimiyyətinə və Xətai rayon İH-yə parkın təcili abadlaşdırılması ilə bağlı tapşırıq vermişdi. Lakin həmin tapşırığın verilməsindən müəyyən qədər zaman keçsə də, nə BŞİH, nə də Xətai rayon İH-də bu tapşırıqla bağlı hər hansı addım atılmayıb. Əvəzində isə satılacaq ərazi üçün nəhayət ki, müştəri tapıldı.

Mövzuya qayıdacağıq.
Redaksiya məlumatda adı çəkilən qurum və ya şəxslərində cavab haqlarını tanıyır, dərc etməyə hazırdır.
Xətainin icra başçısı özünü o qədər arın-arxayın hiss edir ki... - İTTİHAM Xətainin icra başçısı özünü o qədər arın-arxayın hiss edir ki... - İTTİHAM Bolge Yeni icra başçıları kollektivə təqdim olunub Yeni icra başçıları kollektivə təqdim olunub Siyaset Biləsuvarın icra başçısı ilə bağlı ilginc məqam... - Başçı 500 min haqq verib ki... Biləsuvarın icra başçısı ilə bağlı ilginc məqam... - Başçı 500 min haqq verib ki... Dunya / Bolge Qəbələnin icra başçısı haqda ilginc iddia - Təkcə vəzifəsini itirməyəcək... Qəbələnin icra başçısı haqda ilginc iddia - Təkcə vəzifəsini itirməyəcək... Bolge Dələduzluqda təqsirləndirilən sabiq icra başçısına hökm oxunub Dələduzluqda təqsirləndirilən sabiq icra başçısına hökm oxunub Kriminal